LIWAISI 03
Paliwaisianü rubena Bibliajawata, ¿j̈aniajai meta?
Bibliabaj̈utota rubena pej̈anialiwaisianü pakuenia itsijitsia wajawajünaeyabelia, pemuj̈ujiobiliwaisianü ata. J̈amü meta pikani jamatabüyapütaneme, itsiata meta baitsi jane apojumej̈aniataemü tsipae. Papej̈anialiwaisianü rubena salinaiBibliabaj̈utota, ¿nej̈ata meta itsiata bejumej̈aniataneme? ¿Nej̈ata paliwaisi rubena Bibliabaj̈utota nakajamatabükueneyawenona aekonoj̈aeta? ¿Bejumej̈aniatanetsi bajarapaliwaisianü j̈aniawaetsia wajajinawanapaenej̈a wajawajünaeyabelia? Ayaibitsaüto baja pajumej̈aniataniji. J̈amü ata jumej̈aniataejitsipame bajarapaliwaisianü itsa nakujarubijitsipame.
1. ¿J̈aniajai meta bajayata paliwaisianü, j̈uanü Bibliajawata rubena?
Bibliajawata rubena “pej̈aniajailiwaisianü” (Eclesiastés 12:10). Paliwaisianü rubena salinaiwi yabara, pej̈aniajailiwaisi nakayapütaeyaej̈ana (lebare Lucas 1:3; 3:1, 2). ¿Depamonae yajawa jumaitsi bajarapakuenia? Perujuliwaisi pepaibiwi, pesipejukaewi ata, bajarapamonae tsitapej̈aniajailiwaisitsi ajenata pakuenia bajarapamonae yapütaenajetarubena pamatakabianü yabaraje, jiwi yabara, tomaranü yabara, j̈aniajai kajena pakuenia Blibliajawata jumaitsi.
2. Itsa nej̈ata Bibliasalinaibaj̈uto, ¿dej̈uajitsia jumej̈aniatanetsi?
Bibliabaj̈uto peyakinaewi pijamatakabita jiwi abaj̈ü pikani apoyapütae j̈aniawaetsia cienciakuene, itsiata paliwaisianü rubena Bibliabaj̈utota ciencia yabara pej̈aniajailiwaisianü; bajarapakujinae daj̈itajiwi pikani apojumej̈aniatae bajarapaliwaisianü. Itsiata baitsi jane ajenata, científicowi yapütaenajetarubena daj̈ita j̈ua jumaitsi Bibliajawata pej̈aniajailiwaisikuene. Bajarapaliwaisianü, “bejumej̈aniatanetsi aekonoj̈ae, daj̈itamatakabijawabelianej̈a ata” (Salmo 111:8).
3. ¿Dej̈uajitsia bejumej̈aniatanetsi j̈ua jumaitsi Bibliajawata pewajünaeyabelia yabara?
Paliwaisianü Bibliabaj̈utota rubenaa tajüwelia yapütaeyaej̈ana “j̈uanü abaj̈ü apotaetsi” (Isaías 46:10). Itsaliwaisianüyajuwünü baja nakapanepa. Itsiatanua, daj̈ita j̈ua itsitsanajetarukae ajenata, bajayata baja kajena Bibliabaj̈utota rubena. Yapütaenatsi nej̈ata pakuenia baja nakapanepa kaeliwaisianüyajuwünü. ¡Pej̈aniajailiwaisianü!
KANAÜJÜTSIANATSI
Yapütaenatsi pakuenia Bibliabaj̈uto, ciencia yajawa najüpabeje. Kanaüjütsianatsinua pakuenia baja kaeliwaisianü nakapanepa.
4. Bibliabaj̈uto, ciencia yajawa najüpabeje
Bajayatami, jiwi ira yabara bajumaitsi peekajawa itsakuenejawa jumata. Pataema VIDEOJAWA.
Taemaje paliwaisi Jobjawata nakayapütaeyaej̈ana, bajarapaliwaisi peyakinaekujinae 3.500 pawaibeje panepa. Palebare Job 26:7, panelebikujinae panabarükuaikuaijamü tsane paliwaisi yabaraje:
Bibliabaj̈uto nakayapütaeyaej̈ana pakuenia itsakuenejawa jumata ira apoekae. ¿Dej̈uajitsia nakatsitaj̈anepana bajarapaliwaisi?
Mera nakanawiatanajetaruka, juametokotia matatsüjümumunaeej̈ana manuamene pijaranü, bajaraparanü emakuenia naej̈ana, nej̈ata ikatsia nakanawiata manuamenejawabelia. Jiwi pejumeyapütaekujinae bajarapaliwaisi 200 pawaibeje panepa. Itsiata baitsi jane, taema pakuenia Bibliabaj̈uto yapütaeyaej̈ana bajarapaliwaisi peyakinaekujinae 3.500 pawaibeje panepa. Palebare Job 36:27, 28, panelebikujinae panabarükuaikuaijamü tsane paliwaisibeje yabaraje:
¿Dekatsitaitsi mera penakanawiatanajetarukaeliwaisi yabara?
