KUSRENANIK 8
Abrahánpa Sarapape Tiuswan mørik køn
Babel pirø pulusrø kan ciuda Ur tainuk, misakmera pek tiusesmeran adorapelø kuinkucha kan møk Abrahán taik Jeupawantø adorapik tsuik køn.
Abrahánwan Jeupa trentaik køn: “Ñui yawelainukkutri møskalainukkutrimpa intrø, na ñun eshkaim pirausrømay, kakentø ñikutri purø nøtrø misakmera netsøkanøp tapelø tøkakøntrai maramøntrun chip”.
Abrahánpe Jeupa chumay ørtrap kui ashmuinkucha, nui srai Sarapa, nui møskai Taré, nui sobrino Lotpa Jeupawan kørewa møra mara; kutike tamara wepampa ampup mentik køn.
Abrahán Canaán pirausrø pupen 75 pilameraken tøkaik køpen, Jeupa trentaik køn: “Ñuinukkutri amtrup urekmeran ik pirøwan kutike tranamøntrun cha”. Inchentø Abrahánpa Sarapape yantø køllelø kuik køn kan unøken chikar. ¿Trupe Jeupa Abrahánwan martrap misrikwan mantø marik kø?
“Abrahamma isubigwan Tiusweinug pasra tøgagúikkurri [...], webya yaig købig køn, chumay yam kuinguen mørmubendø” (Hebreos 11:8).