“Pajitsipajü pekopiapatsijawa Nematakaitorobikuene panakuataje”. Bajarapakuenia ayaibitsaüto jiwi wajükabiaba Diosojawabelia
¿Itsajawata meta wajütame pekopiapatsinej̈a Dioso Pematakaitorobijawa? Ayaibitsaüto jiwi bajayajebi bajaraj̈ua itsi. ¿Dej̈uajitsia? Tsipaji Jesús itoroba pijajiwi pewajükaenej̈a Diosojawabelia pakueniaje: “Pajitsipajü pekopiapatsijawa Nematakaitorobikuene panakuataje”.
Kopiaya, Jesús pijajiwi apojumeyapütae j̈ua Jesús tsipaeba Pematakaitorobijawa yabara. Bajaraj̈uata bajarapamonae yanijoba Jesúsjawabelia: “Patajatuxanenë [...] ¿Nexata tsaja vajaviriavi judíovi juya evetsiaexanaename vajanacayanacuaevetsinexa? jai Jesús pijajivi”. Bajarapamatakabi bajarapamonae nabenajakaejitsipa tsipaji pakuenia najamatabüj̈aina, Jesús apojumekanawiatsitsi (Hechos 1:6, 7). Itsiata baitsi jane, ajena pamatakabi nakakuenekaüjüpa wajayapütaenej̈a Dioso Pematakaitorobijawa yabara, pamatakabi kopiapatsijitsia.
Parevistabaj̈utotaje nakajumekanawiatsiana j̈ua nayanijobatsi:
¿Dej̈uajitsia meta namatawenonatsi Dioso Pematakaitorobijawa?
¿Deponü meta Pematakaitorobinü?
¿Depakujinae ewetsiana pairaje?
¿Deitsi tsane Pematakaitorobinü daj̈itanakuapijiwinej̈a Dioso pejamatabükueneta?
¿Dej̈uajitsia beyawenonatsi aekonoj̈ae Dioso Pematakaitorobijawa?
¿Depaliwaisi beyapütanetsi Dioso Pematakaitorobijawa yabara?