TAJ̈UJ̈UABARE PENABARÜKUAIKUAIJAIJAWA
LIWAISI 4
Beweliajamatabükuene
Bibliabaj̈uto jumaitsi: “Itsamonae paxamëvecua ayaijamatabëcuenevi pataeyabiabianame” (Fili. 2:3).
Pakuenia Pablo itsi
1. Taema VIDEOJAWA, itsajume lebare Hechos 26:2, 3. Netaekujinae kanaüjüre paliwaisi yabaraje:
Pakujinae Pablo barükuaikuaijai Agripa wününü, ¿depakuenia nej̈ata tsitajüta beweliajamatabükuene pej̈ainaejawa?
Pablo apotsipaebi pijaliwaisi jamatabükuene, ¿dej̈ua nej̈ata itsi bajaraponü petsipaebinej̈a? (Taema Hechos 26:22).
¿Dej̈ua nakakujaruba j̈ua Pablo itsi?
2. Itsa beweliajamatabükuenewi natanetsi wajatsipaebijawata yaiyataeyakuenianua itsamonaejawabelia, nej̈ata j̈aniawaetsiakuenia nakanamuj̈unaewetsiana.
Kuenejüpare Pablo pijakuene
3. Itsamonae pitabarata pütsa ayaijamatabükuene nataneme. Itsa tsipaebame, pütsa tsitajütame neyapütaejawa matatoj̈enetsia itsajiwiyo pitabarata. Biji rajane barükuaikuaijamüre yaiyataeyakuenia.
4. Itsa tsipaebame itsamonaejawabelia, kuaikuaijamüre üDioso Pejumeliwaisi yabara. Bibliabaj̈uto kajena piasaü j̈aina pejamatabükuenej̈anetsinej̈a jiwijawabelia. Nekujarubijawata yawenonaename itsamonae penajamatabükuenesaüyaej̈anaenej̈a.
5. Jamatabükuenejamatejemaya kuaikuaijamüre. Wajatsipaebijawata Dioso yabara apobejumepitatsi anaeyakuenia pajiwiyojawabelia. Itsa beweliajamatabükuene nataneme bajaraj̈ua kayawenonaena jamatejemayakuenia newekuaponaenej̈a bajarapajiwiyo (Pro. 17:14; Tito 3:2). Itsa jamatabükuenej̈anepanaeya jumepitame, nej̈ata bajarapajiwiyo jitsipaena nebarükuaikuaijainej̈a itsa matakabi.