LIWAISI 60
Jamatabükuenewitsabanajetarukare Jehovájawabelia
Bajarapabaj̈utojawata j̈amü bebeliayo yapütaneme Jehová yabara. Nej̈ata niasiwaj̈ae najamatabükueneweretame üJehová netonakuenebinej̈a, yajawanua nabautisabame baja. Itsa abaj̈ü aponabautisabimü, najamatabüj̈ainaejitsipame neitsinej̈a bajaraj̈ua. Itsiata, nenabautisabikujinae tsitekaeya benaimoj̈oyotanajetarukame Jehovájawabelia. Bajara beitsimü daj̈itamatakabijawabelianej̈a. Taenatsi nej̈ata pakuenia.
1. ¿Dej̈uajitsia benaimoj̈oyotanajetarukame Jehová?
Benajamatabükuenesaütatsi wajanaimoj̈oyotanajetarubenaenej̈a Jehová. Tsipaji Bibliabaj̈utota jumaitsi: “Nexata vajavajënaeyabelia asaëyata bejumecovënëtatsi […] itsamatacabijavabelia ata vajacopatsiyaniva” (Hebreos 2:1). ¿Dej̈ua nej̈ata nakajamatabükueneyawenona wajajumekowünütanajetarubenaenej̈a Jehová? Benajamatabükuenesaütatsi bebeliayo wajatonakuenebinej̈a Jehová, j̈aniawaetsiakuenia wajatsipaebinej̈anua Dioso Pejumeliwaisi itsamonaejawabelia (lebare Filipenses 3:16). Bitso kajena j̈anepana Jehová wajatonakuenebijawa (Salmo 84:10).
2. ¿Nej̈ata debeitsimü tsanajetarukae?
Dioso Pejumeliwaisi nenakujarubijawa natsitaweretsi atamü, abaj̈ü kajena katosajina neponaponaenej̈a cristianojiwiyokueniamü. Bibliabaj̈utojawata jumaitsi kaecristianojiwiyo kanakujitsia pejanajamatabükuene benaej̈ana (Efesios 4:23, 24). J̈aniawaetsiakuenia beyapütaneme Jehovákuene itsa nakujarubanajetarukame Dioso Pejumeliwaisi, itsa nakaetuanamenua congregaciónjawabelia. Kuenekataenajetarukare Jehová pej̈aniakuenejawanü. Nakuenej̈anetanajetarukare nejamatabükuenebarüyayaej̈anaenej̈a Jehová.
3. ¿Depakuenia Jehová kajamatabükueneyawenona nenaimoj̈oyotsinej̈a?
Bibliabaj̈utota nakayapütaeyaej̈ana: “Dioso pacajamatabëcueneasaëyaexanaena. Bajaraponë Dioso vajanacayavenonaenë daxitacuenejavabelia” (1 Pedro 5:10). Daj̈itatsi nakajamatabükueneüjüba, itsiata Jehová nakaajamatabükuenesaüyaej̈ana (Salmo 139:23, 24). Jehová najumekapanepaeya kajumaitsi pekarajutsinej̈a pesaü jumekowünütsiaya netonakuenebinej̈a (lebare Filipenses 2:13).
KANAÜJÜTSIANATSI
Yapütaenatsi pakuenia najamatabükuenewitsabanajetarukaename Jehovájawabelia.
4. Barükuaikuaijamü Jehová
Itsa nawütame, Dioso Pejumeliwaisi itsa nakujarubamenua, Jehová pijaamigojiwiyomü tsane. ¿Itsa bajarapakuenia itsimü tsanajetarukae bebeliayo naimoj̈oyotsianame Jehová? ¿Depakuenia?
Palebare Salmo 62:8, panelebikujinae panabarükuaikuaijamü tsane paliwaisi yabaraje:
Nenawajükaejawa Jehová kanaimoj̈oyotsiaej̈ana, ¿dej̈ua beitsimü j̈aniawaetsia nenawajükaenej̈a bebeliayo?
