Noé nakueneba ayaijeramoj̈aneto

Pamatakabijawa jiwi yakaüjüpapona daj̈ita mapanakuajawa. Itsiata ayaibitsaütoj̈aneto piakuenebejewi. Itsamonae ata ángelewi akuenebeje. Nej̈ata bajarapaángelewi runaika irabetsika pejinawanapaenej̈a. ¿Yapütaneme meta j̈uanej̈a runaika? Bajarapaángelewi pejüpaenej̈a bejiwitonükuenia petiriawi pebarünakojiobinej̈a.

Ángelewi, petiriawi pej̈i barüj̈aina. Bajarapapej̈i kajena pepo piasaübejewi, pepo piayaiwi kajena, babejiobiaej̈anabiaba jiwi ata. Jehová apokuenekopatsi piakuenebeje tsawanapaenej̈a bajarapamonae. Bajaraj̈uata Dioso jopaeyaej̈ana ayaiemaj̈aneto ira pebubutsiaej̈anaenej̈a, bajarapakuenia nej̈ata pewerebiabinej̈a piakuenebejewi.

Itsiata baitsi jane, itsanü apokuenejüpae itsamonae, tsipaji jumekowünütabiaba Jehová. Bajaraponü pewünü Noé. J̈aina pijawa, akueyabi papej̈ijiwibeje pewünü: Sem, Cam, Jafet ata. Kaepej̈ijiwi kanakujitsia j̈aina pijawajiwi. Jehová nakuenebiaej̈ana Noé ayaijeramoj̈aneto, bekajoni pekotonaemo. Bajarapakuenia nej̈ata Noépijinü, pijamonae yajawa kapanepatsi pakujinae Jehová bubutsiaej̈ana daj̈ita ira. Bajarapijinia, Jehová itoroba Noé pejoneyaej̈anaenej̈a ayaijeramoj̈anetojawabelia kaewiriadajubi kanakujitsia pekapanepaenej̈a.

Nej̈ata Noé bepijia nakueneba ayaijeramoj̈aneto. Bajaraponü, pijamonae yajawa ej̈anawanapa 50 pawaibeje bajarapajeramoj̈aneto, Jehová pitorobikueniatsi. Bajarapakujinaeta, Noé baja kajena tajüwelia tsipaeba jiwi pakujinae Dioso pebubutsiaej̈anaenej̈a ira, itsiata bajarapakujinae itsajiwiyo ata apojumekowünütsitsi.

Noé jane baja wereta bajarapajeramoj̈aneto. ¿Jitsipame neyapütaejawa pakuenia itsi bajaraj̈uakujinae?