¿Depitsiliwaisi nakayapütaeyaej̈ana peyabubutsiliwaisi?

Dioso ajibiaej̈ana apopejumekowünütsiwitsi, itsiata Noé kapanepatsi pijamonae yajawa (Génesis 7:11, 12, 23).

40 pamatakabibeje, 40 pamerawibeje, bitso ema tsanukae. Nej̈ata mera yawünüka ira, bajaraj̈uata tüpa daj̈ita pibisiakuene pej̈anaewi.

Piajamatabükuenebejeángelewi ikatsia nawiaba atjübüabetsia. Nej̈ata baja, Dowatji yajawaponapona bajarapamonae. Naej̈ana dowatjiwi.

Üpamonae ayaijeramoj̈anetoünüalia ena, panepa. J̈uakujinae baja Noé, pijamonae yajawa tüpanajetarubena, itsiata Dioso jumalikanawiabianatsi. Nej̈ata baja jinawanapaena daj̈itamatakabijawabelianej̈a.

Kaeepatoyokujinae Dioso werebiabiana piajamatabükuenebejewi, itsiata kapanepaena pej̈aniakuene pej̈anaewi (Lucas 17:26, 27).

Dowatji, piajamatabükuenebejeángelewi yajawa yamaj̈üitojorobabiaba jiwi penamuj̈unaewetsiyaniwa Jehová.

Pakuenia Noé pijamatakabita, jiwi apojumekowünütsi Jehová, bajarapakuenia itsi ajena pamatakabi. Bajaraj̈uata, ikatsia Jehová ajibiaej̈anaena daj̈ita piajamatabükuenebejewi kaeepatoyokujinae (2 Pedro 2:5, 6).

Jehová petotsipaebaponaewi nasaüta pekuenejüpaenej̈a Noé. Namuj̈unaewetabiaba, jumekowünütanua Dioso j̈ua itoroba.