¿Mbae pa oyapo Jesús oiko ramboeve ɨvɨ pe?

Jeta kia reta oendu yave Jesús regua oyemongeta michia raɨ rami, profeta iyarakuaa katu vae rami ani kuimbae ipɨ̈ratambae vae. Ërei má yayemboe kavi yave Jesús regua oiko ramboeve kuae ɨvɨ pe ¿yaikuaa kavita ra? Kuae yemboe pe yaechata amogüe mbaembae má ikavi ete Jesús oyapo vae jare kuae kërai ndemborɨta.

1. ¿Mbae mbaravɨkɨ má ikavi ete Jesús peguarä?

Mbaravɨkɨ má ikavi ete Jesús peguarä jae ko omombeu “vaerä vi ñee ikavi vae Tumpa iporookuaía regua” (emongeta Lucas 4:43). Omoërakua ñee ikavi vae Tumpa iReino regua jaeño ko oñono kavita mbaeavai reta ɨvɨ pe oime vae.a Mboapɨ año y medio rupi Jesús omoërakua kavi ñee ikavi vae (Mateo 9:35).

2. ¿Maera pa Jesús oyapo milagro reta?

Biblia oechauka Tumpa oyapo “mɨakañɨ reta Jesús [...] rupi” (Hechos 2:22). Tumpa imbaepuere rupi Jesús omombɨta ɨvɨtuai tätagüe, omongaru vi jeta vae, ombogüera imbaerasɨ vae reta jare omoingove ye amogüe omanogüe reta (Mateo 8:23-27; 14:15-21; Marcos 6:56; Lucas 7:11-17). Milagro reta Jesús oyapo vae oechauka Tumpa ko ombou ɨvɨ pe jökorai vi oechauka Jehováño ko güɨnoi mbaepuere oñono kavi vaerä mbaeavai reta.

3. ¿Mbae pa yandemboe Jesús iejemplo?

Jesús oyapo avei Jehová jei chupe vae (emongeta Juan 8:29). Jesús jupi avei omano regua echa oyapo avei Tu jemimbota, yepe tëi ïru reta oipota tëi oyopia yave. Kuae rupi oechauka kuimbae reta ipuere oyeokuai Tumpa pe yepe tëi oime yave mbaeavai reta. Jökorai Jesús “oeya yandeve yayapo vaerä jae oyapo rami” (1 Pedro 2:21).

5. Jesús yandemboe mbae ikavi ete vae

Jesús omoërakua ñee ikavi vae Tumpa iReino regua jare mbae yandemborɨta vae. Yaecha amogüe ejemplo reta Sermón del monte pe oñemombeu vae. Pemongeta Mateo 6:14, 34 jare 7:12, jare peyemongeta jese:

• ¿Mbae yemboarakuaa ikavi vae omee Jesús kuae versículo reta pe?

• ¿Kuae yemboarakuaa reta omborɨta ra kia reta pe añave rupi, mbae pa reyemongeta?

6. Jesús oyapo milagro reta

Jehová omee Jesús pe mbaepuere oyapo vaerä milagro reta. Peecha vaerä metei ejemplo, pemongeta Marcos 5:25-34 ani pemae VIDEO re. Jare peyemongeta jese:

VIDEO: La curación de una mujer enferma (5:10)

• Video pe yaecha rami, ¿mbae pa güɨrovia kuña imbaerasɨ vae?

• ¿Mbae pa ndembopɨakañɨ kuae milagro güi?

Pemongeta Juan 5:36 jare peyemongeta jese:

• Milagro reta Jesús oyapo vae, ¿mbae pa “oechauka”?

YAYEMBOE MA VAE

Jesús omoërakua Tumpa iReino regua, oyapo milagro reta jare iñeereendu avei Jehová pe.

Emoësaka

• ¿Mbae mbaravɨkɨ pa má ikavi ete Jesús peguarä?

• ¿Maera pa Jesús oyapo milagro reta?

• ¿Mbae yemboarakuaa reta Jesús oporomboe?

EEKA KUAE

¿Cuál era el mensaje principal de Jesús?

“¿Por qué es importante para Jesús el Reino de Dios?” (La Atalaya, 1 de octubre de 2014)

Vea por qué estamos seguros de que los milagros de Jesús realmente sucedieron.

“Los milagros de Jesús: ¿qué puede aprender de ellos?” (La Atalaya, 15 de julio de 2004)

Lea cómo cambió la vida de un hombre cuando aprendió que Jesús no se centró en sí mismo.

“Lo más importante de mi vida era yo” (La Atalaya, 1 de octubre de 2014)

Vea los principales acontecimientos de la vida de Jesús en orden cronológico.

“La vida de Jesús en la tierra” (La Biblia. Traducción del Nuevo Mundo, apéndice A7)