¿Itsamatakabi meta kopiarukaena wajanakabejiobiaej̈anaejawa?

BIBLIABAJ̈UTO JUMAITSI

“Dioso itaxutobarëmeneiquinaponaena bajarapamonae. Ajibi baja tsane petëpaecuene, penuecuene ata, bitso penajamatabëxainaecuene ata, penavixaetaecuene ata” (Apocalipsis 21:4, Dios pejumelivaisibaxuto pejanalivaisibaxuto).

¿DEPAKUENIA NAKAYAWENONA BAJARAPALIWAISI?

Yapütaenatsi j̈aniawaetsia pakuenia Dioso aponakabejiobiaej̈anae (Santiago 1:13).

Wajayapütaejawa Dioso nakajamatabükueneyapütane, ajena pamatakabijawa nakajamatabükuenebabata (Salmo 139:23).

Ewetawanapaenatsi barüyaya tsipaji pibisiakuene ajibi tsane wajanakabejiobiaej̈anaejawa (Salmo 37:9-11).

¿PEJ̈ANIAJAILIWAISIANÜ META RUBENA BIBLIABAJ̈UTOTA WAJAJUMEKOWÜNÜTSINEJ̈A?

Jãjã, anijaliwaisibeje nakajumekowünütsiaej̈anaena:

• Dioso tsitaabejetsi daj̈itaj̈ua nakabejiobiaej̈ana, itoyanua pibisiakuene pej̈anaejawa. ¿Depakuenia Jehová najamatabüj̈aina bajayata itsa pijajiwi bejiobiaej̈anatsi? Bibliabaj̈utota jumaitsi pakuenia Dioso tsiatanetsi pakujinae pijajiwi itsamonae bejiobiaej̈anatsi (Jueces 2:18).

  Dioso apotsitaj̈anepanaetsi pebejiobiaej̈anabiabiwi itsamonae. Pakuenia Bibliabaj̈utota jumaitsi Dioso itoya jiwibewi (Proverbios 6:16, 17).

• Dioso kajena asiwa kaejiwi kanakujitsia. J̈amü meta jamatabüjamü tsipae: “Dioso aponejamatabükueneyapütae tajamatabükuenebüjaijawa, tajamatabükuenetanejawa”, jamatabüjamü tsipae. Itsiata baitsi jane Jehová kajamatabükueneyapütane (1 Pedro 5:7).

  Dioso ajibiaej̈anaena daj̈itaj̈ua bejiobiaej̈ana kaejiwi kanakujitsia Pematakaitorobijawata (Mateo 6:9, 10). Itsiata baitsi jane ajena pamatakabijawa, Dioso asiwaya jamatabükuenebabata daj̈ita pamonae jitsipa peimoj̈oyobinej̈atsi (Hechos 17:27; 2 Corintios 1:3, 4).