Pej̈aniajamatabükuene peitsijawa

Pakuenia Jesús itsi

VIDEOJAWA: Jesús jumeyaba pitaj̈utotsükünaenü

1. Taema VIDEOJAWA, itsajume lebare Juan 9:​1-7. Netaekujinae kanaüjüre paliwaisi yabaraje:

1. ¿Deitsi meta Jesús kopiaya: jumeyaba pitaj̈utotsükünaenü, itsajume tsipaeba pej̈anialiwaisi bajaraponüjawabelia? (Taema Juan 9:​35-38).

2. ¿Dej̈uajitsia nej̈ata bajarapajiwiyo jitsipa penamuj̈unaewetsinej̈a Jesús?

¿Dej̈ua nakakujaruba j̈ua Jesús itsi?

2. Itsa kopiaya nakajamatabükueneena itsajiwiyojawabelia pejamatabükueneitsijawa yabara, nej̈ata bajarapajiwiyo jitsipaena wajanakanamuj̈unaewetsinej̈a.

Kuenejüpare Jesús pijakuene

3. Jamatabükueneyapütaema itsajiwiyo. Itsa tsipaebame, kanaüjüre j̈ua pajiwiyo jamatabükueneenatsi.

1. Nayanijobare: “¿Dej̈uajawanü bajarapajiwiyo jamatabükueneenatsi?¿Dej̈ua bajarapajiwiyo namatawenona j̈aniawaetsiakuenia peponaponaenej̈a?”. Bajarapaliwaisianü kayawenonaena nitaj̈utotsoniataenej̈a nebarükuaikuaijaijawata bajarapajiwiyojawabelia.

2. J̈aniawaetsiakuenia namuj̈unaewere pajiwiyojawabelia netsitajütsinej̈a pekajamatabükueneenaejawa neyawenonaenej̈anua j̈ua yabara najamatabüj̈aina. Itsa jumepita, nej̈ata pütsa kuaikuaijamü itsakuene yabara.

4. Jamatabükuenej̈anepanaeya bekuaikuaijamü yaiyataeyanua. Itsa pajiwiyo itaj̈utotsoniatanetsi, nej̈ata yawenonaejitsipatsi, asiwayakuenianua barükuaikuaijai tsipaetsi bajarapajiwiyojawabelia. Bajaraj̈uata kopiaya bekanaüjütame j̈ua yabara kuaikuaijaijitsiamü, pakuenia tsipaebijitsiamünua. Itsakuenejawa pütsa kuaikuaijamü peanaepanaeyaniwa.

5. Yawenonare itsamonae. Itsa kakuenekaüjüpa, yawenonare pajiwiyo j̈ua namatawenona. Bajaraj̈ua nej̈ata kayawenonaena j̈aniawaetsiakuenia nebarükuaikuaijainej̈a.