Adánpa Evapa Tiuswan mørmuik køn

Kan kualøm, Eva nøtø uñen, kan ul nøpa wamincha paík køn: “¿Tiusbe ñimungan tru ellmarin tulyuigwan ni mø tusryuigwanguen kerriguwan mamønrrain taig kuita?”. Evape trencha løtik køn: “Tulyu pønrrab tusryu mamiimerane ka manrrigay taig køn [inchentø kan tusryuikwane mamøntrai cha, kakentø mapene kuamik puntrun]”. Inchen ulpe trentaik køn: “Ñimpe kuamøntrap køn tru tusryuikwan mapene Tius lataitøwai køntrap køn cha”. ¿Ikpe ciertonik kuik kø chintera? Kak, inchentø Evape kørewa tru tusryuikwan latrø chull mamtik kui asha mape Adánwankucha tranøpik køn. Adánpe Tiuswan mørmupene kuamik puntrap kui nepua ashentø, ka maik køn.

Tru kualømtøwai Jeupape Adánpa Evapa wamincha paík køn, chintimpa nun mørmuikwan, Evape ulwan kemesrøpen Adánpe Evan kemesraik køn. Nøm mørmuikkutri tulyukutri wepusrik køn. Edén tulyu kepampinuk ángelesmerapa kan espada naarapik pasrøpik køn manaken truyu kepammøntrai.

Isa waminchipikwan Jeupape castikantrap kui eshkaik køn, ulpe Evapa waminchimuik køn kakentø Jeupape ulmeran waminchipelø marmuikkutri, kan latrø kaik ángel ulwan wamintinkaruik køn Evan kepenørskøntrap. Ik ángelwan Satanás, kuaimantsik cha wamik køn, srape kualøm pupen Jeupape nun pinishintrun misakmeran más kekøtrøsrkømøntrai.