¿Kërai pa ndepuere reyekou kavi remongeta yave Biblia?

¿Ndekangɨ pa reï reyemongeta yave kërai reyapo vaerä metei mbaravɨkɨ tuicha yae vae? Agüɨye vaerä yavai ndeve güɨramoi reyapota mbegüe mbegüe pe. Jaeramiño vi ko yamongeta yave Biblia. Güɨramoi reparandu ndeyeupe: “¿Kia rupi pa amboɨpita?”. Kuae yemboe pe yaechata amogüe yemboarakuaa reta yandemborɨta vae yayekou kavi vaerä yamongeta yave Biblia.

1. ¿Maera pa ikavi ete yamongeta vaerä Biblia ara ñavo?

Kia omongeta yave Biblia ara ñavo, ani “yandeYa [Jehová] iporookuai”, oikota yerovia katu reve (emongeta Salmo 1:1-3). Ndepuere remongeta michi mi ara pe. Má reikuaa yave Tumpa iñee re má reyerovia katuta remongeta yave.

2. ¿Mbae pa ndemborɨta reyekou kavi vaerä remongeta yave Biblia?

Yayekou kavi vaerä yamongeta yave Biblia yayepɨayemongetata ko yamongeta vae re. Biblia mbaetɨ ko remongetaiñota, jaenunga vi “eyemongeta [ani eyepɨayemongeta] jese” (Josué 1:8). Remongeta yave eparandu ndeyeupe: “¿Mbae pa chemboe Jehová re kuae versículo reta? ¿Mbae pa ayapota chemborɨ vaerä? ¿Kërai pa aiporuta amborɨ vaerä ïru reta?”.

3. ¿Kërai pa reekɨta tiempo remongeta vaerä Biblia?

¿Yavai pa ndeve remongeta vaerä Biblia? Jeta kia reta pe jökoraiño vi. Jáeramo eiporu “kavi ara reta” (Efesios 5:16). Ndepuere reiparavo kavi kërai remongetata Biblia. Amogüe reta omongeta ndeimbove yave. Ïru reta ikavi omongeta kaaru yave. Jare amogüe reta omongeta pɨ̈tu yave ndei oke mbove. ¿Kërai yave pa ikavi ndeveguarä?

YAIKUAA KATU VAERÄ

4. Reyekou kavita ko remongeta yave Biblia

Güɨramoi yavai ko ndeve remboɨpɨ vaerä remongeta Biblia. Ërei, mbegüe mbegüe pe jëe ngatuta ko ndeve tembíu ipɨau vae rami, jaeramiño vi ñanekɨ̈reɨta yamongeta vaerä Biblia. Pemongeta 1 Pedro 2:2 jare peyemongeta jese:

• Remongeta yave Biblia ara ñavo ikavita ko ndeveguarä, ¿reipota pa má remongeta?

Pemae VIDEO re peikuaa vaerä amogüe taɨrusu vae reta oyemboe vae oyerovia katu reve omongeta Biblia. Javoi peyemongeta jese:

VIDEO: Jóvenes que han aprendido a amar la Palabra de Dios (5:33)

• ¿Mbae yemboavai reta pa omoamɨri jókuae taɨrusu vae reta video pe yaecha vae?

• ¿Mbae pa omborɨ agüɨye vaerä ikangɨ?

• ¿Mbae pa oyapo taɨrusu vae reta oipota yae omongeta vaerä Biblia?

Yemboarakuaa reta yamboɨpɨ vaerä:

• Eiparavo metei traducción rerovia katu jese vae jare oiporu vae ñee reta añave rupigua. Emae Traducción del Nuevo Mundo oime yave neñee pe.

• Emboɨpɨ emongeta ndeveguarä ikavi vae. Reväeta “Eikuaa kërai ndepuere remboɨpɨ remongeta Biblia”.

• Eikuatía remongeta vae. Eiporu “Aikuatía amongeta ma vae”, oime vae kuae ñeerɨru pe.

• Eiporu JW Library^®. Renoi yave ndecelular ani computadora pe, ndepuere remongeta jare reendu Biblia reipota yave.

• Eiporu secciones adicionales de la Traducción del Nuevo Mundo. Joko pe reväeta mapa reta, tabla reta jare metei glosario má reipota yae remongeta vaerä Biblia.

5. Eyupavo kavi reyemboe vaerä

Pemongeta Salmo 119:34 jare peyemongeta jese:

• ¿Maera pa jaekavi ko reyerure ndei remongeta mbove Biblia ani reyupavo kavi reyemboe vaerä?

¿Kërai pa ndepuere reyekou kavi reyemboe yave? Ndepuere reyapo kuae:

1. Emongeta párrafo reta yemboe iyɨpɨ pe oï vae.

2. Eeka texto reta Biblia pe, emongeta jare eyepɨayemongeta jese.

3. Emomarca ñee reta omboyevɨ vae marandu reta. Jókuae ndemborɨta reyemboe yave ndemboe vae ndive.

¿Reikuaa pa?

Testigo de Jehová reta roiporu vi Biblia ïru traducción reta, ërei má roiporu Traducción del Nuevo Mundo echa omoësaka kavi jare oiporu Tumpa jee (emae kuae yemboe jw.org pe: “¿Tienen los testigos de Jehová su propia Biblia?”).

YAYEMBOE MA VAE

Reyekou kavi vaerä Biblia jei vae re, eiparavo kërai yave pa remongetata, eyerure Tumpa pe reikuaa vaerä remongeta vae jare eyupavo kavi reyemboe vaerä.

Emoësaka

• ¿Mbae pa ndemborɨta reyekou kavi reyemboe yave Biblia re?

• ¿Kërai yave pa ndepuere remongeta jare reyemboe Biblia re?

• ¿Maera pa jaekavi reyupavo ndei reyemboe mbove?

EEKA KUAE

Repase algunas ideas que podrían ayudarle a sacarle el jugo a su lectura de la Biblia.

“Disfrute leyendo la Biblia” (La Atalaya, núm. 1 2017)

Descubra tres maneras de leer la Biblia.

“¿Cómo puede ayudarme la Biblia? Primera parte: Busca tesoros en la Biblia” (Artículo de jw.org)

Vea cómo disfrutar leyendo la Biblia.

“¿Cómo puede ayudarme la Biblia? Segunda parte: Aprende a disfrutar la lectura de la Biblia” (Artículo de jw.org)

Vea las ideas que dan algunas personas que llevan tiempo leyendo la Biblia.

Cómo estudiar la Biblia y sacarle provecho (2:06)