¿Kia reta pa omoërakua ñee ikavi vae?

Jetaä ma oata Jehová opa omboai vaerä mbaeavai reta iReino rupi. ¡Kuae ñee ikavi vae ikavi ko kia reta oikuaa vaerä! Jesús oipota jemimboe reta omoërakua ñee ikavi vae opaete ɨvɨ rupi (Mateo 28:19, 20). ¿Kërai pa testigos de Jehová oyapo Jesús oyókuai vae?

1. ¿Kërai pa oyeapo oï Mateo 24:14 jei vae?

Jesús jei: “kuae ñee ikavi vae Tumpa iporookuaía pegua oñemoërakuata opaete ɨvɨ rupi” (Mateo 24:14). Testigos de Jehová yerovia reve royapo kuae mbaravɨkɨ ikavi ete vae. Romoërakua kuae ñee ikavi vae opaete ɨvɨ rupi oasa ye 1.000 ñee reta pe. Kuae mbaravɨkɨ tuicha yae ko jáeramo täta roñemomɨ̈rata royapo vaerä. Jaeño orepuere royapo Jehová oremborɨ ramo.

2. ¿Mbae pa royapo romoërakua vaerä kia reta pe?

Romoërakua kia reta pe ñogüɨnoia rupi. Cristiano siglo primero pegua reta oyapo rami, rojo “o reta rupi” (Hechos 5:42). Jökorai orepuere oremiari jeta kia reta ndive año ñavo. Ërei, ámope kia reta mbaetɨ oï jëta pe, jáeramo romoërakua plaza jare mercado reta rupi. Roeka ñoi kërai orepuere vaerä oremiari kia reta pe Jehová re.

3. ¿Kia reta pa ko omoërakuata ñee ikavi vae?

Opaete cristiano añetete vae omoërakuata ko ñee ikavi vae. Ore roñemomɨ̈rata royapo kuae mbaravɨkɨ ikavi ete vae. Täta roñemomɨ̈rata romoërakua vaerä, echa jökorai orepuere romborɨ kia reta oasayepe vaerä (emongeta 1 Timoteo 4:16). Ërei, mbaetɨ rokovara kuae mbaravɨkɨ royapo vae re, echa Biblia jei: “agüɨye vi pekovara mbae peyapota vae re” (Mateo 10:7, 8). Yepe tëi mbaetɨ opaete oendu oreve ërei jekuaeño romoërakua, jökorai romboete Jehová jare romboyerovia.

YAIKUAA KATU VAERÄ

4. Roñemomɨ̈rata romoërakua vaerä opaete kia reta pe

VIDEO: Predicamos “hasta la parte más distante de la tierra” (7:33)

• ¿Mbae pa nemopɨakañɨ testigos de Jehová royapo romoërakua vaerä?

Pemongeta Mateo 22:39 jare Romanos 10:13-15, jare peyemongeta jese:

• ¿Kërai pa romoërakua vae oechauka roaɨu ko opaete kia reta?

• ¿Kërai pa Jehová jesa róvai omoërakua ñee ikavi vae reta? (Pemae versículo 15).

5. Roparavɨkɨ Tumpa peguarä

Jeta kia reta oasa vae oechauka Jehová güɨroata romoërakua vae. Yaecha Nueva Zelanda pe oasa vae. Metei testigo Paul jee vae omoërakua kaaru yave tëta-tëta rupi oväe metei kuña. Ndeimbove yave, jae oyerure Tumpa pe jare oiporu Tumpa jee, Jehová, oyerure metei kia omborɨ vaerä oikuaa jese. “Mboapɨ ora oasa yave—Paul jei—, che aï ma jöke pe”.

Pemongeta 1 Corintios 3:9 jare peyemongeta jese:

• Kuña Nueva Zelanda pegua oasa vae rami ¿kërai pa oechauka Jehová güɨroata romoërakua vae?

Pemongeta Hechos 1:8 jare peyemongeta jese:

• ¿Maera pa ñamonecesita Jehová yandemborɨ ñamoërakua vaerä?

¿Reikuaa pa?

Oreyemboatɨ semana mbɨte pe oime vae oremboe ñoi romoërakua vaerä. Nde ámope reo yave oreyemboatɨ pe, ¿kërai pa ndeve royemboe vae?

6. Romoërakua yave royapo ko Tumpa oreokuai vae

Siglo primero pe, Jesús jemimboe jovaicho reta oipota tëi omombɨta omoërakua vae. Jókuae cristiano tenondegua reta oñemomɨ̈rata omoërakua vaerä, ‘oyeepɨ oï yave jare ñee ikavi vae omoañete oï yave’ (Filipenses 1:7). Añave rupi, testigos de Jehová royapo vi jökorai.a

VIDEO: Defendemos legalmente las buenas noticias (2:28)

Pemongeta Hechos 5:27-42 jare peyemongeta jese:

• ¿Maera pa ngaraai roeya romoërakua vae? (Pemae versículo reta 29, 38 jare 39).

YAYEMBOE MA VAE

Jesús oyókuai jemimboe reta omoërakua vaerä ñee ikavi vae opaete ɨvɨ rupi. Jehová omborɨ jembiokuai reta oyapo vaerä kuae mbaravɨkɨ.

Emoësaka

• Oñemoërakua vaerä ñee ikavi vae opaete ɨvɨ rupi ¿mbae pa oyeapo oï?

• ¿Kërai pa romoërakua vae oechauka roaɨu ko opaete kia reta?

• ¿Ñamoërakua vae yandemboyerovia ra? ¿Maera pa remopiensa jökorai?

EEKA KUAE

Vea cómo predican los testigos de Jehová en grandes ciudades.

Predicación pública especial en áreas metropolitanas en París (5:11)

¿Cómo han logrado llegar los testigos de Jehová a los refugiados?

Calmamos la sed espiritual de los refugiados (5:59)

Escuche de primera mano lo plena que puede ser la vida de una evangelizadora de tiempo completo.

Un viaje incomparable (6:29)

Conozca algunas destacadas victorias legales que han contribuido a que se sigan predicando las buenas noticias.

“Los mensajeros del Reino acuden a los tribunales” (El Reino de Dios ya está gobernando, capítulo 13)