¿Dej̈uajitsia üDioso betoponaponame, benabautisabamenua?

Pakujinae itsajiwiyo üJehová toponaponaejitsia, najumekapanepaeya penawajükaejawata übajaraponü petonakuenebinej̈a, petoitsinej̈anua üDioso pejitsipaekuene daj̈itamatakabijawabelianej̈a (Salmo 40:7, 8). Pakujinae baja nej̈ata nabautisaba, najamatabükueneitajüta daj̈itajiwijawabelia üDioso petoponaponaenej̈a. Bitso kajena pepo pej̈aniakuene üJehová wajatojinawanapaenej̈a, tsipaji bajarapakuenia najamatabükuenej̈anetatsi. ¿Dej̈ua kajamatabükueneyawenonaena üJehová netoponaponaenej̈a?

1. ¿Dej̈ua nakajamatabükueneyawenonaena üJehová wajatojinawanapaenej̈a?

Wajaasiwaj̈ae Jehová najamatabükueneweretatsi übajaraponü wajatojinawanapaenej̈a (1 Juan 4:10, TNM, 19). Bibliabaj̈uto nakajumaitsi: “PanijaDioso, daxita panejamatabëëthëtojavavetsina pasivamëre. Pasivamërë daxita panejamatabëcueneta ata, daxita panenajamatabëxainaesaëta ata, daxita panesaëta ata” (Marcos 12:30). Pakuenia kuaikuaijaitsi, jinawanapatsinua najamatabükueneitajütatsi wajaasiwajawa Jehová. Pakuenia pebi, petiriwabeje banaasiwabeje bitso, banajamatabükueneweretabeje penacasabinej̈a. Bajarapijinia, itsa pepokuene asiwatsi Dioso najamatabükueneweretsianatsi üJehová wajatonakuenebinej̈a daj̈itamatakabijawabelia, j̈uakujinae wajanabautisabinej̈anua.

2. ¿Depapej̈aniakuene Jehová rajuta pijajiwi penabautisabiwi?

Itsa nabautisabame, Jehová pijamonaejiwiyokueniamü tsane. Nej̈ata, yapütaename pakuenia bitso Dioso kaasiwa, bajaraj̈ua kanaimoj̈oyotsiayaej̈anaena bajaraponüjawabelia (lebare Malaquías 3:16-18). Jehová beaj̈akuenia tsane, barüyaya yajawaponaponaename Dioso pijajiwi daj̈itanakuapijiwi, bajarapajiwi Dioso pejitsipaewi, j̈amü ata kaasiwa bajarapamonae (lebare Marcos 10:29, 30). Itsiata nenabautisabiwajünaeya beyapütaneme Jehová, biasiwamü bajaraponü, benajamatabükueneitajütame nejumej̈aniataejawa pej̈unato. J̈uakujinae nej̈ata, najumekapanepaeya netoponaponaenej̈a Jehová daj̈itamatakabijawabelianej̈a. Itsa jumekowünütame bajaraj̈ua, itsa nabautisabamenua, nej̈ata bitso barüyaya ponaponaename daj̈itamatakabijawabelianej̈a. Dioso Pejumeliwaisibaj̈uto jumaitsi panenabautisabijawa pakakapanepanajetaruka aekonoj̈aeta (1 Pedro 3:21, TNM).

KANAÜJÜTSIANATSI

3. ¿Deponü betojinawanapatsi?

Bajayatami israelitawiyajuwünüwi najamatabüj̈aina petojinawanapaenej̈a Jehová, itsadiosonü yajawa Baalwününü. Itsiata baitsi jane, pijakuata nayamaj̈üitojoroba. Bajaraj̈uata Jehová itoroba profetanü Elías pekueneitawetsinej̈a. Palebare 1 Reyes 18:21, panelebikujinae panabarükauikauijamü tsane paliwaisi yabaraje:

• ¿Deitsi nej̈ata israelitawi?

Israelitawikuenia, waj̈aitsi ata beitapetatsi pajiwiyo tojinawanapaejitsiatsi. Palebare Lucas 16:13, panelebikujinae panabarükuaikuaijamü tsane paliwaisibeje yabaraje:

• ¿Dej̈uajitsia apobetojinawanapaetsi itsamonae Jehováwekua?

• ¿Debeitsitsi wajayapütaeyaej̈anaenej̈a üJehová wajatojinawanapaejawa?

4. Kanaüjüre pakuenia Jehová kaasiwa bitso

Jehová pej̈aniakuenejawanü bitso nakarajutabiaba. ¿Dej̈ua juya waj̈aitsi rajutsipatsi? Pataema VIDEOJAWA.

