TAJ̈UJ̈UABARE PENABARÜKUAIKUAIJAIJAWA
LIWAISI 6
Ajunawijibinejewa
Bibliabaj̈uto jumaitsi: “Dioso pejamatabükueneta ajunawijibinejewa patakatsipaebinej̈a pej̈anialiwaisi Dioso yabara” (1 Tes. 2:2).
Pakuenia Jesús itsi
1. Taema VIDEOJAWA, itsajume lebare Lucas 19:1-7. Netaekujinae kanaüjüre paliwaisi yabaraje:
¿Dej̈uajitsia itsa jiwimonae apoyajawajinawanapae Zaqueo wününü?
¿Dej̈uajitsia nej̈ata Jesús tsipaeba Dioso Pejumeliwaisi bajaraponüjawabelia?
¿Dej̈ua nakakujaruba j̈ua Jesús itsi?
2. Ajunawijibia betsipaebatsi Dioso Pejumeliwaisi jiwimonaejawabelia.
Kuenejüpare Jesús pijakuene
3. Jehová jumej̈aniataema. Pakuenia Jehová rajuta espíritu santo Jesús peyawenonaenej̈a, bajarapakuenia karajutsiana espíritu santo netsipaebinej̈a itsamonaejawabelia (Mat. 10:19, 20; Luc. 4:18). Itsa junawame, wajükare Jehovájawabelia nekuaikuaijainej̈a ajunawijibinejewa itsamonaejawabelia (Hech. 4:29).
4. Bejitsipatsi daj̈itawiriawi. Itsajawata nakatoayapübeje wajabarükuaikuaijainej̈a itsawiriawi, itsa bitso palata j̈aina, pijareligión, pijakuene yabara ata, itsiata najamatabünapire:
Jehová Jesúsbeje, yapütane j̈ua j̈aina daj̈itajiwi pejamatabüütjütota; bajaraj̈ua aponakakuenekaüjüpae jiwitsi.
Jehová daj̈itajiwi najüpaeya nakaitaj̈utotsoniatane.
5. Ajunawijibia betsipaebame, itsiata nayajiwitaema (Mat. 10:16). Anaeyakuenia pütsa kuaikuaijamü, biji rajane yaiyataema pajiwiyo. Itsa bajaraponü apojitsipae nebarükuaikuaijainej̈a, itsa taneme peanaepanaejawa; nej̈ata napüjiobare j̈anepanaeya (Pro. 17:14).