YEMBOE 19
¿Testigos de Jehová jae pa ko cristiano añetete vae reta?
Testigos de Jehová rogüɨrovia ore ko cristiano añetete vae. ¿Maera pa? Kuae yemboe pe yaechata mbae re ko rogüɨrovia jare maera pa royembojee testigos de Jehová jare kërai royoaɨu päve.
1. ¿Mbae re pa testigos de Jehová güɨrovia?
Jesús jei Tumpa pe: “Neñee ko jae añete vae” (Juan 17:17). Jesús oyapo rami, testigos de Jehová rogüɨrovia opaete mbaembae Tumpa iñee omboe vae. Emae kërai romboɨpɨ testigos de Jehová año 1870 rupi, metei atɨ omboɨpɨ oyemboe kavi Tumpa iñee re. Güɨrovia reta añetete Biblia jei vae re, yepe tëi jókuae ambueye iglesia reta oporomboe vae güi. Javoi omoërakua añetete vae oyemboe vae re ïru reta pe.a
2. ¿Maera pa royembojee testigos de Jehová?
Jehová jei omboete vae reta itestigo ko echa omoërakua añetete vae jesegua (Hebreos 11:4-12:1). Arakae yave, Tumpa jei jembiokuai reta pe: “Pe reta ko jae pemombeu cheregua vae” (emongeta Isaías 43:10). Biblia jei Jesús ko “jupi rupi imiari vae” (Apocalipsis 1:5). Jáeramo año 1931 pe royembojee testigos de Jehová. Royerovia roñereenɨi jökorai.
3. ¿Testigos de Jehová kërai pa omomoe Jesús iporoaɨu?
Jesús oaɨu yae jemimboe reta jëtara ete rami (emongeta Marcos 3:35). Testigos de Jehová roiko metei tëtara rami opaete ɨvɨ rupi. Jáeramo roñereenɨi hermano jare hermana (Filemón 1, 2). Jaenunga vi, royapo Biblia jei vae: “Peaɨu oporogüɨrovia vae reta” (1 Pedro 2:17). Testigos de Jehová royoaɨu päve, jáeramo oime yave mbaemboavai royomborɨ päve opaete ɨvɨ rupi.
YAIKUAA KATU VAERÄ
Yaikuaa kavi testigos de Jehová regua jare yaecha maera pa ore ko cristiano añetete vae reta.
Cristiano añetete vae güɨrovia Biblia omboe vae jare omoërakua vi kia reta pe.
4. Rogüɨrovia opaete mbaembae Biblia omboe vae re
Jehová omombeu añetete Biblia pe oï vae oñemoësaka kavita. Pemongeta Daniel 12:4 jare peyemongeta jese:
¿Mbae pa “okuakuaata” yayemboe ramboeve Biblia re?
Emae kërai amogüe reta oyemboe Tumpa Iñee re, Charles Russell ndive. Pemae VIDEO re jare peyemongeta jese:
Video oechauka rami, ¿kërai pa oyemboe Tumpa Iñee re Charles Russell jare Biblia re oyemboe vae reta?
¿Reikuaa pa?
Ámope, roipoepɨ rogüɨrovia vae. ¿Maera pa? Echa Tumpa mbegüe mbegüe pe omoësaka oreve Iñee. Köembipe rami, kuaraɨ oë ramo yave roecha kavi opaete mbaembae (pemongeta Proverbios 4:18). Biblia mbaetɨ oyepoepɨ, ërei royemboe kavi ramboeve jësaka kavi oreve rogüɨrovia vae.
5. Romombeu añete vae Jehová regua
¿Maera pa roiparavo royembojee testigos de Jehová? Pemae VIDEO re jare peyemongeta jese:
¿Maera pa ikavi roñereenɨi testigos de Jehová?
¿Maera pa Jehová oiparavo kia reta oiko vaerä itestigorä? Echa, jeta yeyé iyapu reta Jehová regua, jáeramo testigo reta imiari añete vae Jehová re, Tumpa añetete vae. Yaecha mókoi apu kia reta Tumpa re oyemongeta vae.
Amogüe religión reta omboe ikavi ko oyeporu imagen reta omboete vaerä Tumpa. ¿Ërei ikavi ra jókuae? Pemongeta Levítico 26:1 jare peyemongeta jese:
Kuae versículo jei rami, ¿mbae pa ko añetete vae? ¿Mbae pa jei Tumpa imagen reta re?
Religión ombotenonde vae reta omboe Jesús jae ko Tumpa. Ërei, ¿añetete ra? Pemongeta Juan 20:17 jare peyemongeta jese:
Kuae versículo jei rami, ¿mbae pa ko añetete vae? ¿Tumpa jare Jesús meteiño pa?
¿Kërai pa reñemosiente reikuaa yave Jehová omondo itestigo reta oporomboe vaerä añetete vae jesegua jare Taɨ regua?
6. Royoaɨu päve
Biblia omboyovake cristiano reta, yanderete ndive. Pemongeta 1 Corintios 12:25, 26 jare peyemongeta jese:
¿Mbae pa oyapota ko cristiano añetete vae ïru hermano reta oiporara yave?
Reecha rami, ¿kërai pa oechauka mboroaɨu testigos de Jehová?
Testigos de Jehová oiporara yave, ihermano reta opaete ɨvɨ rupi ɨmambae omborɨ reta. Peikuaa vaerä, pemae VIDEO re. Javoi peyemongeta jese:
¿Kërai pa omborɨ testigos de Jehová ɨvɨtuai guasu oasa yave?
Cristiano añetete vae oechauka mboroaɨu jare omborɨ omonecesita vae.
AMOGÜE RETA JEI VAE: “Testigos de Jehová, religión jaeramo oyekuaa vae”.
¿Kërai yave pa Jehová omboɨpɨ oenɨi “testigos” omboete vae reta?
YAYEMBOE MA VAE
Testigos de Jehová cristiano añetete vae ko. Opaete ɨvɨ rupi metei tëtara rami omboete Tumpa, güɨrovia Biblia omboe vae jare omoërakua añetete vae Jehová regua.
Emoësaka
¿Maera pa roiparavo royembojee testigos de Jehová?
¿Kërai pa roechauka mboroaɨu oreyeupe?
¿Rerovia pa testigos de Jehová cristiano añetete vae ko?
EEKA KUAE
Conozca mejor nuestra historia.
Los testigos de Jehová: una historia de fe viva. Parte 1: Salen de la oscuridad (1:00:53)
Vea una de las enseñanzas falsas que los testigos de Jehová han puesto al descubierto.
Encuentre la respuesta a preguntas que usted pudiera tener sobre los testigos de Jehová.
“Preguntas frecuentes sobre los testigos de Jehová” (Sección de jw.org)
El odio llevó a Stephen a cometer delitos graves. Descubra qué vio él en los testigos de Jehová que lo impulsó a cambiar su vida.
“Mi vida iba de mal en peor” (La Atalaya, 1 de julio de 2015)
a Oretembikuatía La Atalaya, año 1879 güive omoërakua añetete vae Biblia regua.