¿Maerapa jekuaeño reyemboeta Bibliare?

1. ¿Këraitapa ndemborɨ jekuaeño reyemboe Bibliare?

Yepetëi mbovɨ vɨteri reyemboe Bibliare rembotuichama ndemboroaɨu Jehováre. Ërei, rembokuakuaatako ndemboroaɨu (1 Pedro 2:2). Ndepuere vaerä reiko avei jekuaeñotako reyemboe Bibliare. Körai reyemboya katuta Tumpare jare reaɨu yaeta. Emongeta Juan 17:3 jare Judas 21.

Reikuaa katu Tumpare yave, ndeporogüɨrovia ipɨ̈rata jare ndepuereta remboyerovia (Hebreos 11:1, 6). Kuae ndemborɨta reeya vaerä ikaviä vae jare reñono kavita nderekove. Emongeta Hechos 3:19.

2. ¿Këraitapa remborɨ nderapicha?

Opaeteko yaipota yaendu yemongeta ikavi vae, jaeramo ikavitako remombeu nderapichape reyemboema vae. Reyemboe reo pɨpei yave, reikatutama reiporu Biblia remboe vaerä nderapichape Jehováre jare yemongeta ikavigüe vaere. Emongeta Romanos 10:13-15.

Tenonde, ndepuere remombeu reyemboe vae nderëtara jare nde amigo retape. Ërei, reyapotako ndepɨakavi jare ndepɨaguasu reve. Ikaviko remombeu ikavigüe Tumpa oyapota vaere, aguɨyeta eyoaka. Echa, jae reta imaenduata ndepɨakavire, mbaetɨ nde rere vaereño. Emongeta 2 Timoteo 2:24, 25.

3. ¿Mbae ikavi vaepa ndepuere reupitɨ?

Jekuaeño reyemboe Tumpa Iñeere yave, reikuaa kavita Tumpa jare ara ñavo reyemboya katuta jese. Jayave, ndepueretako reiko Tumpa jëtara rami. Emongeta 2 Corintios 6:18.

4. ¿Mbaepa ndemborɨta ndeporogüɨrovia okuakuaa vaerä?

Ndeporogüɨrovia okuakuaa vaerä jekuae aveitako reyemboe Tumpa Iñeere (Hebreos 5:13, 14). Eyerure metei testigo de Jehová reyemboe vaerä jae ndive ñeerɨru Biblia yandemboe vae. Reikuaa katu Tumpa Iñee oporomboe vae yave, reyerovia katuta. Emongeta Salmo 1:1-3 jare 73:27, 28.

Bibliape ñaväe “ñee ikavi vae [ou] Tumpa jekuaeño oyerovia katu” vaegüi (1 Timoteo 1:11, NTG). Ndepuereta reyemboya jese reyemboatɨ yave jembiókuai reta ndive (Hebreos 10:24, 25). Reñemomɨ̈rata reyapo Jehová oipota vae yave, ndepuereta reiko avei. Jaeramo eyemboya Tumpare, körai reyapo yave, reyapo reï ikavigüe vae. Emongeta 1 Timoteo 6:19.