LIWAISI 01
¿Bibliabaj̈uto depakuenia kajamatabükueneyawenonaejitsipa?
Itsajawata nayanijobabiabatsi wajanakabejiobiaej̈anaejawa yabara, petüpaekuene, wajawajünaeyabelia ata. Itsajawata nakajamatabükueneena daj̈itakuenejawanü yabara, pakuenia ata siwabüjaitsi wajajinawanapaenej̈a barüyaya wajamonae yajawa, najamatabüj̈ainatsinua daj̈itakuenejawanü yabara j̈ua namatawenonatsi. Itsamonae yapütaenajetarubena j̈ua Bibliajawata jumaitsi barapaliwaisi yabara. Pemuj̈ujiobiliwaisianü rubena Bibliabaj̈utota jamatabükuenej̈anetsinua j̈aniawaetsia pejinawanapaenej̈a. ¿Dejumaitsimü tsipae?, ¿neyapütaejiwiyo meta Bibliabaj̈uto yawenonaejitsipatsi?
1. ¿Depaliwaisianü Bibliabaj̈uto nakayapütaeyaej̈ana?
Bibliabaj̈uto nakayapütaeyaej̈ana paliwaisianüje: ¿depakuenia taj̈uj̈uaba wajajinawanapaekuene?, ¿dej̈uanej̈a meta naej̈anatsi panakuataje?, ¿dej̈uajitsia meta bejiobitsi?, ¿deitsi meta petüpaewi?, ¿dej̈uajitsia nej̈ata penabekuene yawünüka pairaje itsa daj̈itajiwi jitsipa jamatejemaya pejinawanapaejawa?, ¿deitsi tsane meta pairaje? Itsa jamatabüyapütaneme bajarapaliwaisi, Bibliabaj̈utota raja rubena. Millone pajiwibeje barüyaya jinawanapa peyapütaej̈ae j̈ua nakujaruba Bibliabaj̈utota.
2. ¿Depakuenia Bibliabaj̈uto nakayapütaeyaej̈ana barüyaya wajajinawanapaenej̈a kaematakabi kanakujitsia?
Bibliabaj̈uto nakayapütaeyaej̈ana wajanakamuj̈ujiobiliwaisianü. Nakayapütaeyaej̈ana barüyaya wajajinawanapaenej̈a wajamonae yajawa. Nakamuj̈ujioba wajajamatabübüjaiyaniwa. Bajarapaliwaisi nakayawenona barüyaya wajanakuenebawanapaenej̈a. Yapütaename bajarapaliwaisi yabara itsa bebeliayo najuanakujarubanajetarubenaenatsi j̈ua nakayapütaeyaej̈ana Bibliabaj̈uto. Nej̈ata jumej̈aniataename pakuenia paliwaisianü rubena Bibliabaj̈utota daj̈ita nakatoj̈anepana (2 Timoteo 3:16).
Pabaj̈utoramaje apoBibliabaj̈utoje, biji rajane neyapütaenej̈a j̈aniawaetsia Bibliabaj̈uto. Paliwaisije Bibliabaj̈uto yabara, pafolletobaj̈utoje ruka pej̈aniakuene nejaitsinej̈a Bibliabaj̈utota, nej̈ata bajarapakuenia yapütaenajetarukaename pakuenia Bibliabaj̈utota jumaitsi.
KANAÜJÜTSIANATSI
Yapütaenatsi pakuenia Bibliabaj̈uto yawenonatsi itsamonae, yapütaenatsi yajawa pakuenia nakatsitaj̈anepanaena Bibliabaj̈uto wajalebijawa, yapütaenatsi ata pakuenia pej̈aniakuene itsa itsamonae nakayawenona wajajumeyapütaenej̈a.
3. Bibliabaj̈uto nakamatakapona
Pakuenia pinijikotia itayota namuto, bajarapijinia Bibliabaj̈uto nakajamatabükueneitayota j̈aniawaetsia wajajinawanapaenej̈a, wajayapütaenej̈anua j̈ua itsijitsia wajawajünaeyabelia.
Palebare Salmo 119:105, panelebikujinae panabarükuaikuaijamü tsane paliwaisibeje yabaraje:
¿Dej̈ua nej̈ata najamatabüj̈aina bajarapasalmo peyakinaenü Bibliabaj̈uto yabara?
¿Dejumaitsimü tsipae Bibliabaj̈uto yabara?
