CRISTOYELØ KØNTRAI PURUKU
KUSRENANIK 10
Martrap misrape mar
Biblia chi taikwan: “Tiuswei tabig srø wamwandø ñimun trannrrab inchimøtø, nam namashibguen øsig kuigwan tranamdiig kuig køn, kaguende ñimbe namuimbe purø undag kømdeelø misrin køben” (1 Tes. 2:8).
Jesús nø chi marik
1. VIDEUWAN ash kape Juan 3:1, 2 leu. Trukutri pinaku paílan isu:
¿Nicodemope Jesúswan chincha yemsrø ashchap yaik kø?(Ash Juan 12:42, 43).
¿Jesúspe mantø kenamarik kø misakmeran nui wentautø ampupelø køntrai purukuntraptøwai pasraik kui?
¿Jesús kenamarikwaimpurap nampe chi kusrentrap?
2. Misakmeran untarapelø kuikkutri Cristoyelø køntrai purukumik kui isupelø ker.
Jesús latawai mar
3. Biblian kusrep uñipik chu uras chipen, chu chipen kusrenantrap intrø. ¿Misakpe chi kualøm, chu uras kusremik más tap kui chipsruera? ¿Chu kui más tap kui pasrøntrera nui kualinuk, nui yau kape misak utu? Ñui utøwan tap tamara Biblian kusrep wapikwan más fácil køntrai mar.
4. Biblian kusrep wapikwan kusrenanikwan trunemørik utøntrai ashiptø pasrau. Ñi mu kaantrap kuape ik pønkatø purukuntrapelan isu:
Truneyu katø kualøm Biblian kusrenantrap intrø.
Celularpurap kape videullamadapurap kusrenan.
Katøkan Jeupawaiwan waminchipikwan Biblian kusrenantrap intrai purukutra chi.
5. Biblian kusrep wapikwan elachimøntrap Jeupawan purukutra cha miau. Biblian kusrep wapikwan kusrenantraptøwai pasrøntrap Jeupawan purukutra cha miau, trunemørik Biblian kusremuinkucha kape nø kusreilan nui øsik uninuk møra maramik mur kui isuintøkucha (Filip. 2:13). Jeupawan purukutra cha miau Biblian kusrep wapikwai tapik tøkakuilantø asamik. ¡Nøpe latrø tapeløtø tøkakuintrun!