¿Maera pa yaiporara?

Oasa yave mbaesusere, jeta kia reta oparandu iyeupe “¿Maera pa?”. Yandembopɨakatu Biblia omoësaka vae kuae marandu reta re.

1. ¿Mbae pa oyapo Aña guasu oime vaerä ikavimbae?

Aña guasu oñemopüa Tumpa kotɨ. Jae oipota güɨnoi mbaepuere ɨvɨ pegua reta re, jáeramo omokɨ̈reɨ Adán jare Eva oñemopüa vaerä Tumpa kotɨ. Jae iyapu Eva pe Tumpa re (Génesis 3:1-5). Güɨroviauka Jehová oipotaä omee chupe reta mbae ikavi vae. Jae oipota kia reta güɨrovia yogüɨreko yerovia reve iñeereendúä yave Jehová pe. Aña guasu jei yave Eva pe: “Ngaraa ko pemano”, jökorai omboɨpɨ apu. Biblia jei “jae ko iyapu yae vae, apu iyɨpɨ ko” (Juan 8:44).

2. ¿Mbae pa oiparavo oyapo vaerä Adán jare Eva?

Jehová ipɨakavi yae Adán jare Eva ndive. Jei chupe reta opaete ɨvɨra iagüe ipuere jou, ërei oyókuai metei ɨvɨra iagüe agüɨyeta ko jou (Génesis 2:15-17). Ërei, jae reta oiparavo jou vaerä. Eva “oipɨɨ jókuae ɨvɨra iagüe jare jou”. Javoi, Adán “jou vi jembireko rami” (Génesis 3:6). Echa jae ko iyoambae ipuere tëi oiko sɨmbi rupi kavi, ërei jae reta oiparavo iñeereendúä Tumpa pe. Jare oipotaä Jehová omogobierna jese reta. Jókuae ramo oiporara yae (Génesis 3:16-19).

3. Adán jare Eva jeko pegua ¿mbae pa oasa yande ndive?

Adán jare Eva iñeereendúä Tumpa pe, iyoa ko jare omboasa mbaeyoa iñemuña reta pe. Biblia jei Adán re: “Mbaeyoa oike kuae ɨvɨ pe metei kuimbae rupi. Jare mano oike jókuae mbaeyoa rupi. Jökorai mano ou opaete vae pe. Echa opaete vae iyoa” (Romanos 5:12).

Jayave, ¿maera pa yaiporara? Ámope yaiparavo kaviä ramo, ïru vese pe, amogüe kia reta oiparavo kaviä ramo ani mbaesusere ñaärombae reve jeko pegua (emongeta Eclesiastés 9:11).

YAIKUAA KATU VAERÄ

4. ¿Kia pa oiporarauka yandeve?

Jeta kia reta güɨrovia Tumpa omogobierna ɨvɨ re. ¿Añete pa jókuae? Pemae VIDEO re.

VIDEO: ¿Quién controla el mundo? (1:24)

Pemongeta Santiago 1:13 jare 1 Juan 5:19, jare peyemongeta jese:

• ¿Tumpa jeko pegua pa yaiporara?

5. Aña guasu omogobierna güive oasa vae

VIDEO: ¿Por qué permite Dios el sufrimiento? (fragmento) (3:07)

Pemongeta Génesis 3:1-6 jare peyemongeta jese:

• ¿Mbae apu pa jei Aña guasu? (Pemae versículo 4 jare 5).

• ¿Kërai pa Aña guasu jei Jehová oipotaä omee mbae ikavi vae kia reta pe?

• ¿Kërai pa Aña guasu jei kia reta mbaetɨ ñamonecesita Jehová ñanemogobierna yaiko vaerä yerovia reve?

Pemongeta Eclesiastés 8:9 jare peyemongeta jese:

• ¿Kërai pa yaiko Jehová mbaetɨ ma omogobierna güire ɨvɨ re?

1. Adán jare Eva iyoambae ko oiko yave ɨvɨ ipöra vae pe, ërei oendu Aña guasu jei vae re jare oñemopüa Jehová kotɨ.

2. Iñeereendúä ramo, mbaeyoa jare mano oike ɨvɨ pe.

3. Jehová omboaita mbaeyoa, mbaeporara jare mano. Opaete kia reta yogüɨrekota ɨvɨ ipöra vae pe iyoambae reve.

6. Jehová pe jasɨ katu yaiporara yave

¿Oyemoambeko ra Jehová yaiporara yave? Emae mburuvicha guasu David jare apóstol Pedro oikuatía vae. Pemongeta Salmo 31:7 jare 1 Pedro 5:7, jare peyemongeta jese:

• ¿Kërai pa ndeve reikuaa yave Jehová pe jasɨ katu yaiporara yave?

YAYEMBOE MA VAE

Aña guasu, Adán jare Eva jeko pegua ko oime jeta mbaeporara ɨvɨ pe. Jehová pe jasɨ katu yaiporara vae jare michiño ma oata omboai vaerä mbaeporara reta.

Emoësaka

• ¿Mbae apu pa jei Aña guasu Eva pe?

• Adán jare Eva jeko pegua ¿mbae pa oasa yande ndive?

• ¿Kërai pa yaikuaa Jehová pe jasɨ yaiporara yave?

EEKA KUAE

Conozca la definición que da la Biblia del pecado.

“¿Qué es el pecado?” (Artículo de jw.org)

Lea más acerca de la cuestión que hizo surgir Satanás en el jardín de Edén.

“¿Por qué permite Dios el sufrimiento?” (La Atalaya, 1 de enero de 2014)

Encuentre una explicación que nos consuela y que responde a una pregunta difícil.

“¿Por qué sucedió el Holocausto judío? ¿Por qué Dios no lo impidió?” (Artículo de jw.org)

Vea lo que aprendió un hombre que vivía rodeado de sufrimiento.

Ya no estoy solo (5:09)