YEMBOE 34
¿Kërai pa yandepuere yaechauka Jehová pe yaaɨu vae?
¿Ndemborɨ pa reyemboe vae Biblia reyemboya katu vaerä Jehová re? ¿Reipota pa jekuaeño nemomɨ̈rata ndeamistad Jehová ndive? Jökorai yave, Jehová oecha nde reaɨu vae má nderaɨuta ko jare oyangarekota nderé. ¿Kërai pa reechaukata reaɨu vae Jehová?
1. ¿Kërai pa yaechauka Jehová pe yaaɨu vae?
Yaechauka mboroaɨu Jehová pe ñaneñeereendu yave (emongeta 1 Juan 5:3). Jae oipota ñaneñeereendu chupe yaaɨu ramo, jáeramo omaeño metei ñavo yaiparavo ñaneñeereendu vaerä ani mbaetɨ. ¿Maera pa? Echa Jehová oipota yayapo jae “jei vae” yandepɨa reve (Romanos 6:17). Sección 3 jare 4 kuae tembikuatía pegua ndemborɨta kërai reechauka vaerä ndeporoaɨu Jehová pe, reyapota ikavi vae chupeguarä jare reröɨro ikaviä vae.
2. ¿Maera pa ámope yavai yaechauka vaerä yandeporoaɨu Jehová pe?
“Jupi vae, jeta yae ko iyemoambeko reta” (Salmo 34:19). Opaete yaasa yemboavai reta rupi ipuere ko korepoti re, mbaerasɨ reta, ani ïru mbaembae reta re jaenunga vi yayavɨ yave. Yaasa yemboavai reta rupi ipuere ko yavai ñaneñeereendu vaerä Jehová pe. Ërei, reñemomɨ̈rata yave reyapo vaerä Jehová jei vae yepe tëi reiporara yave, reechauka reaɨu vae jare Jehová nderaɨuta ko jare oyangarekota nderé (emongeta Salmo 4:3).
YAIKUAA KATU VAERÄ
Yaecha maera pa Jehová pe ikavi ete yayapo vaerä jae jei vae jare mbae pa yandemborɨta ñaneñeereendu vaerä yandepɨa reve.
3. Aña guasu ndemboeko vae
Tembikuatía Job omombeu rami, Satanás omboeko Job jare opaete kia reta oipota oyeokuai vae Jehová pe. Pemongeta Job 1:1 jare 1:6-2:10, jare peyemongeta jese:
Satanás jei rami, ¿maera pa Job iñeereendu Jehová pe? (Pemae Job 1:9-11).
¿Mbae re pa Satanás omboeko opaete kia reta, jaenunga vi nde? (Pemae Job 2:4).
Pemongeta Job 23:11, 12 jare peyemongeta jese:
¿Kërai pa Job oechauka añetete oaɨu vae Jehová?
Iñeereendu ramo ipɨa reve, Job oechauka oaɨu Jehová.
Ñaneñeereendu ramo yandepɨa reve, yaechauka yaaɨu Jehová.
4. Emboyerovia Jehová
Pemongeta Proverbios 27:11 jare peyemongeta jese:
¿Kërai pa Jehová oñemosiente neñeereendu yave jare reiparavo kavi, mbae reyapo vae? ¿Maera pa?
5. Ndepuere reiko jupi rupi reaɨu ramo Jehová
Yandeporoaɨu Jehová re ñanemokɨ̈reɨ ñanemiari vaerä ïru reta pe jesegua. Yaiko jupi rupi yaaɨu ramo Jehová ñaneñeereenduta ko yepe tëi ámope yavai. Pemae VIDEO re jare peyemongeta jese:
¿Yavai pa ndeve nemiari vaerä ïru reta pe Jehová regua?
Video pe yaecha rami, ¿mbae pa omborɨ Grayson imiari vaerä Jehová re kɨɨyembae reve?
Yaaɨu yave Jehová oaɨu vae jare ñaröɨro jae güɨröɨro vae, mbaetɨ ko yavai ñaneñeereendu vaerä yandepɨa reve Jehová pe. Pemongeta Salmo 97:10 jare peyemongeta jese:
Reyemboe ramboeve Biblia re, ¿reecha pa amogüe mbaembae Jehová oaɨu vae? ¿Mbae pa Jehová güɨröɨro vae?
¿Mbae pa ndemborɨta reaɨu vaerä ikavi vae jare reröɨro ikavimbae vae?
6. Ikavi ko yandeve ñaneñeereendu Jehová
Ikavi ko ñaneñeereendu avei Jehová. Pemongeta Isaías 48:17, 18 jare peyemongeta jese:
¿Rerovia pa Jehová añete oikuaa mbae pa ikavi yandeve vae? ¿Maera pa remopiensa körai?
¿Kërai pa ndemborɨ reyemboe vae Biblia jare reikuaa Jehová, jae ko Tumpa añetete vae?
AMOGÜE RETA JEI VAE: “¿Añete pa chepuere amboyerovia Tumpa ayapo vae rupi?”.
¿Mbae texto Biblia pegua ndepuere reiporu reechauka vaerä yandepuere ko yamboyerovia Tumpa yayapo vae rupi?
YAYEMBOE MA VAE
Reechauka reaɨu vae Jehová neñeereendu yave chupe jare reiko jupi rupi reaɨu ramo yepe tëi ámope yavai.
Emoësaka
¿Mbae pa ndemboe Job oasa vae?
¿Kërai pa reechaukata ndeporoaɨu Jehová re?
¿Mbae pa ndemborɨta neñeereendu avei ndepɨa reve Jehová pe?
EEKA KUAE
Descubra cómo puede ser leal a Jehová y a la congregación.
Conozca más detalles sobre las acusaciones que lanzó Satanás.
Vea que hasta los niños pueden demostrar que quieren a Jehová.
¿Cómo pueden los jóvenes que se enfrentan a la presión de grupo mantenerse leales a Dios?