PØLPASRØPYU KENAMARIK | ¿CHINCHA ØSIK UÑCHAP?
1 Mur kualømmerape puraintrun
“Chiyutøgucha chine chine pui melamig nebuingucha, ke truyutø tambal ambagucha warømer. Ke kan chindamermab isumig pui meløbendø, yandø ke kaimamuitamappe isuiløgucha melømer” (2 Corintios 4:8).
Møiløpe isupelø køn, mur kualømmera puraintraimpe nømasiktø nømui øsik amønaikwan ketramik kui. Mur kualømmera puraimøntraitamap isuinkucha, manakøpen chi isumø køpen puraipik køn.
Inchen mur kualømmera malla puraimup lataik inchene, tsøntatø ka muniramik køn. Jesús tap wammera ketøppe trentaik køn: “Srøna kwalømweyigwane chi isumøtay. Kaguende srøna kwalømweyigwane srøna isumig nøørø køn. Kaguende kwalømmørig chi pub arrubiitø tsabø køn isumibe” (Mateo 6:34).
Inchippa ñipe mur kuantrø tøkakuikkutri, kasharainuk tap kømui unikkutri, kan yawik kuaikkutri kape chikøpen trømpøik pui mekaikkutri, ¿chi purukuntrera?
Ñipe tørtø tøkakømik køn, chishtø ñitøpe tamartrap kaimantrap kui, inchentø isumik køn chiwan nepua maramtik kui, treekwan isupene tapik attrapikwan munirantrun (Proverbios 15:15). Treekkutri, ñipe nepua ashchun chikøpen tapik nepua maramtik kui tru kuantrap isumøtø. Trupe, trømpøik pupikwan newan tamartrap kaimainkucha, trupurap maik isuikwane sí yunømaramtik køntrun (Job 2:10).
IKWAN ISU: Chikøpen trømpøik pupikpe latrø mur kui mørørapene lamø lamø tamartrap inchi, kakentø kan tunsrø nepamtramma tsøntatø nepamtrun.
CHI NEPUA MARAMTIK: Kan yawikpa kape kan tap linchipikpa ñun chi purep pasraikwan waminchi, inchippa nømpe ñun purukuntrun chi nepua maramtik kuikwan asamik (Proverbios 11:14).