¿Depakuenia najamatabüj̈ainame wajawajünaeyabelia?

BIBLIABAJ̈UTO JUMAITSI

“Dioso itaxutobarëmeneiquinaponaena bajarapamonae. Ajibi baja tsane petëpaecuene, penuecuene ata, bitso penajamatabëxainaecuene ata, penavixaetaecuene ata. Daxita bajarapitsicuenemi copiarucaena jane baja” (Apocalipsis 21:4, Dios pejumelivaisibaxuto pejanalivaisibaxuto).

¿DEPAKUENIA NAKAYAWENONA BAJARAPALIWAISI?

Daj̈itanakuajawa wajabitsaü penawajabitsaütsijawa ajibi tsane, jamatejemaya jinawanapaenatsi (Salmo 46:9).

Wajajamatabükuenebüjaijawa ajibi tsane, aponakadomaebi tsanenua (Isaías 25:8; 33:24).

Jinawanapaenatsi barüyaya wajaasiwawi yajawa daj̈itamatakabijawabelianej̈a (Salmo 37:11, 29).

¿PEJ̈ANIAJAILIWAISIANÜ META RUBENA BIBLIABAJ̈UTOTA WAJAJUMEKOWÜNÜTSINEJ̈A?

Jãjã, anijaliwaisibeje nakajumekowünütsiaej̈anaena:

• Dioso kuenekaüjüpatsi pej̈anaenej̈a j̈ua najumekapanepaeya nakajumaitsi. Bibliabaj̈utota jumaitsi pakuenia üDioso Pekuenekaüjüpaenütsi daj̈itakuene pej̈anaejawa (Apocalipsis 15:3). Bajaraj̈uata, itsa bajaraponü najumekapanepaeya jumaitsi pej̈anebinej̈a mapanakuaje, bejumej̈aniatanetsi pejumeliwaisi tsipaji kuenekaüjüpatsi penajumekapanepaenej̈a. Bibliabaj̈uto jumaitsi: “Dioso raja caëjëpatsi daxitacuene pexanaenexa” (Mateo 19:26).

• Dioso bitso jitsipa penajumekapanepaenej̈a pejumeliwaisi. Dioso Pejumeliwaisibaj̈uto nakayapütaeyaej̈ana j̈ua bajaraponü ikatsia asaüyaej̈anaena petüpaewimi ata (Hechos 24:15).

  Bibliabaj̈uto nakajumaitsi pakuenia Jesús, Dioso pej̈ünato, pakujinae irata ponapona jumeyaej̈ana pedomaebiwitsi. ¿Dej̈uajitsia yawenona bajarapakuenia? Tsipaji itaj̈utobejiobiatane bajarapamonae (Marcos 1:40, 41). Daj̈itakuene Jesús itsi, nakayapütaeyaej̈ana pakuenia Paj̈a jamatabükueneitsi peyawenonaenej̈a bepejiobiwijawabelia (Juan 5:19).

  Bajarapaliwaisi nakayawenona wajajumej̈aniataenej̈a Jehová, Jesúsbeje, jitsipabeje wajanakarajutsinej̈a pepo pej̈aniakuene wajawajünaeyabelia (Salmo 72:12-14; 145:16; 2 Pedro 3:9).