Jeupawan mørmuik køn

Desiertosrø warøwa Coré, Datán, Abirampa 250 møkeløpa Moiséswan trentaik køn: “Ñui nunek Aarón sumo sacerdote køntraimpa ñi namun metrap pera intraimpape palain pøntrømer, kakentø Jeupape nampakucha pasran cha”. Treek purayaikpe, Jeupawane chiken tap asønamuik køn.

Coréwanpa tru nui misakmeranpa Moiséspe trentaik køn: “Srøna løtsø pørøtsikwan srua tabernáculoyumay amtruntrikay, truyu Jeupa manchitashchap ashchap cha”.

Inchakutri katø løtsø, Corépa 250 møkeløpa sacerdotesmerapa altaryu incienso pattrap srua, Moiséswan ashchap ampik køn. Inchen Jeupape Moiséswanpa Aarónwanpa nømuinukkutri tarømisray taik køn.

Corépe Moisés pasraiksrø tabernáculoyumay ipen, Datánpa, Abirampa nømui yaweløpa ammuikkutri Jeupa israelitasmeran trentaik køn: “Nømui yaukutrimpe tarømisray cha”. Tru urastø, israelitasmera tarømisren Pirø kura umpupurap utrø kepeña mørmø misakmeran nømui yawelanpa chishtø patsøkaik køn. Inchen tabernáculo umpupe Coréwan 250 møkelanpa Jeupa srømpalasrønkutri nak øra chishtø patsøkaik køn.

Inchen møimpe Jeupa trencha karuik køn: “Tru doce tribusyu pera aship pøntrapelai nømui pørøtsikmerayu munchimeran pøra srua amtruik cha. Inchen Levíwainukkutri amtrup misakmerainukkutrimpe Aarónwai munchin pøra, pørøtsikmeran tabernáculo umpu wartrik taik køn incha nø asha wesruikpe u kal-lantrun”.

Katø kualøm ashen, Aarónwai pørøtsikupe umera kal-laik, almendra srønø melsraik køpik køn. Øyamay Jeupa kenamarik køn, Aarónwan wesrua pasrik kui sumo sacerdote køntrai.