¿Kiapa jae Tumpa añetete vae?

Tumpa añetete vae jaeko meteiño, jae jee Jehová. Tumpa Iñee jei: “Ɨvɨpegua reta oikuaa vaerä nde, Jehová ndere vae, ndeño ko jae Tuichagüe yaete opaete ɨvɨre vae” (Salmos 83:​18, Traducción del Nuevo Mundo). Jaeko espíritu, yande puereä yaecha vae. Jehová yande raɨu jare oipota yande yaaɨu jae. Jaeramiñovi oipota yaaɨu yanderapicha (Mateo 22:35-40). Jaeko Tuichagüe yae ete vae, echa jae oyapo opaete mbae.

Tenonde Tumpa oyapo metei ángel imbaepuere vae, jaɨkue rupi oyembojee Jesucristo. Jehová oyapovi irü ángeles ani araɨgua reta.

Jehová oyapo opaete mbaembae arape . . . jare opaete mbaembae ɨvɨpe Revelación [Apocalipsis] 4:11

Jehová Tumpa oyapo ara, ɨvɨ jare opaete mbaembae oï pɨpe vae (Génesis 1:1).

Jae oyapo Adán ɨvɨkúi güi, jaeko kuimbae tenondegua vae (Génesis 2:7).