¿Pajumeliwaisiyo baja lebame kajumej̈aniataeyaej̈anaejitsipa Bibliabaj̈uto?
5. Bibliabaj̈uto tajüwelia wajunupaeba bitso penamatamotsiliwaisianü
Palebare Isaías 44:27-45:2, panelebikujinae panabarükuaikuaijamü tsane paliwaisi yabaraje:
200 pawaibeje peyakajürütsiwajünaeya Babilonia tomara, ¿depitsiliwaisi tajüwelia Bibliabaj̈uto yapütaeyaej̈ana?
Bibliabaj̈uto yapütaeyaej̈ana 539 pawaita Cristo pewajünaeya, Persia nakua Ciro pematakaitorobinü, pijawajabitsaü yajawa yakajürüta Babilonia tomara. Pamene matatoyorotsia bajarapatomara pekueyawi pejoneyaniwa, namenewotsiaej̈ana itsamuj̈unenia. Pakuenia Babilonia tomara baupaj̈atatsinejewa nuka, bajaraj̈uata joneya aponabenejewa. Bajaraj̈uakujinae 2.500 pawaibeje panepa, Babilonia tomara abaj̈ü naj̈uabeka. Aekonoj̈aeta kanaüjüre paliwaisi tajüwelia wajunupaeba Bibliabaj̈uto.
Palebare Isaías 13:19, 20, panelebikujinae panabarükuaikuaijamü tsane paliwaisi yabaraje:
¿Depakuenia bajarapaliwaisi najumekapanepa?
Ajenata Irak nakuata, Babilonia tomara naj̈uabeka najoromineka
6. Bibliabaj̈uto tajüwelia nakayapütaeyaej̈ana j̈uajawanü tanetsi wajamatakabianüjawa
Bibliabaj̈uto nakayapütaeyaej̈ana wajajinawanapaejawa “pekotokaewi matakabianüjawa” (2 Timoteo 3:1, TNM). Kanaüjüre pakuenia Bibliabaj̈uto tajüwelia nakayapütaeyaej̈ana wajamatakabijawa yabara:
Palebare Mateo 24:6, 7, panelebikujinae panabarükuaikuaijamü tsane paliwaisi yabaraje:
¿Depapenamatamotsiliwaisianü tajüwelia nakayapütaeyaej̈ana Bibliabaj̈uto “pekotokaewi matakabianüjawa” yabara?
Palebare 2 Timoteo 3:1-5, panelebikujinae panabarükuaikuaijamü tsane paliwaisibeje yabaraje:
Pakuenia baja lebame, ¿depakuenia meta jinawanapaena jiwi pekotokaewi matakabianüjawa?
¿Dekatsitaitsi penajumekapanepaejawa bajarapaliwaisi?
ITSAMONAE BAJUMAITSI: “Bibliabaj̈uto, jemaliwaisibaj̈uto”, jai.
¿Dej̈uajitsia jumej̈aniataneme paliwaisianü rubena Bibliajawata?
PALIWAISI BAJA YAPÜTANETSI
Cienciakuene, historiakuene, paliwaisianü ata Bibliabaj̈uto tajüwelia nakayapütaeyaej̈ana, nakayawenonanua wajajumej̈aniataenej̈a Bibliabaj̈uto.
Najamatabünapire
Paliwaisianü rubena Bibliabaj̈utota, ¿j̈aniajai meta?
¿Depapej̈aniajailiwaisianü rubena Bibliabaj̈utota, yajawa naj̈upa ciencia?
¿Bibliabaj̈uto meta tajüwelia yapütaeyaej̈ana pakuenia itsijitsia? ¿Dej̈uajitsia bajarapakuenia najamatabüj̈ainame?
YAPÜTAENAME ITSALIWAISI
¿Dej̈ua nakayapütaeyaej̈ana wajajinawanapaejawa “pekotokaewi matakabianüjawa”?
Yapütaema pakuenia najumekapanepa paliwaisianü rubena Bibliabaj̈utota Grecia pematakaitorobikuene yabara.
“Dioso peliwaisi penakapanepanajetarukaej̈ae nakaajamatabükuenesaüyaej̈ana” (5:22)
Taema pakuenia itsanü jamatabükueneyawenonatsi pejumej̈aniataenej̈a Bibliabaj̈uto.
“Pikani kopiaya apojumej̈aniataenü Dioso” (Peyajiwitaebo, número 5, 2017)
a Dioso pejumeliwaisi tajüwelia yapütaeyaej̈ana pakuenia itsijitsia pewajünaeyawelia.