PØLPASRØPYU KENAMARIK | ¿CHINCHA ØSIK UÑCHAP?
2 Ñun nu purukuntrun
“Ñim chigøben truba isub tøga pønrrailane Tiuswandø pønsray. Kaguende nøbe ñimuimburab tab kønrrai isua martrab wabig køn” (1 Pedro 5:7).
Inchippape ñipe kuapentøwai kalø pupikpe pinøntrap kui isupsruintrun. Inchentø, mentra isumøta, ñipe purukuikwan utøntrun.
Tiuspa wamintik. Tiuspa wamintikpe tap mørøramiktø kømøtø, tapik puntrai purukupiktø kømøwain køn, yantø chi maramkeik lataik køpen purukuntrapiktø kømøwain køn, masken ñi oración marene Tiuspa waminchun, nøpe ñuinuk isupik køn. Chi purep pasrailan nøpe eshkantrai munirapik køn. Bibliape trenchipik køn: “Ñui kuatsik nika pasraikwan Jeupawantø tran, nøpe peñmøntrai purukuntrun cha” (Salmo 55:22).
Mentra muniramøtø, møi møi Tiuswan purukutra cha ñiken miau. Nui munchin wamø Jeupa cha, incha ñui mantraukutri ke eshkau (Salmo 62:8). Jeupa ñui tap linchipik latawai kui nepua ashchai isun (Isaías 55:6; Santiago 2:23). Jeupapa chu urastøkucha, ñi chukøpen uniksrø nøpa wamintamtik køntrun.
Fundación Americana para la Prevención del Suicidio trentaik køn: “Nøtrø kusrepeløpe kenamarik køn, tru nømui øsik amønaikwan ketrapeløpe 90%pe nømui isupiku kuantrø tøkar kui. Inchentø møiløpe kuantrø tøkar kui nepua ashmøwai, médicoiksrømay anmøwai kape purukuikwan utøntrap inchimelø kui”.
Misakmera ñun untarapelø køn. Ñui yaweløpa, tap linchipeløpa ñun purukuntrap isupelø køn. Trektøwai, misakmera ñun nepua ashmeelø kuintøkucha, ñuimpurap tap køntrai isupeløkucha køn. Jeupawaiwan waminchipeløma, Tiuswaimpurap kusrenanøp ampinuk misakmera latrø isui putrapelan purukuntrap isupelø køn. Møiløma trenchipelø køn, latrø isui putrøwa nømui øsik amønaikwan ketrantrap isuik køncha. Jeupawaiwan waminchipeløma, yamørik ampupelø kuikkutri nu purukupelø køn. Cristo latawai misakmerainuk isupelø kua ñuimpurapkucha isupelø køn (Juan 13:35).
Doctoresmerai purukuikwan lau. Nømui øsik amønaikwan nømasiktøwai ketrantrap isuikpe, tru nømui isupiku kuantrøkutrin køn. Por ejemplo, pulø trikmay depresión taik. Tru kuantrø tøkaik kuape kørimatømøta, kakentø asru kuantrø wepatrup lataitøwain køn. Depresiónpe “isupiku pullin wepatrup” lataitøwain køn, munkøpenwan wepatrupik køn, inchentø mø maramtik køn.a
IKWAN ISU: Depresiónpe latrø umpu trapyu kepeña waik lataik køn, natøpe wepatrumkeik inchentø mukøpen purukupene wepatrumtik køn.
CHI NEPUA MARAMTIK: Kan doctor isupiku kuantrø tøkailan purukupikwan lau.
a Ñui øsik unikwan ketrantrap mentra isupik atrupene purukuikwan lau. Kuantrap isupelan purukupelan celularpurap wamø, kape hospitalyu urgenciasmay intrø. Truyupe ñun purukuntrapelø wetøtrantrun.