TAJ̈UJ̈UABARE PENABARÜKUAIKUAIJAIJAWA
LIWAISI 5
Yaiyataeya tsipaebare
Bibliabaj̈uto jumaitsi: “Panajamatabëcuenevererenua xaniavaetsia panejumecanaviatsinexa caejivi canacujitsia” (Col. 4:6).
Pakuenia Pablo itsi
1. Taema VIDEOJAWA, itsajume lebare Hechos 17:22, 23. Netaekujinae kanaüjüre paliwaisi yabaraje:
¿Dejamatabüitsi Pablo itsa tane pakuenia Atenas tomarajawata piapaj̈ayojawa jumapekataeya pej̈anaejawa yabara? (Taema Hechos 17:16).
Pablo tsitajüta yaiyataeya pakujinae tsipaeba Atenas tomarapijiwijawabelia, ¿depakuenia?
¿Dej̈ua nakakujaruba j̈ua Pablo itsi?
2. Jiwimonae nakanamuj̈unaewetsiana, itsa natsiwajünaekanaüjütatsi wajakuaikuaijaiwaj̈unaeya, pakujinae jumaitsijitsiatsi, pakuenianua kuaikuaijai tsanetsi.
Kuenejüpare Pablo pijakuene
3. Kopiaya kanaüjüre j̈ua yabara jumaitsijitsiamü. Itsa pajiwiyo apojumej̈aniatae Jesús, Bibliabaj̈uto yabara. Jumaitsimüre Bibliabaj̈utota yabara pakuenia: “Penamatamotsibaj̈uto”; Jesús yabara jumaitsimüre: “Pej̈aniapejumepaebinü”.
4. Kaekuenia pütsa jumeitawetame, itsa j̈aniawaetsia apokajumepitsi. Namuj̈unaewere j̈ua najamatabüj̈aina pajiwiyo itsa kaeliwaisi apoj̈ainae j̈ua jumaitsi Bibliabaj̈utota, pütsa jumeitawetame (Sant. 1:19). Itsa j̈aniawaetsiakuenia bajarapajiwiyo namuj̈unaewetame, nej̈ata yapütaename j̈ua jumej̈aniatane (Pro. 20:5).
5. Itsa pajiwiyo kajumepita j̈ua najamatabüj̈aina, barüyataema. Kanaüjüre ¿dej̈uajitsia bajarapajiwiyo j̈ua jumej̈aniatane tsitaj̈anepanatsi? Kopiaya benajamatabüj̈ainame j̈ua tsitaj̈anepanatsi bajarapajiwiyo, bajaraj̈uakujinae beaj̈ayokuenia jumeyapütaeyaej̈anare j̈ua Bibliabaj̈utota kujaruba.