KUSRENANIK 59
Pipkatø matsørelø Jeupa maik taikwan møra marøpelø køn
Nabucodonosorpe, Judásrønkutri príncipesmeran Babiloniamay pera ya, rey wainuk karupik Aspenaz munchi taikwan ashchain pasra, príncipes utu más chishelan incha kusrepelan lantrain karuik køn. Ik matsøreløpe pøn pila latrø nu kusrenanikwan utamik kuik køn, Babiloniasrø latrø nøtrø lutø utøntrap. Incha pøram, lem Babiloniasrø wamintik acadio trikmay kusrep, tru rey chi mamik mailantøwai mamik kuik køn. Pipkatø matsøreløpe Daniel, Hananías, Misael, Azarías munchimera kuik køn. Inchentø Aspenazpe munchimeran yunømara, babilonio trikmay øyeek pønsraik køn: Beltsasar, Sadrac, Mesac, Abednegopa. ¿Ik latrø nu kusreikwan utikkutri Jeupawainukkutri tarømisrtrap kuik kø chintera?
Ik pipkatø matsøreløpe Jeupa maik taikwan mørtrap pøntraikkutri, tru reywai mamikmeran mamøntrap intik køn, kakentø Jeupa martrai karuiløyupe øyeek mamikmerane mamøntrai taikkutri. Inchawai, Aspenazwan trencha miaik køn: “Tiusmanta tru reywai mamikmeran mantrai karumøtra cha”. Inchen Aspenazpe trentaik køn: “Ñim tap mamupene kuantrø misrtrun, rey ikwan ashape nan kuetchun cha”.
Danielpe chikøsrøn isua tru aship pasrapikwan trentaik køn: “Tiusmanta diez kualømmera verduraspa, pipatø srøtruntrik, incha katøkan matsørelø tru reywai mamikwan mapeløpa maik køtashchap ashchik cha”. Inchen aship pasrapikpe tap kui asik køn.
Diez kualømmera puraipen, Danielpa nui pønkatø tap linchipeløpa katøkan matsørelø lataiklø kømø, más chishelø køpen, Jeupape nømuimpurø latrø kasrak waik køn, kakentø nun møra marikkutri. Trektøwai Danielwan tru asønailan, piailan chi kui nepua ashchai purukuik køn.
Yantø pøn pilamera puraipen, Aspenazpe matsørelan Nabucodonosorwai metrap pera ipen, nøpe ik matsøreløpa wamincha kuenta penik køn tru Daniel, Ananías, Misael, Azaríaspa katøkan matsørelø lataken kømø más kusrepelø kui. Inchawai nøpa kuallchai lawa wesruikkutri, chikøpen isua maramiku nømun purukutra cha miapik kuik køn. Jeupape nømun más kusrepelø køntrai marik køn, tru reywai magia kusrepelø lataken kømø.
Ik pip matsørelø nømui pirausrø pøntrømuinkucha chu urastøkucha Jeupawan isupelø kuik køn. ¿Ñikucha ñui møskalaim pulu pasrømuinkucha trektøwai isua marøpsruku?
“Ñi unøtiig kuikkurri mugucha kaasiinab pasrønrrab kømøtø, masken ñibe Jesucriston kørebelayasiibe ñi chi wamindiiløyu lata, maig køben kømø, tab isua unigu lata, undag købigwan tøgagúigu lata, ñui isubigwan Jesucristoinug pasra tøgagúigu lata, kaig marmø chishig unigu lata, nømguen ñun asha kusrenrrai megamig køn” (1 Timoteo 4:12).