¿Nde jae ma pa reï reyembobautisa vaerä?

Reyemboe ramboeve Biblia re, nde reikuaa ma Jehová. Jare ipuere ko reipoepɨ ma nderekove reyapo vaerä Biblia jei vae. Ërei güɨramoi oime amogüe mbae ndemboavai vae remee vaerä nderekove Jehová pe jare reyembobautisa. Kuae yemboe pe yaechata kërai Biblia omborɨ ma oyemboe vae reta omoamɨri vaerä iyemboavai jare oyembobautisa. Jaenunga vi ndemborɨta remoamɨri vaerä ndemboavai vae.

1. ¿Mbae pa reikuaata ko Biblia re ndei reyembobautisa mbove?

Reyembobautisa vaerä, ikavi ete ko reikuaa “kavi añete vae” (1 Timoteo 2:4). Ërei mbaetɨ oipota jei ndei reyembobautisa mbove reikuaata opaete mbaembae Biblia re. Echa cristiano reta ɨma ma oyembobautisa vae jekuaeñota ko oyemboe (Colosenses 1:9, 10). Ërei oime amogüe yemboe Biblia pe: tenonde ete reyemboe vaerä vae. Nde reyemongeta yave mbaetɨ reikuaa katu Biblia re anciano reta ndemborɨta reikuaa vaerä jae ma pa reï reyembobautisa vaerä.

2. ¿Mbae pa reyapota ndei reyembobautisa mbove?

Biblia jei: “Peeya peyemongeta ikavimbae vae pepɨa pe penoi vae jare peyerova Tumpa kotɨ” (emongeta Hechos 3:19). Kuae ko reyapota ndei reyembobautisa mbove. ¿Kërai pa jókuae? Nde ndepɨatɨtɨ yae yave oipotagüe mbaeyoa reyapo vae re jare reiporu Jehová pe iñɨ̈ro vaerä ndeve. Jaeramiño vi reeya ndereko kavimbae vae reta jare reiparavo reiko vaerä Tumpa oipota rami. Jaenunga vi, reo ñoi ma yemboatɨ reta pe jare remoërakua ñee ikavi vae congregación ndive.

3. ¿Maera pa agüɨyeta rekɨɨye reyembobautisa vaerä?

Amogüe reta okɨɨye echa oyemongeta ámope ipuereä oyapo Jehová oipota vae. Yepe tëi ámope ipuere ko reyavɨ, kuimbae jare kuña reta Biblia pe oime vae oyapo rami. Eñemomaendúa Jehová mbaetɨ ko oäro jembiokuai reta oiko vaerä iyoambae vae (emongeta Salmo 103:13, 14). Jae oyeroviata ko reñemomɨ̈rata yave reyapo vaerä jae oipota vae. Jare, Jehová ndemborɨta vi. Echa jae jei, mbae ave “ngaraa ipuere yandembosɨrɨ Tumpa iporoaɨu güi” (emongeta Romanos 8:38, 39).

YAIKUAA KATU VAERÄ

4. Eikuaa katu Jehová

¿Reikuaa katu yaeta ra Jehová re ndei reyembobautisa mbove? Nde remonecesita reikuaa Jehová reaɨu vaerä jare reyapo jae oipota vae. Pemae VIDEO re peikuaa vaerä kërai oyapo jókuae Biblia re oyemboe vae reta opaete ɨvɨ rupi. Javoi peyemongeta jese:

VIDEO: El camino al bautismo (3:56)

• Yaecha rami video pe, ¿mbae pa omborɨ amogüe reta pe jae ma oï oyembobautisa vaerä?

Pemongeta Romanos 12:2 jare peyemongeta jese:

• ¿Rerovia katuä pa amogüe mbae Biblia omboe vae re? ¿Rerovia pa testigos de Jehová omboe vae jae ko añete vae?

• Rerovia katuä yave, ¿mbae pa reyapota?

5. Emoamɨri oipotagüe yemboavai reta

Opaete vae ñanoi yemboavai reta yaiparavo yave ñamee yanderekove Jehová pe jare yayembobautisa. Peikuaa vaerä metei ejemplo, pemae VIDEO re. Javoi peyemongeta jese:

VIDEO: El amor por Jehová supera los obstáculos (5:22)

• ¿Mbae yemboavai reta pa omoamɨri Narangerel oyeokuai vaerä Jehová pe?

• ¿Kërai pa omborɨ iporoaɨu Jehová re omoamɨri vaerä iyemboavai reta?

Pemongeta Proverbios 29:25 jare 2 Timoteo 1:7, jare peyemongeta jese:

• ¿Kia pa omee yandeve mɨ̈rata ñamoamɨri vaerä yemboavai reta?

6. Erovia katu Jehová ndemborɨta ko

Jehová ndemborɨta reyapo vaerä jae oipota vae. Pemae VIDEO re jare peyemongeta jese:

VIDEO: Jehová te ayudará (2:50)

• ¿Maera pa okɨɨye oyembobautisa vaerä jókuae kuimbae video pegua?

• ¿Mbae pa omborɨ güɨrovia katu vaerä Jehová re?

Pemongeta Isaías 41:10, 13 jare peyemongeta jese:

• ¿Maera pa rerovia katu ndepuere ko remee nderekove Jehová pe remopromete rami?

7. Emomɨ̈rata ndegratitud Jehová iporoaɨu re

Reyepɨayemongeta yave Jehová täta nderaɨu, reipota yae remee chupe yasoropai jare reyeokuai chupe jekuae avei pegua. Pemongeta Salmo 40:5 jare peyemongeta jese:

• Opaete mbaembae Jehová omee ndeve vae güi, ¿mbae pa má ikavi ete?

Profeta Jeremías oaɨu Jehová jare iñee, jare ikavi yae chupe oyeokuai Jehová pe vae. Jae jei: “Neñee reta; jae ko chembopɨakatu vae jare chemboyerovia vae, echa che ndembae ko, cheYa Tumpa [Jehová]” (Jeremías 15:16). Añave emboresponde kuae marandu reta:

• ¿Maera pa ikavi ete reiko testigo de Jehová?

• ¿Nde reipota pa reyembobautisa reiko vaerä testigo de Jehová?

• ¿Oime pa amogüe mbae ndemboavai vae?

• ¿Mbae pa reyapota ndepuere vaerä reyembobautisa?

YAYEMBOE MA VAE

Jehová iyemborɨ rupi, ndepuere remoamɨri oipotagüe mbae ndemboavai vae reyembobautisa vaerä.

Emoësaka

• ¿Mbae pa reikuaata ko Biblia re reyembobautisa vaerä?

• ¿Mbae pa reyapota ndei reyembobautisa mbove?

• ¿Maera pa agüɨyeta rekɨɨye reyembobautisa vaerä?

EEKA KUAE

Analice en qué debe basarse su decisión de bautizarse.

“¿Está usted listo para bautizarse?” (La Atalaya, marzo de 2020)

Descubra cómo vencer algunos obstáculos que tal vez lo estén frenando.

“¿Qué me impide bautizarme?” (La Atalaya, marzo de 2019)

Vea cómo un hombre logró superar grandes obstáculos para bautizarse.

¿Por qué está retrasando su bautismo? (1:10)

Al principio, un hombre llamado Ataa dudaba si debía bautizarse. Averigüe qué lo convenció de dar este paso tan importante.

No sé si me lo merezco (7:21)