¿TIUS CIERTON EXISTIPIK KØ CHINTA?

Bibliape truikwan løtapik køn

Bibliape tør kenamarøpik køn Tius existipik kuikwan. Trektøwai kusrenanan, katøkanelø køreikwan wamintikwantø kømøtø namasiktøwai asha kusremik køn tørtø tøkakøntrap (1 Juan 5:20; Romanos 12:1). Tius cierton existipik kuikwan Biblia maik kenamarikwan ashkun.

• Universoyu tamarilø pøntrapelø kenamaran mukøpen marik kui. Bibliayu trenchipik køn: “Pøs chi yatøgucha pasrappe, mugøben marigweim pasrainrrun. Inchendø lutøgurri chiwandøgucha mara pønsrøbiibe, Tius køn” (Hebreos 3:4). Nøtrø kusrepelø Ik kenamarikkutri kørepelø køn.a

• Maya misakmera paya mørøpelø ker “¿Chincha øsik warapelø køpra cha?”, por ejemplo mamikwanma palailø kuik køppe trektøwai ik paíkwan løtamik palailø ker. Inchawai Bibliayu trenchipik køn Tiuswai wam parøkuik mørørai inchun cha (Mateo 5:3; Apocalipsis 4:11). Øyeek kenamaran, Tius namun mara pønsrøppe nuyelan kusrentrai mara pønsraik køn (Mateo 4:4).

• Metrapsrø Tius chitø putraintrapikwan eshkaikpe chishtø purayaik køn. Ikwan kenamarøppe møkelø nømtø isua marmuik kenamaran (2 Pedro 1:21).

• 

  Biblian pørøpeløpe cienciawaimpurap nu kusrepelø kuik køn. Inchen metrapsrø katøkan misakmerape treek isupelø kuik køn: Pirøpe kan nu ushawai pala pasran cha. Kan jabalí, kan elefante, kan toron palan pasran cha. Inchen Bibliayupe eshkan: “Nø […] Pirøwan chikucha kemørimiìk pasrik” kui (Job 26:7). Trektøwai planetawaimpurap eshkainuk Bibliape trenchipik køn kan “círculo” lataik køn cha (Isaías 40:22). Inchakutri, yam misakmera isupelø køn Tius Biblian pørøpelan treekwan kenamarik kui.

• Tiuswan køremelan kusrenanamik Bibliape purukupik køn: ¿Chincha kiship waramik pupasa?, ¿chincha religionesmerakutrintø trømpøik pup pasra? (Tito 1:16). Biblia maik løtapik kuikwan Tius cierton existipik kui nepua ashchai purukupik køn.