Kuaimantsik Jesúswan chinchipik køtashchap inchipik køn

Jesús pi umpu ulsrainukkutri espíritu santope mu misak waraimøsrø Jesúswan pera yaik køn. 40 yem kualømmera chikucha mamua, parø kui møren, truyu kuaimantsik puik køn Jesúswan kepenøsrkøntrap. Srøtø trentaik køn: “Isa kømø, tru ñi Tiuswei Nusrkain kuabe, i sruumeran pirri misringaru— cha”. Jesúspe Tiuswai wamyukutri trentaik køn: “Møøbe pirrindøgatø øsig tsumøtø, kerrigu Tiuswei wamdøgagucha tsumig køn”— cha”.

Inchen Kuaimantsikpe Jesúswan templo palasrø pera ya, trentaik køn: “Isa kømø, tru ñi Tiuswei Nusrkain kuabe, pirausrø pørtrau. Kaguende Tiuswei wamyube trenchibig pørig pasran cha: Tiusbe nui ángelesmeran ñun ashchai ørtrun chibig”. Jesúspe katøyu Tiswai wamyukutri trencha løtik køn: “Tiuswei wamwan pørigube treekkucha chibig køn cha: ‘Ñui Señor Tiuswane ke chinchibig køtashchab lataikkucha maramig kømønʼ”.

Srape, Satanáspe Jesúswan kenamarik køn yu Pirau chutøkucha aship karup putrailan, katø nømui chikutrimpunø tapik tørik tøkakuilanpa, incha trentaik køn: “Nape ilan ketrikupa trantrumøn, ñi nan tømpasra adorapene”. Jesúspe trencha løtik køn: “¡Satanás, møi møi iptsu! Kakentø Tiuswai Wamyu pørikupe trenchipik køn Jeupawantø adoramik køn cha”.

Truyukutrimpe Kuaimantsikpe tarømisra ipen, ángelesmera køtraamtrua Jesúswan mamik srøtrik køn. Trukutrimpunøpe, Jeupa maik martrai karuikwan marøp, Tius Nø Aship Karup Waikwaimpurap yu Pirau kusrenanøp mentikkutri, misakmerape Jesús kusrenanilan latrø tap kui asha, nø chu ipen trusrø ampupelø kuik køn.