Jesús srape mamik map purayaik

14 kualøm nisán pøl pupen, israelitasmerape Pascuan marøpelø kuik køn. Tru Egiptosrønkutri wesrua Srø Pirøsrømay Jeupa sruayaikwan isuntrap. 33 pilawai Jesús nøaship karua øriløpa Jerusalénsrø Pascuan marik køn. Pascuan chap maik uras Jesúspe trentaik køn: “Møikkøsrøn yu nampa wapik nan tsalø ashipelainkatø misra, nømun trantrap køtan cha”. Nøaship kusrenanøp karua øriløpe kuarøppape, mu kø cha payen, Jesúspe trenchipik køn: “Na ik pitrim piti traninapik truik køntrun cha”. Pitrim pitin Judás Iscarioten tranen, nøpe nømui utukutri kutrappa iptinchipik køn.

Møimpe Jesús Jeupawan unkua cha, pitriwan pitis mara, nøpa køtrømisrøpelan kanun kanun purøøra trenchipik køn: “Ik pitrikwan may cha, kakentø nai asr lataitøwain køn, tru na ñimuimpurø tranamik”. Trukutri Jeupawan unkua cha, vinon purøøra mutsay chape trenchipik køn: “Ikpe ñim kalø marilan ulø paymø pesannaik køntrai tranik køn, kakentø ñimpe srømpalasrø napa aship karup putrøntrap køn. Pilamørik nan isuntrap ikwan martrikay cha”. Møyankucha pilamørik cierton Cristoi wentautø amøñipeløpe tru kualømtøwai, yantø yem misren, trektøwai marøpelø køn. Tru kualømwane Señorwai Mamik cha wamik køn.

Pascuan chap mapen, møimpe Jesús nøaship karua øriløpe nømasiktø alekiyap mentapelø køn, tru møik más nuik køntrera cha. Inchen Jesúspe trentaik køn: “Tru ñimui utu más nuikpe, más lamik misrøp chikucha kømíik lataik inchip pasramik køn cha”.

Jesúspe katø trentaik køn: “Ñimpe nai trak linchipelø køn, treekkutri nai Møskai nan chi eshkaikwan ñimunkucha eshkar, yanayutø srømpalasrømay intrainchar nai Møskai waiksrømay. Ñimpe yu Pirau køtrømisrtrun, inchen misakmerape tør nepua ashchun ampukutri ikutri ñim untak kenamarene, cierton ñim nai wentautø amøñipelø kui. Na ñimun maik untarapik køpen ñimkucha trektøwai untaray”.

Srapepe Jesús nui Møskawan trencha maik køn, nøaship kusrenanøp pera unilan purukutra, kantø isua ampukutri ikutri purukuyawa pishintø amøñintrain cha. Trektøwai, Jeupawai munchin chish marik køntrai miaik køn. Trukutri mayeløpa Jeupawan kasrak miirap menta, srapepe yantø ampen, lamøtø palaik køn, Jesúswan tru tsalø ashipelai tasku tranamik.