4. Bibliabaj̈uto nakayapütaeyaej̈ana j̈ua nayanijobabiabatsi
Itsawa pikani bajayajebi liwaisianü nayanijobabiaba, itsiata j̈uakujinae Bibliabaj̈uto yapütaeyaej̈anatsi. Pataema VIDEOJAWA, panetaekujinae panabarükuaikuaijamü tsane paliwaisibeje yabaraje:
¿Depaliwaisianü bajarapowa nayanijobabiaba videojawata?
¿Depakuenia nej̈ata bajarapowa Bibliabaj̈uto yawenonatsi?
Bibliajawata nakajumaitsi wajanayanijobinej̈a. Palebare Mateo 7:8, panelebikujinae panabarükuaikuaijamü tsane paliwaisi yabaraje:
¿Bibliabaj̈uto meta kayapütaeyaej̈anaejitsipa j̈ua nayanijobabiabame?
5. Barüyaya nelebinej̈a Bibliabaj̈uto
Jiwi ayaibitsaüto jitsipa pelebijawa Bibliabaj̈uto, bajaraj̈ua jamatabükueneyawenonatsi. Pataema VIDEOJAWA, panetaekujinae panabarükuaikuaijamü tsane paliwaisibeje yabaraje:
Papewüjüawi, pejanawi yajawa tanetsi videojawata, ¿detsitaitsitsi pelebijawa?
¿Dej̈uajitsia nej̈ata, aekonoj̈ae tsitaj̈anepanatsi pelebijawa Bibliabaj̈uto?
Paliwaisianü rubena Bibliabaj̈utota nakajamatabükuenebabata, nakayawenonanua wajajinawanapaenej̈a barüyaya wajawajünaeyabelia. Palebare Romanos 15:4, panelebikujinae panabarükuaikuaijamü tsane paliwaisi yabaraje:
¿Jamatabüyapütaneme pakuenia Bibliabaj̈uto nakajamatabükueneyawenona, nakabarüyaej̈ananua?
6. Itsajiwiyo meta itsa benakayawenona, j̈aniawaetsia bejumeyapütanetsi Bibliabaj̈uto
Itsamonae leba Bibliabaj̈uto pejamatabükueneta, itsiata tobejena namatawenona itsajiwiyo pekujarubinej̈atsi. Palebare Hechos 8:26-31, panelebikujinae panabarükuaikuaijamü tsane paliwaisi yabaraje:
¿Dej̈ua nakayawenonaena wajajumeyapütaenej̈a Bibliabaj̈uto? (Pataema tsikiriitanetoyobeje 30, 31).
Etiopía nakuapijinü namatawenona itsanü peyawenonaenej̈atsi pejumeyapütaenej̈a Biblibaj̈uto. Wajamatakabita, ayaibitsaütomonae tsitaj̈anepanatsi peyawenonaekuenejawatsi itsajiwiyo pejumeyapütaenej̈a Bibliabaj̈uto.
ITSAMONAE BAJUMAITSI: “Wajanakujarubijawa Bibliabaj̈uto aponamatawenonaetsi”, jai.
¿Dejumaitsimü tsipae? ¿Dej̈uajitsia?
PALIWAISI BAJA YAPÜTANETSI
Bibliabaj̈utota pemuj̈ujiobiliwaisianü rubena, nakayapütaeyaej̈ana paliwaisianü nayanijobabiabatsi, nakajamatabükueneyawenona, nakabarüyaej̈ananua.
Najamatabünapire
¿Depapemuj̈ujiobiliwaisianü rubena Bibliabaj̈utota?
¿Depaliwaisi yabara nakayapütaeyaej̈ana Bibliabaj̈uto?
¿Dej̈ua jamatabüyapütaneme Bibliajawata?
YAPÜTAENAME ITSALIWAISI
Yapütaename pakuenia nakayawenona ajena pamatakabianüjawaje papemuj̈ujiobiliwaisianü rubena Bibliabaj̈utota.
Paliwaisianü rubena Bibliabaj̈utota jiwi yawenonabiabatsi” (Peyajiwitaebo, número 1, 2018)
Itsanü ayaikuenia najamatabüj̈ainabiaba tsikirinüyojawaweliakujinae. Taema pakuenia Bibliabaj̈uto yawenonatsi.
Taema pakuenia Bibliabaj̈uto jumeyapütaeyaej̈ana pej̈aniajailiwaisi panakuataje pematakaitorobinü yabara.
¿Dej̈uajitsia benakujarubatsi Dioso Pejumeliwaisibaj̈uto? (Daj̈itavideojawa) (3:14)