Pøñinkauwai kualtsarikmera

PØÑINKAUWAI kualtsarikmerape latrø kullaachik kuikkutri usrø kui, kape lamø pichik peñentø pala amtrap kaimapelø køn, inchentø chu urastøkucha latrø pur chishchik tøkakøpik køn. ¿Chinchakutrin kera?

Ikwan isu: Universidad Ohiosrø nøtrø kusrepelø nepua asik køn, tru pøñinkau morfo azul (Morpho didius) taik, kualtsarikmerape palatø ashene minmera kui, inchentø latrø shush escamasmera tøkaik kui kan teja yamera lataik, kan kan itøwarik trektøwai tru escamasmerape latrø shush trapmera mentawan tøkaik køn, tru usrøpa pipa truwan køtraintrai. Ingenierosmerape pøñinkauwai kualtsarikmera latawai chikøpen martrap isupelø køn, equipos médicos kape máquinasmera palawan usrøpa pipa kepintrapkeilø.

Pøñinkaumerai kualtsarikmerape kenamaran tru científicosmerape maya ushamera mailø kui asha chikøpen trektøwai martrap inchip kui. Nu kusrepik Bharat Bhusha trentaik køn: “Tru yu Pirau chi køpik shushkutri nøtreløsrønkatik køremkeilø pøntrapik kui. Treekkutri, misakmerape ilan asha chikøpentø martrap inchipelø kui”.

¿Chi isuku? ¿Pøñinkauwai kualtsarikmerape evolucionaik kø chintera kape mu marik kø chinta?