VIDEOJAWA: J̈ua Dioso berajutatsi (3:04)

¿Depakuenia Jehová katonajamatabükueneitajüta pekasiwajawa? Palebare Salmo 104:14, 15; 1 Juan 4:9, 10, TNM, panelebikujinae panabarükuaikuaijamü tsane paliwaisibeje yabaraje:

• Papej̈aniakuenejawanü Jehová nakarajuta, ¿Dej̈ua siwajamatabükuenebarüyamü bitso?

• ¿Dej̈ua siwajamabükueneitsimü Jehovájawabelia bajarapapej̈aniakuenejawanü yabara?

Pakujinae itsajiwiyo nakarajuta j̈ua bitso nakatsitaj̈anepana, jamatabüyapütaeyaej̈anatsi wajabarüyajawa bajarapajiwiyojawabelia. Palebare Romanos 12:1, panelebikujinae panabarükuaikuaijamü tsane paliwaisi yabaraje:

• Nekanaüjütsijawata j̈uajawanü Jehová karajutabiaba, ¿Bajaraj̈ua yabara jamatabürajutame pej̈aniakuenejawanü bajaraponü? ¿Dej̈ua siwaitsimü tsipae?

5. ÜJehová wajatojinawanapaej̈ae pej̈aniakuene nakarajutsiana

VIDEOJAWA: Bajayatami fútbol banetsitaj̈anepanabiaba (5:45)

• Pawajamonaenü tanetsi videojawata tsitaj̈anepanae atatsi penamuj̈usitsijawa fútbol, ¿dej̈uajitsia nej̈ata kopatajopa üfútbol petoponaponaenej̈a?

• Bajaraponü najamatabükuenewereta üJehová petoponaponaenej̈a fútbolwekua, ¿j̈aniawaetsiakuenia baraponü itapeta? ¿Dej̈uajitsia?

Cristianonüwajünaeya apóstolnü Pablo j̈aniawaetsiakuenia ponapona, tsipaji nakujarubaponapona judíopeliwaisi peyapütaenüta. Itsiata baitsi jane, bajaraj̈ua kopatajopa cristianonünej̈a. ¿Najamatabükuenebejiobita meta bajaraj̈ua yabara? Palebare Filipenses 3:8, panelebikujinae panabarükuaikuaijamü tsane paliwaisianü yabaraje:

• ¿Dej̈uajitsia Pablo jumaitsi j̈uajawanü itsi cristianonüwajünaeya bepiaj̈uirajamatabükuene?

• ¿Dej̈ua nej̈ata kaj̈itajaraba bajaraj̈ua pekopatsij̈ae?

• ¿Jamatabükuenebarüyamü tsane itsa üJehová toponaponame? ¿Dej̈uajitsia bajarapakuenia najamatabüj̈ainame?

PALIWAISI BAJA YAPÜTANETSI

Wajaasiwaj̈ae Jehová najamatabükueneweretatsi übajaraponü wajatojinawanapaenej̈a, wajanabautisabinej̈anua.

Najamatabünapire:

• ¿Dej̈uajitsia biasiwatsi, beyaiyatanetsinua Jehová daj̈ita wajajamatabüütjütojawawetsina?

• ¿Depapej̈aniakuenejawanü Jehová rajuta pijajiwi penabautisabiwi?

• ¿Jitsipaejitsipame üJehová netoponaponaenej̈a?

YAPÜTAENAME ITSALIWAISI

Taema pakuenia penaj̈üanaewa, penamuj̈usitsinünua najamatabükueneweretabeje üJehová petoponaponaenej̈abeje.

J̈ua pewüjüawi, pejanawi jamatabüyapütane... ¿Dej̈ua itsinü tsane tasaüepatoyo? Itsa najamatabünapitajü j̈ua itsinü bajayatami... (6:54)

Yapütaema itsaliwaisi pakuenia betoponaponame üJehová.

“¿Dej̈uajitsia benajamatabükueneweretatsi üJehová wajatojinawanapaenej̈a?” (Peyajiwitaebo, 15 de enero, 2010)

Pataema papenaj̈üanaevideojawataje pakuenia Jehová pijajiwi penabautisabiwi barüyaya jinawanapa.

Ponaponajü üJehovánej̈a (4:30)

Lebare pakuenia itsawa bajayata najamatabüj̈aina pakueniaje: “Bajayatakujinae nayanijobabiabajü: ‘¿Dej̈uanej̈a meta naej̈anatsi panakuataje?ʼ”.

“Dioso Pejumeliwaisi jamatabükuenej̈anetatsi” (Peyajiwitaebo, 1 de noviembre, 2012)