Latrø namik køptø nui nunekwan kuetsik køn

Adánpa Evapa Edén tulsrønkutri wepusren latrø yam urekmera tøkamisrik køn. Srøtikpe Caín munchi kuik køn. Nøpe pirøwan kuallen, nui katøkan srape nunekpe Abelpe upishan ashipik kuik køn.

Kan kualøm Caínpa Abelpa Jeupawan keta tranøp kuik køn. ¿Chi keta tranøp kuik kera? Nømui mantraukutri latrø tapelan keta tranøp kuik køn. Abel keta tranikwane Jeupape latrø tap kui ashen Caínwaiwane tap kui ashmuik køn. Treekkutri, Caínpe latrø trømpøik namøpen Jeupape trentaik køn: “Ñi namik køpikwan yunømarmupene srapepe latrø trømpøik martrun cha”. Inchentø Caínpe mørmuik køn.

Caínpe nui nunek Abelwan trentaik køn: “Chugøben lliranrrab amun— cha”, pailøtø ampup kua Caínpe nui nunekwan kemøra kuetsik køn. ¿Jeupape chi marik kø? Caínwan latrø trømpøik puntrai marik køn, nui yaukutri latrø yap ya manaken pumøntrai.

¿Chi kusrentrap? Nam isuilø treek pumupen inchippape namik køntrun. Inchen más namik kui mørørapen kape katøkanelø, namun namik kui waik ashene nampe yunømaramik køn, kakentø yunømarmupene namik køpikpe chikøpen trømpøik kalø martrai punkarupik køn.

Abelpe Jeupawan untarap sølkantø marøpik kuikkutri Jeupape nune chu urastøkucha isuntrun, treekkutri wentøsrø latrø tap pirøchik pasramisren katøle øsik kømikwan tøkakøntrai trantrun.