Kërai pa yamboyerovia Jehová yayemongeta vae rupi

Jehová yandeapo yave, omee yandeve regalo ikavi ete yae vae: yandepuere ñanemiari. ¿Omae ra kërai yaiporu kuae regalo? ¡Jökorai ko! (Emongeta Santiago 1:26). Jayave, ¿kërai pa yandepuere yaiporu kavi ñaneñee yamboyerovia vaerä Jehová?

1. ¿Kërai pa yaiporu kavi kuae regalo Jehová omee yandeve vae?

Biblia jei yandeve: “Peñomoäta ngatu päve jare peñemomɨ̈rata” (1 Tesalonicenses 5:11). ¿Oime pa kia oipota vae rembopɨakatu? ¿Kërai pa ndepuere rembopɨakatu? Ere chupe reaɨu yae ko vae. Ndepuere rere chupe jeko kavi ko vae. ¿Reikuaa pa mbae nunga texto bíblico ipuere ombopɨakatu? Oime jeta reiparavo vaerä. Ërei, kërai remoë neñee vae ipuere ombopɨakatu ani mbaetɨ. Jáeramo, nemiari avei mbɨakatu jare mboroaɨu reve (Proverbios 15:1).

2. ¿Mbae ñee reta pa agüɨyeta oë yandeyuru güi?

Biblia jei: “Agüɨye etei pemoë ñee pɨ̈chɨi vae” (emongeta Efesios 4:29). Jáeramo agüɨyeta ko yaiporu ñee pɨ̈chɨi jare jasɨ katu ombopɨatɨtɨ vae ïru reta. Jaenunga vi, agüɨyeta ko yandendaye pota jare yayemoinge opaño mbaembae pe (emongeta Proverbios 16:28).

3. ¿Mbae pa yandemborɨta ñanemiari kavi vaerä?

Ñee oë yandeyuru güi vae oechauka yandepɨa pe ñanoi vae jare ñamosiente vae (Lucas 6:45). Jáeramo ikavi ko ñamomora yandepɨayemongeta ikavigüe vae, kuae ko mbae jupi vae, ikɨambae vae, opaete mbae ikavi vae, jare mbae yandepuere ñanemiari mboroaɨu reve vae (Filipenses 4:8). Jáeramo, yaiparavo kavita ko entretenimiento jare amigo jeko kavi vae reta (Proverbios 13:20). Jaenunga vi ikavi ko ñamopiensa kavi ñanemiari vaerä. Eyemongeta këraita ra ïru reta pe nde rere vae. Biblia jei: “Oime amogüe, oporoapicha iñee rupi, ërei yarakuaa vae reta iñee, moa rami ko” (Proverbios 12:18).

YAIKUAA KATU VAERÄ

4. Eyeangareko kavi neñee reta re

Opaete ámope yayavɨ ñaneñee rupi (Santiago 3:2). Pemongeta Gálatas 5:22, 23 jare peyemongeta jese:

• Reyangareko vaerä rere vae jare kërai rere vae re, ¿mbae nunga teko kavi reta re pa reyerureta Jehová pe? ¿Kërai pa ndemborɨta kuae teko kavi reta?

Pemongeta 1 Corintios 15:33 jare peyemongeta jese:

• Ndeamigo reta oyemongeta rami jare ndeentretenimiento, ¿ipuere ra nemokɨ̈reɨ reyemongeta vaerä jae reta rami? ¿Kërai pa?

Pemongeta Eclesiastés 3:1, 7 jare peyemongeta jese:

• ¿Kërai yave pa ikavi ñanekïrii ani ñanemiari vaerä?

5. Nemiari kavi ïru reta re

VIDEO: Digamos lo que “sirva para edificar a otros” (4:07)

• Video oechauka rami, kuae hermano imiari kaviä ïru reta re ¿maera pa oipota oipoepɨ iyemongeta?

• ¿Kërai pa oyapo jókuae?

Pemongeta Eclesiastés 7:16 jare peyemongeta jese:

• Yaipota yave ñanemiari kaviä ïru reta re, ¿mbae re pa ñanemaenduata?

Pemongeta Eclesiastés 7:21, 22 jare peyemongeta jese:

• Kia imiari kaviä nderé yave, ¿kuae versículo reta ipuere ra ndemborɨ agüɨye vaerä ndearasɨ? ¿Maera pa?

6. Ndepɨakavi reve nemiari nerëtara reta ndive

VIDEO: El amor y el respeto unen a las familias (3:08)

• ¿Mbae pa ndemborɨta nemiari vaerä mboroaɨu reve nerëtara reta ndive?

Pemongeta Efesios 4:31, 32 jare peyemongeta jese:

• Yaipota yave ñanerëta pe oime mboroaɨu, ¿kërai pa yandepuere ñanemiari?

Jehová omombeu omosiente vae Taɨ Jesús re. Pemongeta Mateo 17:5 jare peyemongeta jese:

• ¿Kërai pa ndepuere reyapo Jehová rami, nemiari yave nerëtara ndive?

YAYEMBOE MA VAE

Ñee reta güɨnoi mbaepuere. Jáeramo ikavi ko ñamopiensa kavi yaeta vae, kërai yave yaeta jare kërai pa yaeta.

Emoësaka

• ¿Kërai pa ndepuere reiporu neñee remborɨ vaerä ïru reta?

• ¿Mbae ñee reta pa agüɨyeta yae?

• ¿Mbae pa yandemborɨta ñanemiari vaerä mboroaɨu jare mbɨakatu reve?

EEKA KUAE

¿Qué nos puede ayudar a hablar de forma positiva?

Desarrollemos la lengua de los sabios (8:09)

Descubra qué puede ayudarle a evitar el lenguaje vulgar.

“¿Qué problema hay en decir malas palabras?” (Artículo de jw.org)

Averigüe lo que puede hacer para no caer en la trampa del chisme.

¡Ponle freno al chisme! (2:36)

Lea cómo ayudó Jehová a un hombre en su lucha por dejar de decir malas palabras.

“Comencé a pensar en el rumbo que estaba tomando mi vida” (La Atalaya, 1 de agosto de 2013)