MÁS NEPUA ASAMIK 3
Pørin kilka ¡Manasrønkatik kasraktø uñchun! taiktøka mantø Biblian kusrenanamik
Nuneløpe Tiuswan trupa miawa isuik køn, pørin kilka ¡Manasrønkatik kasraktø uñchun! taiku chipuraptø waminchap kuikwaimpurap. Ik pørin kilkawan tap katørantrappe, Biblian mantø kusrenanamikwan pinaku kenamarilan ash.
Biblian kusrenantrap imuatø chi maramik
1. Tap tamar, Biblian kusrep wapik chi palaik waikwan, chipuraptø puraip mekaikwan, chi kørepik kuikwaimpurap isu. Biblian kusrep uñipik chiwan køremik mur kuikwan, kusreikwan nui øsik uninuk møra maramik mur kuikwan isu. Sección “Más nepua ash” yu, pørin kilkamera, videusmeran pøntrapelan asha, Biblian kusrep wapikwan mantø purukuntrap kuikwan isu. Øyamay, Biblian kusrenanøp wainuk kenamaramik paløpene kenamartrun.
Biblian kusrenanøp wainuk
2. Biblian kusrenanøp wapik øn chipene, pølpasrøpyu lata srape lata Tiuspa waminchi.
3. Mentra waminchimøtø kusrenaninuk eshkaikwantø waminchi, Biblian kusrep wapik waminchi pash.
4. Katøkan srø sección pølpasrape pølpasrøpyutø pørikwan leu, incha kusrenaniløyu munchimeran waminchi.
5. Secciónwan chap patsøkape, Biblian kusrep wapikpa “Kusreikwan katøle isuntrap” taikwan kenamar, Bibliayukutri ciertonikwan kusreikwan isuntrai.
6. Biblian kusrep wapikpa kan kan kusrenanilan mantø aship puraampamik.
Pølpasrøpyu párrafosmera pøntrapelan pailøpa ley.
Bibliayu versículosmeran “Ley” chipik pøntrapelan chishtøpa lemik køn.
Kusremiku katøkan versículosmeran pøntrapelan paløpene ley.
Videusmeran “Asay” chipikwan ketrikuwan kenamar (ñun kenamaramtik køpene).
Ketriku paílan mar.
Sección “Más nepua kusreu” chipiku pisilø pøntrapelan asay.
“Ikwan martrap isu” taikwan nøørø tarømarikwan kenamar, Biblian kusrep wapik nøasiktøwai mantø nurap yaikwan ashchai. Jeupawaimpurap más martrai puruku, inchippape nøørø tørømarikyuikwan kape katøkan pek kenamar.
Sección “Más nepua ash” taiku Biblian kusrep wapik kusremikwan tamarøp wawa, chi kustaikwan paya mør.
Biblian kusrenantrap yainuk kan kusrenanikwan patsøkøntrap inchi.
Bibliatøka kusrenanøp waikwan chap patsøkø
7. Biblian kusrep wapikwaimpurap pesannamøtø isu. Biblian kusrep wapik nuyelan marøp más nurap intrai, trektøwai nun purukumik køntrai sabiduría trantra cha Jeupawan miau.