J̈amü rabaja Jehová pijaamigojiwiyomü tsipae

Jehová bitso jitsipa neyapütaejawa bajaraponükuene. ¿Dej̈uajitsia? Tsipaji bitso itsa kueneyapütaneme Dioso, pakuenia daj̈itakuene itsi, pejitsipaekuenianua, bitso jitsipaename pijaamigojiwiyomünej̈a. ¿J̈amü meta nej̈ata pepokuene Dioso pijaamigojiwiyomü tsipae? (lebare Salmo 25:14). ¿Deitsimü tsipae nej̈ata? Bibliajawata kayapütaeyaej̈ana bajarapaliwaisianü, kayapütaeyaej̈ana j̈ua yabara j̈amünej̈a bitso j̈anepana Jehová pijaamigojiwijawamü.

1. ¿Dej̈uanej̈a Jehová kaitapeta?

Pijaamigojiwiyomünej̈a Jehová kaitapeta. Bibliajawata jumaitsi: “Panaimoj̈oyobare Diosojawabelia, bajaraponü nej̈ata naimoj̈oyotsiana paj̈amüjawaberena” (Santiago 4:8, TNM). Itsamonae tsitaakuenebitsi Dioso pijaamigowinej̈a tsipaji apotae, itsiata Dioso yapütaeyaej̈ana Pejumeliwaisibaj̈utota pakuenia pijaamigowikueniatsi benaej̈anatsi. Dioso Pejumeliwaisi itsa lebatsi, j̈aniawaetsiakuenia benaej̈anatsi Dioso pijaamigowitsi apotae atatsi.

2. ¿Dej̈uajitsia nej̈ata Jehová pej̈aniaamigonü j̈amünej̈a tsipae?

Jehová bitso kaenü pepo kaasiwa. Bajaraponü bitso jitsipa nejamatabükuenebarüyajawa, nejaitsinej̈anua itsa namatawenoname. Diosojawabelia benajamatabükuenekopatame ‘daxita nejamatabëcuenebëjaijavaʼ (1 Pedro 5:7). Jehová jamatabükueneyawenona, jamatabükuenebabata, namuj̈unaewetabiabanua pijaamigowi (lebare Salmo 121:2, 3).

3. ¿Dej̈ua Jehová jitsipa pijaamigowi peitsinej̈a?

Jehová daj̈itajiwi asiwa, itsiata “pejamatabükuenej̈anepanaewi pepo asiwaya naükota” (Proverbios 3:32). Jehová pijaamigojiwi jamatabükueneeweta pej̈aniakuene peitsinej̈a, nej̈ata pibisiakuene apobeitsitsi. Itsamonae meta pikani apobetsitayapüj̈anepanaetsi pakuenia Jehová jitsipa peitsinej̈a. Itsiata bajaraponü nakajamatabükueneyapütane pakuenia waj̈aitsi liwaisi itsitsi. Pamonae Jehová asiwa, najamatabükuenesaüta pejamatabükuenebarüyayaej̈anaenej̈a (Salmo 33:18; Hechos 10:34, 35).

KANAÜJÜTSIANATSI

4. Abrahánpijinü Jehová pijamigonü

Abrahánpijinü peliwaisi nakayapütaeyaej̈ana pakuenia Jehová pijaamigojiwiyojitsiatsi. Palebianame Génesis 12:1-4 Abrahánpijinü yabara, panelebikujinae panabarükuaikuaijamü tsane paliwaisianü yabaraje:

• ¿Jehová dej̈ua wajüta Abrahánpijinüjawabelia peitsinej̈a?

• ¿Jehová dej̈ua najumekapanepaeya jumaitsi Abrahánpijinüjawabelia?

• ¿Deitsi nej̈ata Abrahánpijinü penamuj̈unaewetsikujinae Jehová?

5. Jehová j̈ua jitsipa pijaamigowi peitsinej̈a

Daj̈itatsi jamatabükueneewetatsi wajaamigowi pej̈aniakuene wajanakatoitsinej̈a.

• ¿Dej̈ua jamatabükueneewetame nijaamigojiwijawabelia?

Palebare 1 Juan 5:3, panelebikujinae panabarükuaikuaijamü tsane paliwaisi yabaraje:

• ¿Jehová dej̈ua jamatabükueneeweta pijaamigowijawabelia?

Jehová wajajumekowünütsinej̈a meta benajamatabükuenej̈anetatsi, benajamatabükuenepünüyorotatsinua. Palebare Salmo 32:8, panelebikujinae panabarükuaikuaijamü tsane paliwaisi yabaraje:

• ¿Dej̈uajitsia Jehová jitsipa pijaamigowi penajamatabükuenej̈anetsinej̈a?

6. Jehová j̈ua itsi pijaamigowinej̈a

VIDEOJAWA: Jehová nejamatabükueneyawenona (3:20)

• ¿Deitsi nej̈ata Jehová bajarapowa pejamatabükueneyawenonaenej̈a?

Palebare Isaías 41:10, 13, panelebikujinae panabarükuaikuaijamü tsane paliwaisibeje yabaraje:

• ¿Jehová dej̈ua najumekapanepaeya jumaitsi pijaamigowi peyawenonaenej̈a?

• ¿Jehová meta j̈amünej̈a pej̈aniaamigonü tsipae? ¿Dej̈uajitsia?

7. Jehová bebarükuaikuaijaitsi, benamuj̈unaewetatsinua

Wajaamigowi benabarükuaikuaijaitsi wajajamatabükuenejüpaenej̈a. Palebare Salmo 27:7, 11, panelebikujinae panabarükuaikuaijamü tsane paliwaisibeje yabaraje:

• ¿Depakuenia Jehová bebarükuaikuaijaitsi?

• ¿Depakuenia Jehová benamuj̈unaewetatsi?

PALIWAISI BAJA YAPÜTANETSI

Jehová jitsipa pijaamigojiwiyonej̈amü. Kajamatabükueneyawenonaena bajaraponüjawabelia nenaimoj̈oyotsinej̈a.

Najamatabünapire

• ¿Depakuenia Jehová pijaamigowi jamatabükueneyawenona?

• ¿Jehová dej̈uajitsia jumaitsi pijamigowijawabelia penajamatabükuenej̈anetsinej̈a?

• ¿J̈amü meta nej̈ata katsitaayapübeje tsipae Jehová pijaamigojiwinej̈amü?

YAPÜTAENAME ITSALIWAISI

Dioso itsa pijaamigojiwiyomü tsipae, ¿depakuenia bajaraponü kajamatabükueneyawenonaejitsipa?

“Jehová Dioso itsa yapütanetsi, bitso pepo pej̈aniakuene” (Peyajiwitaebo, 15 de febrero, 2003)

Yapütaema pakuenia Dioso pijaamigokueniamünej̈a.

“¿Debeitsinü Dioso pijaamigokuenianünej̈a?” (J̈ua pewüjüawi, pejanawi yajawa jamatabüyapütane volumen 2, capítulo 35)

Yapütaema pakuenia Jehová jamatabükueneyawenona bajarapowa.

“¡Apojamatabütüpaejitsipaenü!” (Peyajiwitaebo, número 1, 2017)

Namuj̈unaewere j̈ua pewüjüawi, pejanawi yajawa jumaitsi Jehová yabara.

¿Dej̈ua yabara Dioso pijaamigowi? (1:46)