Palebare Salmo 1:2, panelebikujinae panabarükuaikuaijamü tsane paliwaisi yabaraje:
J̈aniawaetsiakuenia Bibliabaj̈uto itsa lebame naimoj̈oyotsianame Jehová, ¿depakuenia nej̈ata itsimü tsipae?
Pataema VIDEOJAWA, panetaekujinae panabarükuaikuaijamü tsane paliwaisibeje yabaraje:
Pakuenia videojawata taneme, ¿dej̈ua bitso katsitaj̈anepanaejitsipa neitsijawa?
¿Depaliwaisianü jamatabüyapütaneme nijakueneta?
5. Bebeliayo tonakuenebare Jehová
Itsa bebeliayo tonakuenebame Jehová, naimoj̈oyotsianame bajaraponüjawabelia. Pataema VIDEOJAWA, panetaekujinae panabarükuaikuaijamü tsane paliwaisi yabaraje:
¿Depakuenia Cameron jamatabükueneyawenonatsi bebeliayo petonakuenebij̈ae Jehová?
Daj̈itajiwi apokuenekaüjüpaetsi peponaenej̈a itsanakuajawabelia petsipaebinej̈a Dioso Pejumeliwaisi. Itsiata nakakuenekaüjüpa bebeliayo wajatonakuenebinej̈a Jehová. Palebare Proverbios 21:5, nej̈ata panabarükuaikuaijamü tsane...
pakuenia bebeliayo tonakuenebijitsiamü nijacongregaciónjawata.
pakuenia bebeliayo tsipaebijitsiamü Dioso Pejumeliwaisi.
¿Depakuenia paliwaisi kajamatabükueneyawenonaena bebeliayo netonakuenebinej̈a Jehová?
Ajamatabükuenesaümüre neitsijawa
J̈anepanaeya nawajüre Jehovájawabelia.
Daj̈ita Bibliabaj̈uto lebare.
Yapütaema daj̈ita nijacongregaciónmonae.
Kujarubianame Dioso Pejumeliwaisi itsajiwiyo.
Precursor auxiliarmüre, itsa jume, precursor regularmüre.
Itsa pebimü, ancianowi peyawenonaemüre.
6. ¡Barüyaya ponaponare daj̈itamatakabijawabelia!
Palebare Salmo 22:26, panelebikujinae panabarükuaikuaijamü tsane paliwaisi yabaraje:
¿Deitsimü tsipae j̈aniawaetsia neponaponaenej̈a aekonoj̈ae, daj̈itamatakabijawabelianej̈a ata?
PALIWAISI BAJA YAPÜTANETSI
Naimoj̈oyotaponare Jehová. Najamatabükuenesaüre bebeliayo netonakuenebinej̈a. Bajarapakuenia barüyaya ponaponaename.
Najamatabünapire
¿Depakuenia yapütaneme Jehová pekayawenonaenü nejumekowünütsinej̈a?
¿Dej̈ua kajamatabükueneyawenonaejitsipa Jehová bitso nenaimoj̈oyotsinej̈a?
¿Dej̈uajitsia benajamatabükuenesaütame bebeliayo Jehová netonakuenebinej̈a?
YAPÜTAENAME ITSALIWAISI
Jehová bitso tsitaj̈anepanatsi itsa j̈aniawaetsiakuenia jumekowünütatsi daj̈itamatakabijawabelianej̈a.
Bajayajebi Jehová tonakuenebawanapae atatsi, itsajawata jamatabükuenefaefaenaejitsipatsi. ¿Dej̈ua nej̈ata nakayawenona?
¿Debeitsitsi nej̈ata bebeliayo Jehová wajatonakuenebinej̈a?
“Bebeliayo tonakuenebatsi Jehová wajabarüyayaej̈anaenej̈a” (Peyajiwitaebo, 15 de julio, 2004)
Cristianowitsi bejamatabükuenewitsabatsi Jehovájawabelia. Lebianame pakuenia itsimüjitsia.
“Bejamatabükuenewitsabatsi Jehovájawabelia” (Peyajiwitaebo, 15 de mayo, 2009)