YEMBOE 12
¿Mbae pa ndemborɨta jekuaeño reyemboe vaerä Biblia re?
Ikavi ete ko yayemboe Biblia re. Ërei ámope yavai. Güɨramoi reparandu ndeyeupe: ¿Jekuaeñota ra chepuere ayemboe? Jayave, ¿maera pa jaekavi jekuaeño reyemboe? ¿Mbae pa ndemborɨta yepe tëi oime mbaeavai reta?
1. ¿Maera pa jaekavi reyemboe vaerä Biblia re?
“Tumpa iñee ko oikove jare imbaepuere” (Hebreos 4:12). Biblia jae ko tembikuatía ikavi yae vae, echa oechauka Tumpa oyemongeta jare nderaɨu vae re. Reyemboeta mbaembae reta ipɨau vae, reiko kavita jare renoita metei esperanza kuri peguarä. Jare má ikavi ete vae ndepuereta reiko Jehová iamigorä. Reyemboe yave Biblia re ndepuereta reiko yerovia reve.
2. ¿Maera pa yaikuaa Biblia jei vae ikavi ete ko?
Biblia yandemboe vae mbaembae jepɨ yae vae rami ko. Jáeramo Biblia jei: “Eväe añetete vae [...] jare ¡agüɨye emee!” (Proverbios 23:23). Yaikuaa yave Biblia jei vae ikavi ete ko, jekuaeñota ñañemomɨ̈rata yayemboe vaerä jese yepe tëi oime mbaeavai reta (emongeta Proverbios 2:4, 5).
3. ¿Kërai pa ndemborɨta Jehová jekuaeño reyemboe vaerä?
Jehová ko yandeapoa imbaepuere yae vae jare ndeamigo ko, ndekuaa kavi jare oipota ndemborɨ má reikuaa vaerä jese. Jare Tumpa omee “kɨ̈reɨ jare peyapo vaerä” (emongeta Filipenses 2:13). Jáeramo ndekangɨ reï yave reyemboe vaerä ani yavai reyapo reikuaa vae, jae ndemborɨta. Ani güɨramoi remonecesita mɨ̈rata remoamɨri vaerä amogüe mbaeavai reta ani ïru reta oipotaä reyemboe vaerä, Jehová oïta nde ndive. Jáeramo jekuaeño eyerure Jehová pe ndemborɨ vaerä reyemboe Biblia re (1 Tesalonicenses 5:17).
YAIKUAA KATU VAERÄ
Yaecha mbae pa ndepuere reyapo jekuaeño reyemboe vaerä Biblia re yepe tëi ïru reta oipotaä ani mbaetɨ renoi yave tiempo. Javoi yaecha kërai Jehová ndemborɨta.
4. Embotenonde reyemboe Biblia re vae
Amo vese pe oime jeta mbaembae reta yayapo vaerä jare mbaetɨ ñanoi tiempo yayemboe vaerä Biblia re. ¿Mbae pa yayapota? Pemongeta Filipenses 1:10 jare peyemongeta jese
Ndeveguarä, ¿mbae pa má “ikavi” ete?
¿Mbae pa reyapota reechauka vaerä reyemboe Biblia re vae jae ko ikavi ete?
Remotɨnɨe yave metei vaso ɨvɨkuitï ndive jare reipota tëi yave reñono pɨpe ita reta, ngaraa oike.
Ërei, tenonde reñono yave ita reta, ndepuereta vi remotɨnɨe ɨvɨkuitï ndive. Jökorai vi tenonde reyapo “ikavi ete vae” yave, ndepuereta reyapo ïru mbaembae.
Yayemboe yave Biblia re yandepuere yaikuaa jare yamboete Tumpa. Pemongeta Mateo 5:3 jare peyemongeta jese:
Yambotenonde yayemboe yave Biblia re, ¿kërai pa yandemborɨ?
5. Agüɨye emaeño kia tandeopia reyemboe vaerä Biblia re
Ámope ipuere ko kia nemoäteɨ reyemboe Biblia re. Emae Francesco iejemplo. Pemae VIDEO re jare peyemongeta jese:
¿Mbae pa oyemongeta Francesco jëtara jare iamigo reta oyemboe vae re?
¿Maera pa ikavi jekuaeño oyemboe vaerä?
Pemongeta 2 Timoteo 2:24, 25 jare peyemongeta jese:
Nerëtara jare ndeamigo reta, ¿mbae pa oyemongeta reyemboe reï vae re?
Oechauka rami kuae versículo reta, ¿mbae pa reyapota kia nemoäteɨ yave reyemboe Biblia re? Jare ¿maera pa?
6. Erovia katu Jehová ndemborɨta
Täta ñamomɨ̈rata yandeamistad Jehová ndive yave, má yaipota yamboyerovia. Ërei ipuere ko yavai yaeya amogüe mbaembae yayapo vae yamboyerovia vaerä Tumpa. Jökorai reyemosiente yave, agüɨye ndepɨatɨtɨ, Jehová ndemborɨta ko. Pemae VIDEO re jare peyemongeta jese:
Video oechauka rami, ¿mbae mbae pa oeya Jim oyapo vaerä Jehová oipota rami?
Jim oyapo vae ¿mbae pa ndembopɨakañɨ?
Pemongeta Hebreos 11:6 jare peyemongeta jese:
¿Mbae pa oyapota Jehová opaete kia reta re täta oñemomɨ̈rata oikuaa jare omboyerovia vaerä?
¿Kërai pa oñemosiente Jehová oecha täta reñemomɨ̈rata reyemboe yave Biblia re?
AMOGÜE RETA JEI VAE: “¿Maera pa reyemboe Biblia re testigo de Jehová ndive?”.
¿Mbae pa rereta chupe?
YAYEMBOE MA VAE
Yepe tëi yavai reyemboe Biblia re, ërei ndemborɨta reiko vaerä yerovia reve añave jare kuri. Jekuaeño rerovia katu Jehová re yave, jae omboekoviata ko ndeve.
Emoësaka
¿Maera pa ikavi ndeveguarä Biblia pe reyemboe vae?
Reecha güire mbaembae “má ikavi ete vae” ndeveguarä, ¿mbae pa reyapota?
¿Maera pa ikavi ko reyerure Jehová pe ndemborɨ vaerä jekuaeño reyemboe Biblia re?
EEKA KUAE
Descubra cuatro estrategias que han ayudado a muchas personas a usar bien su tiempo.
“Cómo invertir sabiamente el tiempo” (¡Despertad!, febrero de 2014)
Una mujer quería agradar a Dios, pero su esposo no entendía todo lo que ella hacía para lograrlo. Vea cómo Jehová la ayudó.
Jehová nos da las fuerzas para llevar nuestras cargas (5:05)
Vea cómo la constancia de una mujer ayudó a su esposo.
A veces se acusa a los testigos de Jehová de romper familias. ¿Pero es eso cierto?
“¿Separan los testigos de Jehová a las familias, o las unen?” (Artículo de jw.org)