YEMBOE 1

¿Keräipa yaendu Tumpa?

YandeRu imiari yandeve Iñee rupi 2 Timoteo 3:16

Jehová iespíritu santo rupi omborɨ kuimbae reta oikuatía vaerä Biblia

Tumpa ko oyokuai kuimbae reta ombokuatia vaerä metei ñeerɨrupe Tumpa iyemongeta reta. Jokuae ñeerɨru jae Tumpa Iñee. Japɨpe oime jeta mbae ikavi yeye vae jare Tumpa oipota nde reikuaa.

Tumpa arakuaako mbaetɨ oyovake. Jaeramo, jaeño ipuere oikuaa mbaepa ikavi yaeta yandeve guarä. Reendu Tumpa yave ndearakuaatako (Proverbios 1:5).

Tumpa Iñee ambuae ñee retape; kuimbae omongeta Biblia iñee aepe

YandeRu oipota opaete ɨvɨ pegua reta omongeta Iñee. Jaeramo oyemboasa jeta ñeepe.

Reipota yave reendu Tumpa, remongetatako Iñee jare reikuaa kavitako mbaepa oipota jei.

Opaete tëta guasu rupi gente reta oendu ñoguɨnoi Tumpare Mateo 28:19

Metei testigo de Jehová omongeta Biblia metei kuimbaepe jaɨkue rupi kuae kuimbae oyemboe Bibliare jae ndive

Testigo de Jehová reta ipuere ndemborɨ reikuaa kavi vaerä mbaepa oipota jei Tumpa Iñee.

Jae reta omboe añete vae yandeRu regua opaete kuae ɨvɨ rupi.

Kuae yemboe reta jepɨmbaeko. Nde ndepuere vi reyemboe yandeRu regua testigos de Jehová yemboatɨape.