LIWAISI 17
¿Dejamatabükueneitsi nej̈ata Jesús?
Wajayapütaenajetarubenaejawa j̈ua Jesús itsi irata, nakayapütaeyaej̈anaena pajamatabükuene j̈aina bajaraponü, nakajamatabükueneimoj̈oyotsiana bajaraponüjawabelia, Paj̈ajawabelia ata. ¿Depajamatabükueneitsi Jesús? ¿Dej̈ua beitsitsi Jesús wajakuenejüpaenej̈a?
1. ¿Depakuenia Jesús Paj̈a kuenejüpa?
Jesús atjübütatsia yajawaponapona Paj̈a mile de millone pawaimonae, yapütanenajetaruka j̈ua kujarubatsi. Bajaraj̈uata pej̈aniajamatabükuenejawanü j̈aina. Itsi tsabiabinua Paj̈akuenia (lebare Juan 5:19). Jesús j̈aniawaetsiakuenia kuenejüpa Paj̈a, bajaraj̈uata jumaitsi: “Pajivi netane, bajarapajivi taxa ata tane” (Juan 14:9). Bajaraj̈uata, itsa j̈aniawaetsiakuenia yapütaneme Jesús, j̈aniawaetsiakuenia yapütaenamenua Jehová. Nej̈ata, pitaj̈utobejiobiataejawa Jesús nakayapütaeyaej̈ana pakuenia Jehová jamatabüitsi j̈amüjawabelia.
2. ¿Depakuenia Jesús tonakueneitajüta piasiwajawa Paj̈a?
Jesús jumaitsi: “Pacuenia taxa nitoroba tatoexanaenexa, bajarapacuenia exanaenajë. Nexata daxita mapanacuapijivije yapëtaena taxa tasivajava” (Juan 14:31). Bajayata pakujinae Jesús irata ponapona, tsitajüta piasiwajawa Paj̈a, tsipaji jumekowünütabiaba toayapübeje atatsi. Jesús tsitaj̈anepanabiabatsi pekuaikuaijainej̈a Paj̈a yabara, peyawenonaenej̈anua itsamonae penaimoj̈oyotsinej̈a Diosojawabelia (Juan 14:23).
3. ¿Depakuenia tsitajüta Jesús piasiwajawa panakuapijiwije?
Bibliabaj̈uto yapütaeyaej̈ana pakuenia Jesús bitso siwajamatabükuenebarüya jiwi (Proverbios 8:31). Jesús tsitajüta piasiwajawa jiwimonae pakujinae ajamatabükuenesaüyaej̈ana, yawenona itsamonae apoyawenonae atatsinua juya bajaraponü. Ayaikuenejawanü itsi pitaj̈utobejiobiataej̈ae (Marcos 1:40-42). Pejamatabükuenej̈anepanaenü, daj̈itajiwi jamatabükuenejüpaeya taeyabiaba. Paliwaisi tsipaebabiaba jamatabükuenebabatabiaba pej̈aniajamatabükuenewi. Daj̈itajiwi piasiwaj̈ae siwatüpa, itsiata bitso asiwa pamonae jumekowünütatsi (lebare Juan 15:13, 14).
KANAÜJÜTSIANATSI
Yapütaenatsi pej̈aniajamatabükuene Jesús pej̈ainaejawa. Yapütaenatsinua pakuenia kuenejüpaejitsiatsi wajaasiwakuene itsamonae, wajarajutsinej̈a ata itsamonae.
4. Jesús bitso asiwa Paj̈a
Jesús nakayapütaeyaej̈ana pakuenia bejamatabükuenetsitajütatsi wajaasiwajawa Dioso. Palebare Lucas 6:12; Juan 15:10; 17:26. Panelebikujinae kaeliwaisi kanakujitsia, panabarükuaikuaijamü tsane paliwaisi yabaraje:
Wajakuenejüpaenej̈a Jesús, ¿depakuenia najamatabükueneitajütsipatsi wajaasiwajawa Jehová?
