YEMBOE 22
¿Kërai pa ndepuere remoërakua ñee ikavi vae?
Reyemboe yave ñee ikavi vae Biblia re, ipuere reyemongeta: “¡Opaete vae oikuaata ko jókuae re!”. Añete, ikavi ko opaete vae oikuaa. Ërei, ipuere ko nemara nemiari ïru reta pe reyemboe reï vae re. Yaecha kërai ndepuere remoërakua ñee ikavi vae kɨɨyembae jare yerovia reve Biblia regua.
1. ¿Kërai pa ndepuere reechauka ïru reta pe reyemboe reï vae re?
Jesús jemimboe reta jei: “Ore romombeu ñotai ko roecha jare roendu vae” (Hechos 4:20). Oaɨu yae añetete vae Jesús iyemboe jáeramo oipota omombeu opaete vae pe. ¿Reñemosiente pa jökorai? Jayave, eeka kërai ndepuere remoërakua nerëtara jare neamigo reta pe reyemboe reï vae re (emongeta Colosenses 4:6).
Kërai ndepuere remboɨpɨ
Nemiari yave nerëtara ndive, emboɨpɨ körai “Kuae semana pe ayemboe vae ikavi ko cheve”.
Neamigo imbaerasɨ ani ipɨatɨtɨ oï yave, eeka metei texto bíblico omoäta ngatu vaerä.
Neparavɨkɨ ïru oparandu mbae reyapo fin de semana pe, emombeu chupe Biblia jare yemboatɨ pe reyemboe vae.
Eechauka neamigo reta pe oresitio internet pe jw.org.
Eparea ïru reta pe reyemboe reï yave Biblia re ani eechauka kërai ipuere oiporu Biblia re oyemboe vaerä jw.org pe.
2. ¿Maera pa ikavita ndeve remoërakua vaerä congregación ndive?
Jesús jemimboe reta mbaetɨ omoërakua jëtara reta peño. Jesús “omondo jenonde mókoi mókoi rupi opaete tëta guasu reta […] rupi” omoërakua vaerä (Lucas 10:1). Jökorai jeta kia reta ipuere oendu ñee ikavi vae. Jesús jemimboe reta oyerovia katu reve omoërakua päve (Lucas 10:17). ¿Reipota pa kuri remoërakua congregación ndive?
YAIKUAA KATU VAERÄ
Yaecha mbae pa ipuere ndemborɨ remoërakua ñee ikavi vae kɨɨyembae reve jare yerovia reve.
3. Jehová oïta nde ndive
Amogüe reta ikɨ̈reɨ ojo omoërakua vaerä, ërei ipuere ko oyemoambeko ïru reta mbae jeita chupe vae re.
Nde reipota nemiari yave ïru reta pe reyemboe vae re, ¿rekɨɨye pa ani mbaetɨ? ¿Maera pa?
Pemae VIDEO re jare peyemongeta jese:
Taɨrusu vae reta video pe yaecha vae ¿kërai pa omoamɨri kɨɨye?
Pemongeta Isaías 41:10 jare peyemongeta jese:
Rekɨɨye yave remoërakua vaerä, ¿maera pa ikavi reyerure Tumpa pe?
¿Reikuaa pa?
Jeta testigos de Jehová oyemongetase ngaraai ko ipuere omoërakua vaerä. Metei hermano Sergey jee vae oyemongetase osiriveä mbaerä ave jare yavai chupe imiari vaerä ïru reta ndive. Ërei metei ara omboɨpɨ oyemboe Biblia re. Jae jei: “Yepe tëi akɨɨye reve, amboɨpi chemiari ïru reta ndive ayemboe vae re. Oasa vae chemopɨakañɨ, echa jókuae chemomɨ̈rata jare oike chepɨa pe Biblia omboe vae”.
4. Nemiari respeto reve
Remoërakua yave ïru reta pe, ani eyemongeta mbae rereta chupe vae reño, eyemongeta vi kërai rereta chupe vae. Pemongeta 2 Timoteo 2:24 jare Tito 3:2, jare peyemongeta jese:
¿Kërai ndepuere reyapo kuae versículo reta jei vae, nemiari yave ïru reta ndive Biblia re?
Ipuere ko nerëtara jare neamigo reta mbaetɨ omboyerovia reyapo reï vae. ¿Mbae pa reyapota? ¿Jare mbae pa agüɨyeta reyapo?
¿Mbae pa má ikavi, nemiari respeto reve ani rere chupe yave mbae güɨrovia vaerä?
5. Ñanemiari yave ñee ikavi vae re yandemboyerovia
Jehová oyókuai Jesús omoërakua vaerä ñee ikavi vae. ¿Mbae pa oyemongeta Jesús kuae mbaravɨkɨ re? Pemongeta Juan 4:34 jare peyemongeta jese:
Yakaru kavi yave ñanemomɨ̈rata jare yandemboyerovia. ¿Maera pa Jesús jei yayapo yave Tumpa jemimbota, ñamoërakua ñee ikavi vae, tembíu rami ko?
¿Kërai pa ipuere ndemboyerovia nemiari yave ñee ikavi vae?
Reyapo vaerä
Yemboatɨ semana mbɨte pe, emae kërai ndepuere remboɨpɨ reyemongeta vaerä ïru reta ndive.
Eyemongeta ndemboe vae ndive renoi vaerä asignación yemboatɨ pe. Jókuae ndemborɨta nemiari kavi vaerä ïru reta ndive reyemboe vae re.
Eiporu sección “Amogüe reta jei vae” jare “Amogüe reta oparandu vae” kuae yemboe pe reikuaa vaerä kërai ndepuere remboyevɨ amogüe marandu reta oime vae jare mbae ndepuere rere ïru reta mbaetɨ omopiensa nde rami.
AMOGÜE RETA OPARANDU VAE: “¿Kërai pa reiko? ¿Mbae pa reyapo kuae semana?”.
¿Kërai pa ndepuere remboyevɨ remombeu vaerä reyemboe vae Biblia re?
YAYEMBOE MA VAE
Ñanemiari yave ñee ikavi vae re yandemboyerovia, jare yamboɨpɨ vaerä ñanemiari jese mbaetɨ ko yavai ñamoërakua vaerä.
Emoësaka
¿Mbae pa nemokɨ̈reɨ remoërakua vaerä ñee ikavi vae?
¿Kërai pa remoërakuata respeto reve?
¿Mbae pa reyapota remoërakua vaerä kɨɨye mbae reve?
EEKA KUAE
Vea cuatro maneras sencillas de predicar usando la tarjeta de contacto de jw.org.
Ideas para presentar la tarjeta de contacto de jw.org (1:43)
Conozca cuatro cualidades que pueden ayudarle a hablar de las buenas noticias.
“¿Está usted dispuesto a ser pescador de hombres?” (La Atalaya, septiembre de 2020)
Descubra un relato de la Biblia que nos ayuda a tener el valor de predicar aunque seamos muy jóvenes.
Lea cómo puede hablar de la Biblia con familiares suyos que todavía no conocen a Jehová.
“Cómo llegarles al corazón a familiares no creyentes” (La Atalaya, 15 de marzo de 2014)