YEMBOE 58
Aguɨyeta ko mbae ave ndembosɨrɨ Jehová güi
Cristiano añetete vae reta mbaetɨ omaeño mbae ani kia ave oyopia omboete vaerä Jehová. Roikuaa kavi nde jökorai vi ko reñemosiente, jare Jehová oyerovia katu jókuae re (emongeta 1 Crónicas 28:9). ¿Mbae pa ipuere ndemboavai jupi reiko vaerä Tumpa pe? Jare ¿mbae pa reyapota remoamɨri vaerä?
1. ¿Mbaembae oyapo ïru vae reta pa ipuere yandemboavai yaiko vaerä jupi Jehová pe?
Amogüe reta ñanemokɨ̈reɨ agüɨye mo yayeokuai vaerä Jehová pe. ¿Kia pa ipuere oyapo jókuae? Amogüe reta oyembosɨrɨ añetete vae güi jare añave oyemongeta apu reta Tumpa iorganización kotɨ agüɨye mo yaporogüɨrovia vaerä. Kuae reta ko apóstata. Oime vi amogüe religión ombotenonde vae reta omoai mbae apu reta yande kotɨ, iyarakuaa katumbae vae reta oyembosɨrɨ vaerä añete vae güi. Ikaviä ko yayoaka vaerä Tumpa jembiokuai jovaicho reta ndive, yamongeta ikuatiarɨru reta ani internet rupi oechauka vae. Jesús jei kuae reta re: “Pemaeño jese reta. Echa jae reta jesambae vae oipoko ïru jesambae vae rami ko. Jare jesambae vae päve oyopoko yave, mókoi reve oa retata ɨvɨkua pe” (Mateo 15:14).
2. ¿Mbae yaiparavo yayapo vae pa ipuere omboavai jupi yaiko vaerä Jehová pe?
Yaaɨu ramo Jehová, yaipotaä mbae ave re yayea religión apu ndive. Yandembaravɨkɨ, organización yaiko vae pe ani yayapo vae ngaraa ko oyea religión apu ndive. Jehová jei jembiokuai reta pe: “Peë joko güi”, Babilonia Guasu güi (Apocalipsis 18:2, 4).
YAIKUAA KATU VAERÄ
Eyemboe mbae ndepuere reyapo agüɨye vaerä kia ave nemoamɨri reiko vaerä jupi Jehová pe. Jare maera pa yayembosɨrɨ Babilonia Guasu güi yave oechauka jupi ko yaiko Jehová pe.
3. Eyeangareko añetetembae omboe vae reta güi
¿Mbae pa yayapota yaendu yave yemongeta ikaviä vae Jehová iorganización re? Pemongeta Proverbios 14:15 jare peyemongeta jese:
¿Maera pa yandearakuaa kavita jare aguɨyeta yarovia opaete yaendu vae?
Pemongeta 2 Juan 9-11 jare peyemongeta jese:
¿Maera pa aguɨyeta ko ñañemoïru apóstata reta ndive?
Yepe tëi mbaetɨ ñañemoïru apóstata reta ndive, ¿kërai pa ipuere yandembojopa iyemongeta reta?
Yayeapɨsaka katu yave yemongeta reta ikaviä vae Jehová ani iorganización kotɨ ¿këraita ra jae oñemosiente?
4. Eiko jupi Jehová pe metei hermano oyapo yave mbaeyoa
Yaikuaa metei kia congregación pegua oyapo yave mbaeyoa tuicha vae ¿mbae pa yayapota? Yaecha metei principio Tumpa iporookuai reta pe omee vae Israel pegua reta pe. Pemongeta Levítico 5:1.
Omombeu rami kuae versículo, yaikuaa yave kia oyapo mbaeyoa tuicha vae yamombeuta ko anciano reta pe. Ërei, tenonde ñamokɨ̈reɨta ko mbaeyoa tuicha oyapo vae imiari vaerä anciano reta ndive omombeu vaerä oyapo vae. Ërei, mbaetɨ oipota omombeu yave, yande yaipota yaiko jupi Jehová pe ramo, yamombeuta ko anciano reta pe. Kuae yayapo yave, ¿kërai pa yaechauka mboroaɨu jare jupi…
... Jehová pe?
... kia mbaeyoa tuicha oyapo vae pe?
... opaete congregación pegua reta pe?
Metei hermano oyavɨ yave, ¡emborɨ!
5. Eyembosɨri Babilonia Guasu güi
Pemongeta Lucas 4:8 jare Apocalipsis 18:4, 5, jare peyemongeta kuae marandu reta re:
¿Jekuaeño pa oyekuatía oï cheree amogüe religión raanga reta pe?
¿Aiko pa amogüe organización pe oyea vae religión raanga ndive?
¿Omborɨ pa cheparavɨkɨ religión raanga?
¿Oime pa ïru mbae ayapota vae ayembosɨrɨ vaerä religión raanga reta güi?
Ayapo yave amogüe mbae jei kuae marandu reta pe vae ¿mbae pa ayapota?
Eyapo ndemboyerovia vae jare eechauka jupi reiko Jehová pe vae.
¿Mbae pa reyapota metei kia oiporu yave remborɨ vaerä organización omborɨ ïru kia reta vae jare oyea religión raanga ndive?
AMOGÜE RETA JEI VAE: “Ërei, mbaetɨ aikuaa yave apóstata reta jei vae testigos de Jehová re ¿kërai pa chepuereta aepɨ añete vae?
¿Ikavi ra jókuae? ¿Maera pa?
YAYEMBOE MA VAE
Yaipota yave yaiko jupi Jehová pe, aguɨyeta ko ñañemoïru kia reta oipota yandembotavɨ vae reta ndive.
Emoësaka
¿Maera pa agüɨyeta ko yayeapɨsaka apóstata reta jei vae?
¿Mbae pa yayapota yaikuaa metei hermano oyapo yave mbaeyoa ikaviä etei vae?
¿Mbae pa yayapota ñaneñeereendu vaerä mborookuai jei vae yayembosɨri religión raanga reta güi?
EEKA KUAE
Descubra qué hacer cuando otros difunden información falsa sobre los testigos de Jehová.
¿Cómo puede saber si una organización o actividad apoya a Babilonia la Grande?
¿Qué han hecho algunos enemigos de la verdad con la intención de debilitar nuestra fe?
En la biografía “Había buscado a Dios desde niño”, lea cómo un sacerdote sintoísta dejó la religión falsa.
“La Biblia les cambió la vida” (La Atalaya, 1 de julio de 2011)