YEMBOE 17
¿Kërai pa ko Jesús?
Yayemboe ramboeve Jesús oyapo jare jei vae oiko yave ɨvɨ pe, yaikuaa jeko kavi reta re jare jókuae yandemboya katu jese jare Tu, Jehová re. ¿Mbae nunga pa jókuae teko kavi reta ikavi ete vae? ¿Mbae pa yayapota ñamomoe vaerä Jesús jeko kavi reta?
1. ¿Kërai pa Jesús Tu rami?
Jesús oiko ara pe jeta yeyé año rupi Tu ndive omae jare oyemboe oiko oyapo vae. Jáeramo oyapo jare iporoparareko Tu rami (emongeta Juan 5:19). Jesús oechauka kavi Tu jeko kavi reta, jáeramo Jesús jei: “Chereecha vae oecha ma ko cheRu” (Juan 14:9). Reikuaa kavi Jesús re yave, reikuaa katuta vi Jehová. Metei ejemplo, Jesús iporoparareko kia reta re yave, oechauka Jehová iporoparareko nderé.
2. ¿Kërai pa Jesús oechauka oaɨu ko Tu?
Jesús jei: “Ayapota cheRu iporookuai, ɨvɨ pegua reta oikuaa vaerä che aaɨu ko cheRu” (Juan 14:31). Ɨvɨ pe oiko yave, Jesús oechauka oyapo vae rupi oaɨu yae ko Tu yepe tëi ámope oasa mbaeavai reta rupi. Jare Jesús oyerovia katu reve imiari Tu re jare omborɨ kia reta oiko vaerä Tumpa iamigorä (Juan 14:23).
3. ¿Kërai pa Jesús oechauka oaɨu ko kia reta?
Biblia jei Jesús oaɨu yae ɨvɨ pegua reta. Oechauka kuae mboroaɨu ombopɨakatu jare omborɨ kia reta yave, mbaetɨ oäro omboekovia vaerä chupe. Oyapo milagro reta oechauka vae imbaepuere jare iporoparareko (Marcos 1:40-42). Jae ipɨakavi jare mbaetɨ ko oporomboyoavɨ. Imiari yave ombopɨakatu jare omee moroäro ipɨakavi reve oendu vae pe. Jare, ikɨ̈reɨ ngatu reve omee jekove omborɨ vaerä ɨvɨ pegua reta oaɨu ramo, ërei má oaɨu jembiokuai reta (emongeta Juan 15:13, 14).
YAIKUAA KATU VAERÄ
Yaikuaa katu Jesús jeko kavi reta re jare yaecha kërai yandepuere ñamomoe iporoaɨu jare iporoparareko kia reta re.
4. Jesús oaɨu Tu
Oyapo vae rupi, Jesús yandemboe kërai yaechaukata yandeporoaɨu Tumpa pe. Pemongeta Lucas 6:12 jaenunga vi Juan 15:10 jare 17:26. Pemongeta yave texto reta, peyemongeta jese:
Yayemboe rami Jesús re, ¿kërai pa yandepuere yaechauka yandeporoaɨu Jehová re?
Jesús oaɨu Tu ara pegua jare oyerure ñoi chupe.
5. Jesús oyemoambeko iparavete vae reta re
Jesús oyemoambeko ïru vae reta re iyé aeño güi. Yepe tëi ikangɨ yave oiporu itiempo jare ipɨ̈rata omborɨ vaerä ïru kia reta pe. Pemongeta Marcos 6:30-44 jare peyemongeta jese:
Omombeu rami kuae texto reta, ¿kërai pa Jesús oechauka oyemoambeko ïru reta re? (Pemae versículo reta 31, 34, 41 jare 42).
¿Maera pa Jesús omborɨ jókuae kia reta? (Pemae versículo 34).
Yaecha rami, Jesús oechauka Tu jeko kavi reta, ¿kuae mbae pa ndemboe Jehová re?
¿Kërai pa yayemoambeko ïru reta re Jesús oyapo rami?
6. Jesús ipɨakavi vae ko
Jesús ipɨakavi ko yepe tëi, mbaetɨ güɨrekose jeta mbaembae, jare ñanemokɨ̈reɨ yandepɨakavi vaerä. Pemongeta Hechos 20:35 jare peyemongeta jese:
Jesús jei rami, ¿mbae pa yandemboyerovia?
Pemae VIDEO re jare peyemongeta jese:
Yepe tëi mbaetɨ ñanoi jeta mbaembae, ¿kërai pa yandepuere yamborɨ kia reta pe?
¿Reikuaa pa?
Biblia yandemboe yayerureta ko Jehová pe Jesús jee re (pemongeta Juan 16:23, 24). Jökorai ñamee yasoropai Jesús oyapo vae re yandepuereta yaiko Jehová iamigorä.
AMOGÜE RETA JEI VAE: “Yaiporara Tumpa yandembocastiga ramo”.
Jesús Tu rami ko, jare yaikuaa jeko kavi reta, ¿kërai pa yaikuaa mbaetɨ ko yandembocastiga?
YAYEMBOE MA VAE
Jesús oaɨu Jehová jare ïru kia reta. Yaikuaa yave Jesús, má yaikuaa Jehová echa jae ko Tu rami.
Emoësaka
Jesús oyapo rami, ¿kërai pa yaechauka yaaɨu ko Jehová?
Jesús oyapo rami, ¿kërai pa yaechauka yaaɨu ïru kia reta pe?
Opaete Jesús jeko kavi reta güi, ¿mbae nunga pa má ikavi ndeve?
EEKA KUAE
Vea algunas de las cualidades de Jesús que podemos imitar.
“Imitemos el ejemplo de Jesús” (Jesús: el camino, la verdad y la vida, página 317)
Conozca el importante papel que Jesús desempeña en las oraciones.
“¿Por qué orar en el nombre de Jesús?” (La Atalaya, 1 de febrero de 2008)
¿Dice algo la Biblia sobre cómo era Jesús físicamente?
¿Qué aprendemos del trato que Jesús les dio a las mujeres?
“Dios respeta y valora a la mujer” (La Atalaya, 1 de septiembre de 2012)