Jesús asiwa bitso Paj̈a atjübüpijinü, nawajütabiabanua.
5. Jesús jamatabükueneenatsi bepejiobiwijawabelia
Jesús apojamatabükueneenaetsi üponünej̈a, biji rajane, siwajamatabükueneenatsi itsamonae. Kueranae atami, yawenonabiaba itsamonaejawabelia. Palebare Marcos 6:30-44, panelebikujinae panabarükuaikuaijamü tsane paliwaisianü yabaraje:
Pakuenia nakayapütaeyaej̈ana paliwaisije, ¿depakuenia Jesús siwajamatabükueneena itsamonae? (Pataema tsikiriitanetoj̈i 31, 34, 41, 42).
¿Dej̈uajitsia Jesús yawenona jiwijawabelia? (Pataema tsikiriitanetoyo 34).
Jesús pekuenejüpae Paj̈a, ¿dej̈ua nej̈ata kayapütaeyaej̈ana bajarapaliwaisi Jehová yabara?
¿Debeitsitsi itsamonae wajanakasiwajamatabükueneenaenej̈a Jesúskuenia?
6. Jesús rajutabiaba itsamonae
Jesús rajutabiaba itsamonaejawabelia apoj̈ainae ata daj̈itakuene. Nej̈ata bajaraponü bekuenejüpatsi. Palebare Hechos 20:35, panelebikujinae panabarükuaikuaijamü tsane paliwaisi yabaraje:
Pakuenia Jesús jumaitsi, ¿dej̈ua nakabarüyayaej̈anaena?
Pataema VIDEOJAWA, panetaekujinae panabarükuaikuaijamü tsane paliwaisi yabaraje:
¿Dej̈uajawanü berajutatsi itsamonae, apoj̈ainae atatsi daj̈itakuene?
¿Yapütaneme baja?
Dioso Pejumeliwaisi nakayapütaeyaej̈ana pakuenia benawajükatsi Jehovájawabelia Jesús pewünüta (palebare Juan 16:23, 24). Bajarapakuenia pej̈aniajamatabükuene berajutatsi Jesúsjawabelia wajanakayawenonaej̈ae wajanaimoj̈oyotsinej̈a Jehovájawabelia.
ITSAMONAE BAJUMAITSI: “Dioso apojamatabükueneenaetsi bepejiobiwijawabelia”, jai.
Jesús Paj̈a kuenejüpa, ¿depakuenia nej̈ata nakajamatabükuenetsitajüta Jesús pejamatabükueneenaejawatsi Jehová waj̈aitsinej̈a?
PALIWAISI BAJA YAPÜTANETSI
Jesús bitso asiwa Jehová, jiwimonae ata. Jesús kuenejüpa Jehová, nej̈ata itsa bebeliayo yapütaneme Jesús, j̈aniawaetsiakuenia yapütaename Jehová.
Najamatabünapire
¿Depakuenia najamatabükueneitajütsipatsi wajaasiwajawa Jehová pakuenia Jesús itsi?
¿Depakuenia najamatabükueneitajütsipatsi wajaasiwajawa jiwijawabelia pakuenia Jesús itsi?
¿Dej̈ua katsitaj̈anepana matatoj̈enetsia Jesús pejamatabükuene yabara?
YAPÜTAENAME ITSALIWAISI
Yapütaename papekuenejawanü Jesús j̈aina, nej̈ata kuenejüpaejitsipame.
Yapütaema penamatamotsiliwaisi penawajükaejawa yabara.
“¿Dej̈uajitsia benawajükatsi Diosojawabelia Jesús pewünüta?” (Peyajiwitaebo, 1 de febrero, 2008)
¿Bibliabaj̈uto nej̈ata nakayapütaeyaej̈ana depitsinü Jesús?
¿Dej̈ua nakayapütaeyaej̈ana pakuenia Jesús siwanajamatabüj̈aina petiriawi?
“Dioso yaiyatane, asiwanua petiriawi” (Peyajiwitaebo, 1 de septiembre, 2012)