¿Dej̈ua kajamatabükueneyawenonaena Dioso Pejumeliwaisi nenakujarubaponaenej̈a?

Dioso Pejumeliwaisi itsa nakujarubatsi, jüpa pakuenia barüyaya itsa basiwaj̈ainatsi itsajawabelia. Itsiata itsajawata nakatoayapübeje. Nej̈ata nayanijobijitsipame itsa nakujarubaponaejitsiamü Dioso Pejumeliwaisi. ¿Dej̈uajitsia nej̈ata benajamatabükuenesaütame nenakujarubinej̈a? ¿Dej̈ua kajamatabükueneyawenonaena nenakujarubaponaenej̈a Bibliabaj̈uto, katokopiapatsi ata ayailiwaisianü?

1. ¿Dej̈uajitsia nej̈ata benakujarubanajetarukame Dioso Pejumeliwaisi?

“Dioso cajena pejumelivaisi bitso asaë […] caëjëpatsi ayaicuene pexanaenexa pijumesaëta” (Hebreos 4:12). Dioso Pejumeliwaisi pepo pej̈aniajailiwaisibaj̈uto. Kayapütaeyaej̈ana j̈ua Dioso najamatabüj̈aina j̈amü yabara. Bibliabaj̈uto kajamatabükueneyawenona neyapütaenej̈a bitso, kayapütaeyaej̈ananua pej̈aniakuene neitsinej̈a, nejamatabükueneewetsinej̈anua newajünaeyabelia. Bibliabaj̈uto ata kajamatabükueneyawenona neyapütaenej̈a Dioso pijaamigokuenenej̈amü. Itsa nakujarubame Dioso Pejumeliwaisi, bajaraponü kajamatabükueneyawenonaena.

2. ¿Dej̈uajitsia nej̈ata bitso j̈anepana neyapütaejawa Dioso Pejumeliwaisibaj̈uto?

Dioso kajena Pejumeliwaisi pej̈aniajailiwaisi, jüpa penamatamotsikuenejawanü. Bajaraj̈uata, Dioso Pejumeliwaisi nakayapütaeyaej̈ana: “Najamatabükuenesaüre neyapütaenej̈a pej̈aniajaikuene, kaeto ata pütsa najamatabükuenekopatame” (Proverbios 23:23). Itsa yapütanetsi nej̈ata pej̈aniajailiwaisikuene, nej̈ata benajamatabükuenesaütatsi wajanakujarubaponaenej̈a, liwaisi j̈ainae atatsi (lebare Proverbios 2:4, 5).

3. ¿Depakuenia Jehová kayawenonaena nenakujarubaponaenej̈a?

Jehová kajena pepo Pinijijamatabükuenenü, ¡nijaamigonü raja! Bajaraponü kajamatabükueneyapütane. Kayawenona j̈aniawaetsiakuenia neyapütaenej̈a. ‘Dioso cajamatabëcueneyavenona nejamatabëëthëtovetsina jitsipaeya nexanaenexa pacuenia Dioso catojitsipaʼ (lebare Filipenses 2:13). Dioso pejitsipaekuenia itsatonakuenebame, bajaraponü kayawenonaena nejumekowünütsinej̈a j̈ua kaitoroba. Itsa namatawenoname nenajamatabükuenepünüyorotsinej̈a, Dioso kanasaürajutsiana. Itsamonae apojitsipae ata nenakujarubijawa Bibliabaj̈uto, nej̈ata pütsa jamatabükuenebüjamü, Dioso raja kayawenonaena. Nawajütabiabianame Jehovájawabelia pekajamatabükueneyawenonaenej̈a nenakujarubaponaenej̈a Pejumeliwaisi (1 Tesalonicenses 5:17).

KANAÜJÜTSIANATSI

4. Dioso Pejumeliwaisi itsa nakujarubame, bitso j̈anepana daj̈itakuenewekua

Itsajawata bitso nakakueneena daj̈itakuene wajaitsinej̈a, nej̈ata aponakakuenekaüjüpae Bibliabaj̈uto wajanakujarubinej̈a. ¿Debeitsitsi nej̈ata? Palebare Filipenses 1:10, panelebikujinae panabarükuaikuaijamü tsane bajarapaliwaisibeje yabaraje:

• ¿Depaliwaisi nej̈ata bitso katsitaj̈anepana daj̈italiwaisiwekua?

• ¿Deitsimü tsipae Dioso Pejumeliwaisi pekatsitaj̈anepanaenej̈a daj̈itakuenewekua?

1. Kopiaya itsa wünütame tajetabo atsa, bajaraj̈uakujinae itsa jiame ibo, daj̈ita apokatokaüjüpae tsipae.

2. Itsa kopiaya jiame ibo, j̈uakujinae itsa tsimatajiame tajetabo atsa, daj̈ita katokaüjüpaejitsipa. Bajarapijinia itsi itsa kopiaya itapetame paliwaisi bitso j̈anepana daj̈italiwaisiwekua. Bajarapakuenia daj̈itakuene katoyapüj̈anepanaena neitsinej̈a.

