¿Política chintimpa misakmeran kuayanøsrkøpik kø? | ¿Bibliape manchipik kø?

Pirø mupa kuimpurap misakmerape políticakutrintø kuayapelø køn. Kan centro de investigación, Pew Research Center taik, 2022wai kan encuesta maren trentaik køn: “65%yu encuesta paya asinuk kølelan 19 paísesyu partido políticokutri ampukutri ikutri tsalø asiyap acuerdos kømuik køn cha” trentan.

¿Ñi tsuinuk políticakutrintø misakmera alekiyawa tarømisrøpkø? ¿Chincha øyeek purep pasra? ¿Mømay tamaramtik kø chintera? Biblia manchipik kuikwan ash.

¿Chi isuiløtren misakmeran alekiyawa tarømarankarupkø?

Bibliape metrapsrøwai chap eshkaik køn møya srape kualøm warainuk misakmera lata isumelø køntrap kui.

• “Srabe kwalømmerawane tabguen waramga kwalømmera attrab kui. Møguelø ka nømuimburaptø tabig kønrrai inchibelø, [...] chinchaguen tamaramgaig namabelø [køntrun cha]” (2 Timoteo 3:1-3, Tius Namun Waminchip, Wycliffe Inc.).

Misakmera søl martrap isuinkucha aship karup putrapelane mur køn tap asha kutike maramik. Misakmerape pekmaytø isupelø kuikkutri kanpalatø isua chiwanken tap tamartrap kaimapelø køn. Truikpe Biblia metrapkutri chap eshkaikwan cierton kui kenamaran.

• Misakmeratø ampukutri ikutri aship karup pøntraikkutri muntøkucha trømpøik pupik køn (Eclesiastés 8:9).

Treek kuintøkucha Bibliape trenchipik køn kan aship karup wapikpe misakmeran isuintelø putrøntrai marøpelan pinishintrap kui.

Kan aship karup wapik mayelainuk isua marøpik

Bibliape trenchipik køn ik asha martrap karuntrapikpe sí chishtø tamartrapik kui. Ik asha martrapikpe Jesucristo køn. Nøpe sí poder, autoridad tøkaik køn, misakmeran kanpalatø tap warøntrai isua martrapik.

• Tru kualømmerane søl marøpikpe umera lataitøwai køntrun cha, incha pishintø amønamik køntrun (Salmo 72:7).

• Incha maya nacionesmera nun møra martrun (Salmo 72:11).

Jesúspe sí tap asha marøpik køn, kakentø misakmeraimpurø purukuntraptøwai isua wan, tru mas muriku puraampupelan.

• Kakentø waachamera purukutra cha miapelan purukuntrun, køtrømaywan, mu purukuik melankucha. Køtrøtikwan waachawanpa lastima ashchun, incha nui øsik unikwan chiyukutrinkøpen wesrantrun. Chikutrimpunø kaik pupikyukutri wesrantrun (Salmo 72:12-14).

Tius Nø Aship Karup Waimpurø mas nepua ash, tru Jesús aship karup wainuk. Ik aship karup waikpe ñun mantø purukuntraptik kui incha trukatø pasramisramik chi maramik kui nepua ash.

• Videun ash: ¿Tius Nø Aship Karup Waikpe chi kø?

• Ik pørikwan leu: “El Reino de Dios: un gobierno sin corrupción”.