YEMBOE 13
Religión raanga reta ombosɨrɨ Tumpa güi kia reta
Tumpa ko mboroaɨu, jayave ¿maera pa religión reta oyapo mbae ikavimbae vae? Echa kuae religión reta iyapu ko imiari Tumpa re jare oyapo vae rupi ombosɨrɨ chugüi kia reta. ¿Kërai pa religión reta oyapo jókuae? ¿Kërai pa oñemosiente Tumpa? ¿Mbae pa oyapota oñono kavi vaerä kuae?
1. ¿Kërai pa ombosɨrɨ Tumpa güi omboe vae rupi?
Religión raanga reta oipoepɨ “Tumpa añete vae regua [...] apu pe” (Romanos 1:25). Echa mbaetɨ omboe reta Tumpa jee regua. Ërei, Biblia jei yandeve yaiporu vaerä Tumpa jee (Romanos 10:13, 14). Religión ombotenonde vae reta jei mbae ikavimbae oasa yave, Tumpa oipota ramo ko. Ërei jókuae mbaetɨ ko jökorai. Tumpa jeko peguaä ko oasa mbae ikavimbae vae (emongeta Santiago 1:13). Kuae nunga apu reta ombosɨrɨ Tumpa güi kia reta.
2. ¿Kërai pa ombosɨrɨ Tumpa güi oyapo vae rupi?
Religión raanga reta mbaetɨ oyangareko kia reta re Jehová oyangareko rami. Biblia jei “iyoa oa ojo ara re” (Apocalipsis 18:5). Jeta año rupi religión reta oyea política pe, omborɨ ñeraro pe jare oyukauka jeta kia reta. Amogüe religión ombotenonde vae reta oiko katu ko, echa oiporu korepoti iiglesia pegua reta pe. Oyapo vae rupi oechauka mbaetɨ oikuaa Tumpa, jáeramo mbaetɨ oporomboe kavi Tumpa regua (emongeta 1 Juan 4:8).
3. ¿Kërai pa oñemosiente Tumpa oecha yave religión raanga reta oyapo vae?
Ndemboarasɨ reecha yave religión raanga oyapo vae, ¡jökoraiño vi Jehová oñemosiente! Jae oaɨu kia reta, ërei iyarasɨ oecha yave religión ombotenonde vae reta iyapu jesegua jare oiporarauka yave iiglesia pegua reta pe. Tumpa jei omboaita religión raanga reta jare “ngaraa ye ma kia” oecha (Apocalipsis 18:21). Ɨmaä ma oata, Tumpa omokañɨtei vaerä religión raanga reta (Apocalipsis 18:8).
YAIKUAA KATU VAERÄ
Yaecha kavi mbae pa oyemongeta Jehová religión raanga reta re jare mbae oyapo reta vae re. Yayemboe vi maera pa ikavi jekuaeño reyemboe vaerä Jehová regua.
4. Tumpa peguarä mbaetɨ ikavi opaete religión reta
Jeta kia reta güɨrovia opaete religión reta yandemboya Tumpa re. Ërei ¿añetete ra? Pemongeta Mateo 7:13, 14 jare peyemongeta jese:
Biblia jei rami, ¿kërai pa tape ipɨmii vae yandereraja tekove opambae vae kotɨ?
Pemae VIDEO re jare peyemongeta jese:
¿Omboe pa Biblia ikavi Tumpa pe opaete religión reta?
5. Religión raanga reta mbaetɨ oechauka Tumpa iporoaɨu
Religión reta omongɨa Tumpa jee jare oyapo ikavimbae vae, echa omborɨ oime yave guerra. Peikuaa vaerä, pemae VIDEO re. Javoi peyemongeta jese:
¿Mbae pa oyapo iglesia reta oime ramboeve Segunda Guerra Mundial?
¿Mbae pa reyemongeta jae reta oyapo vae re?
Pemongeta Juan 13:34, 35 jare 17:16. Javoi peyemongeta jese:
¿Kërai pa oñemosiente Jehová religión reta omborɨ oime yave guerra?
Religión raanga reta oyapo ikavimbae vae. ¿Mbae nunga pa nde reecha?
Religión raanga reta mbaetɨ oechauka Tumpa iporoaɨu.
6. Tumpa oipota omborɨ kia reta oë vaerä religión raanga reta güi
Pemongeta Apocalipsis 18:4a jare peyemongeta jese:
Tumpa oipota güɨroasayepe kia reta oë vaerä religión raanga reta ombotavɨ vae güi. ¿Kërai pa ndeve jókuae?
7. Jekuaeño eyemboe Tumpa añetete vae re
Religión raanga reta oyapo vae jeko pegua, ¿reyembosɨrɨta pa Tumpa güi? Eyemongeta metei taɨrusu oipotaä oendu tu iyemboarakuaa reta, ojo jëta güi jare oyapo ikavimbae vae. Tu peguarä ikaviä taɨ oyapo vae. ¿Ikavi ra yayemongeta tu jeko pegua ko taɨ oyapo ikavimbae vae?
Religión raanga reta ikavimbae vae oyapo ramo, ¿ikavi ra yamboeko Jehová jare yaipotaä má yayemboe jese?
AMOGÜE RETA JEI VAE: “Opaete religión reta oyapo ikavi vae”.
¿Reyemongeta pa jökorai?
Yepe tëi jeta religión reta jei omboe ikavi vae, ¿maera pa mbaetɨ ikavi opaete religión reta Tumpa pe?
YAYEMBOE MA VAE
Religión raanga reta omboe vae jare ikaviä oyapo vae rupi omongɨa Tumpa jee. Jetaä ma oata Tumpa opa omboai vaerä.
Emoësaka
¿Mbae pa reyemongeta religión raanga reta oyapo jare omboe vae re?
¿Mbae pa oyemongeta Jehová religión raanga reta re?
¿Mbae pa oyapota Tumpa religión raanga reta ndive?
EEKA KUAE
La mayoría de las religiones le desagradan a Dios por dos razones. Vea cuáles son.
“¿Nos acercan a Dios todas las religiones?” (Artículo de jw.org)
¿Por qué quiere Jehová que lo adoremos como parte de un grupo, y no por nuestra cuenta?
¿Es necesario pertenecer a una religión?” (Artículo de jw.org)
Un sacerdote tenía dudas de su religión. Pero eso no impidió que aprendiera la verdad sobre Dios.
“Un sacerdote abandona la Iglesia” (¡Despertad!, febrero de 2015)
Por siglos, las religiones han dicho mentiras sobre Dios y le han hecho creer a la gente que él es indiferente y cruel. Conozca el origen de tres de esas mentiras.
“Mentiras que nos alejan de Dios” (La Atalaya, 1 de noviembre de 2013)