Wajayapütaej̈ae Dioso Pejumeliwaisi, bitso barüyatsi tsipaji j̈aniawaetsiakuenia Diosokuene yapütanetsi, najamatabükueneitajütatsinua wajaasiwakuene Dioso. Palebare Mateo 5:3, TNM, panelebikujinae panabarükuaikuaijamü tsane bajarapaliwaisi yabaraje:

• Dioso Pejumeliwaisi itsa nakujarubatsi itsajawanüwekua, ¿depakuenia nakajamatabükueneyawenona bajarapaliwaisi?

5. Pütsa kaeto ata kopatame Dioso Pejumeliwaisi itsamonae apokatojitsipae ata

VIDEOJAWA: Aposiwajamatabükuenekopatsinü Dioso Pejumeliwaisi (5:22)

• ¿Debarajamatabükueneitsitsi nej̈ata Francesco pijamonae, pijaamigowi yajawa, Bibliabaj̈uto penakujarubij̈ae?

• ¿Dej̈uajitsia Francesco aposiwajamatabükuenefaefaenae Dioso Pejumeliwaisi?

Palebare 2 Timoteo 2:24, 25, panelebikujinae panabarükuaikuaijamü tsane bajarapaliwaisibeje yabaraje:

• ¿Dejumaitsi nej̈ata nijamonae, nijaamigowi ata Dioso Pejumeliwaisi nenakujarubij̈ae?

• Pakuenia baja lebatsi 2 Timoteojawata, ¿deitsimü tsipae nej̈ata itsajiwiyo itsa apokatojitsipae Dioso Pejumeliwaisi nenakujarubijawa? ¿Dej̈uajitsia bajarapakuenia itsimü tsipae?

6. Najamatabükuenekopare Jehovájawabelia pekayawenonaenej̈a

VIDEOJAWA: Jehová nakajamatabükuenepünüyorotsipa (3:56)

• Pakuenia baja tanetsi, ¿Yim nej̈ata deitsi Jehová pejumekowünütsinej̈a?

• Yim peliwaisijawata, ¿dej̈ua bitso katsitaj̈anepana?

Palebare Hebreos 11:6, TNM, panelebikujinae, panabarükuaikuaijamü tsane bajarapaliwaisibeje yabaraje:

• ¿Depakuenia Jehová yawenonaena pamonae najamatabükuenesaüta peyapütaenej̈atsi, pejamatabükuenebarüyaej̈anaenej̈atsinua?

• ¿Jehová dekasiwajamatabükueneitsi nenajamatabükuenesaütsij̈ae nenakujarubinej̈a Pejumeliwaisi?

PALIWAISI BAJA YAPÜTANETSI

Dioso Pejumeliwaisi apoyapüj̈anepanae ata nenakujarubinej̈a, kajamatabükueneyawenonaena barüyaya neponaponaenej̈a daj̈itamatakabijawabelianej̈a. Itsa najamatabükuenekopatsianame Jehovájawabelia, bajaraponü pej̈aniakuene karajutsiana.

Najamatabünapire

• ¿Dej̈uajitsia Dioso Pejumeliwaisi katsitapej̈aniajailiwaisi?

• ¿Neyapütaekujinae paliwaisi bitso j̈anepana daj̈italiwaisiwekua, deitsimü nej̈ata tsipae?

• ¿Dej̈uajitsia Jehovájawabelia napüna benawajütabiabame pekajamatabükueneyawenonaenej̈a neyapütaenej̈a Pejumeliwaisi?

YAPÜTAENAME ITSALIWAISI

Lebare cuatro paliwaisibeje itsamonae jamatabükueneyawenonatsi penakuenebinej̈a.

“¿Debeitsitsi nej̈ata matakabi wajajutsinej̈a?” (¡Naükore!, febrero 2014)

Bajarapowa pikani jitsipa pejumekowünütsijawa Jehová itsiata pamona apojitsipae. Taema pakuenia bajarapowa jamatabükueneyawenonatsi Jehová.

Jehová nakanasaürajuta wajanajanatabükuenesaütsinej̈a (5:05)

Taema pakuenia bajarapowa itsi pamona pejamatabükueneyawenonaenej̈a.

Pepakuene nakujarubajü Dioso Pejumeliwaisi (6:30)

Itsajawata Jehová petotsipaebaponaewi pijamonae wünüjonabiabatsi pewekuanatsanaeej̈anaj̈ae pijamonae. ¿Bajaraj̈ua meta nej̈ata j̈aniajai?

“¿Jehová petotsipaebaponaewi meta j̈aniajai pijamonae nawekuanatsanaeej̈anabiaba?” (Ruka Internet-jawata jw.org)