Pebubutsiliwaisi: ¿depamonae namuj̈unaeweta Dioso?

Noé pijamatakabita, jiwi bitso pibisiakuene ej̈anabiaba (Génesis 6:5).

Adán, Evabeje pej̈ainaej̈ae pej̈i, jiwi yawünüka irata. Bajaraj̈uakujinae itsaángelewi kuenepita Dowatji, nej̈ata wekuanatsana Dioso.

Bajarapaángelewi runaika irabetsika bejiwitonükuenia pebarünakojiobinej̈a petiriawi. Nej̈ata j̈aina pej̈i piajamatabükuenebejewi, itsamonae matatoj̈enetsia bitso piayaiwi.

Nej̈ata ira yawünüka piajamatabükuenebejewi. Dioso Pejumeliwaisi nakayapütaeyaej̈ana pakuenia yawünükanajetaruka pibisiakuene pairataje, tsipaji jiwi najamatabüj̈ainabiaba pibisiakuene pej̈anabiabijawa.

Noé namuj̈unaeweta Dioso, nakueneba nej̈ata ayaijeramoj̈aneto (Génesis 6:13, 14, 18, 19, 22).

Noé pej̈aniajamatabükuenenü. Jehová jumaitsi Noéjawabelia piajibiaej̈anaenej̈a piajamatabükuenebejewi pebubutsijawata.

Dioso nakuenebiaej̈ana Noé ayaijeramoj̈aneto bekajoni pekotanaemo. Bajaraj̈oyalia pejonenej̈a Noé, pijamonae, daj̈itawiria dajubi ata.

Noé baja kajena tajüwelia wajunupaeba jiwi pebubutsinej̈atsi. Itsiata apojumekowünütsitsi. Itsamonae saya kapokaponatsi, itsamonae pijinia bitso anaepana.

Pakujinae Noé wereta baja ayaijeramoj̈aneto, kajunua baja daj̈itawiria dajubi.