LIWAISI 25
¿Dej̈ua Dioso nakatojitsipa?
Dioso Pejumeliwaisi nakayapütaeyaej̈ana jiwimonae ‘kaeepatoyo pejinawanapaejawa, tokopiapatsianatsinua liwaisiʼ (Job 14:1). ¿Bajarapakuenia meta Dioso jitsipa wajajinawanapaenej̈a? Itsa jume, ¿dej̈ua Dioso nakatojitsipa? ¿Depakujinae Dioso itsi tsane j̈ua najumekapanepaeya jumaitsi? Dioso Pejumeliwaisi nakayapütaeyaej̈ana pej̈anialiwaisi.
1. ¿Depakuenia Dioso nakatojitsipa wajajinawanapaejawa?
Jehová nakatojitsipa pej̈aniakuenejawanü. Bajayata, pakujinae Dioso ej̈ana Adán, Evabeje, pej̈anianakua rajutatsibeje peponaponaenej̈abeje pewünü Edén. Dioso jumaitsitsibeje: “Paxainarebeje panexibeje, panemomoxibeje-ata ayaibitsaëto penaexanaponaenexa, peyacaëjëpaenexa daxitanacuajawa […], pa-ewetsianame, pajamatabëcuenematatoxenetsianamenua” (Génesis 1:28). Jehová pikani jitsipa bajarapajiwibeje pej̈i pej̈ainaejawabeje peyakaüjüpaenej̈a daj̈itanakuanüjawa, ira pewetsinej̈a, dajubinua. Dioso pikani jitsipa barüyaya pejinawanapaenej̈a daj̈itamatakabijawabelianej̈a.
Dioso abaj̈ü pejitsipaekuenia apoitsi ata,a itsiata kajena penajumekapanepaekuenia itsi tsane (Isaías 46:10, 11). Bajaraponü tsitekaeya jitsipa pejumekowünütsiwitsi barüyaya pejinawanapaenej̈a daj̈itamatakabijawabelianej̈a (lebare Apocalipsis 21:3, 4).
2. ¿Depakuenia aekonoj̈ae j̈aniawaetsiakuenia jinawanapaejitsipatsi?
Jehová nakaej̈ana daj̈itatsi Diosokuene wajayapütaenej̈a, asiwaya wajajumekowünütsinej̈a (lebare Mateo 5:3-6, TNM). Dioso jitsipa wajajumekowünütsijawa bajaraponüjawabelia, wajaasiwajawa daj̈ita wajajamatabüütjütojawawetsina (Deuteronomio 10:12; Salmo 25:14). Bajarapakuenia itsa itsitsi, liwaisi j̈ainae atatsi, barüyaya bejinawanapatsi.
KANAÜJÜTSIANATSI
Taenatsi pakuenia Jehová j̈aniawaetsiakuenia ira nakueneba waj̈aitsinej̈a. Yapütaenatsinua pakuenia Dioso nakatojitsipa wajajinawanapaenej̈a.
3. Jehová nakatojitsipa pej̈aniakuenia wajajinawanapaenej̈a
Pataema VIDEOJAWA, panetaekujinae panabarükuaikuaijamü tsane paliwaisi yabaraje:
¿Dej̈uajitsia nej̈ata Jehová ej̈ana ira pepo pej̈aniakuenia?
Palebare Eclesiastés 3:11, panelebikujinae panabarükuaikuaijamü tsane paliwaisi yabaraje:
¿Dej̈ua kayapütaeyaej̈ana bajarapaliwaisi Jehová yabara?
4. Jehová j̈ua tsitekaeya jitsipa
Palebare Salmo 37:11, 29; Salmo 33:11, panelebikujinae panabarükuaikuaijamü tsane paliwaisi yabaraje:
¿Depakuenia nej̈ata yapütanetsi Jehová j̈ua tsitekaeya nakatojitsipa?
Bo abeje tsekae ata, bej̈anebatsi. Bajarapijinia bepakuenia Jehová itsi tsane pairaje: jiwi bitso bijianae ata, Dioso ira j̈anewaetsiana pejinawanapaenej̈a pamonae bitso asiwatsi.
5. Jehová kajena bitso itsa asiwatsi j̈aniawaetsiakuenia jinawanapaenatsi
Jehová j̈ua nakatojitsipa itsa yapütanetsi, jamatabükuenebarüyatsi. Pataema VIDEOJAWA, panetaekujinae panabarükuaikuaijamü tsane paliwaisi yabaraje:
Terumi itsa yapütane Dioso wajanakatojitsipaekuenia, ¿deitsi nej̈ata? ¿Depakuenia jamatabükueneyawenonatsi?
Palebare 1 Juan 5:3, panelebikujinae panabarükuaikuaijamü tsane paliwaisi yabaraje:
¿Debeitsitsi nej̈ata pej̈aniajamatabükuene wajarajutsinej̈a Jehovájawabelia?
ITSAMONAE BAYANIJOBA: “¿Dej̈uanej̈a naej̈anatsi pairataje?”, jai.
¿Nej̈ata depakuenia jumekanawiatsipame itsa kayanijoba?
PALIWAISI BAJA YAPÜTANETSI
Jehová jitsipa barüyaya wajajinawanapaenej̈a irata daj̈itamatakabijawabelia aliwaisijibinejewa. Ajena pamatakabianüjawa barüyaya bejinawanapatsi itsa j̈aniawaetsia yapütanetsi Jehovákuene, itsa asiwaya jumekowünütatsinua.
Najamatabünapire
¿Dej̈ua pikani Jehová tojitsipa Adán, Evabejenej̈a?
¿Depakuenia yapütanetsi Dioso penajumekapanepaekuene jiwinej̈a tsitekaeya?
¿Dej̈ua kajamatabükueneyawenona ajena pamatakabianüjawa barüyaya neponaponaenej̈a?
YAPÜTAENAME ITSALIWAISI
Lebare neyapütaenej̈a Edén ira yabara.
“¿Edén ira yabara meta nej̈ata j̈aniajai?” (Peyajiwitaebo, 1 de enero, 2011)
Yapütaename j̈ua yabara ira kaeto ata apowerewerekae tsane.
“¿Ira meta nej̈ata werewerekaena?” (Ruka Internet-jawata jw.org)
Bibliabaj̈uto nakayapütaeyaej̈ana j̈uanej̈a jinawanapatsi pairataje.
“¿Dej̈uanej̈a nej̈ata jinawanapatsi?” (Ruka Internet-jawata jw.org)
Daj̈itakuene pej̈ainaenü abaj̈ü itsakuene tosajinatsi. ¿Deitsi nej̈ata Dioso Pejumeliwaisi itsa yapütane?
a Liwaisi 26 yapütaenatsi bajarapaliwaisi yabara.