Abrahán Tiuswaimpurø cierton fe tøkaik køtashchap inchip

Abrahánpe Isaacwan Jeupa martrap misrikwan kørentrai Jeupawan untarantrai kusrenanik køn. Inchentø Isaac 25 pilamera tøkaik køpen, Abraháwan chikøsrøn latrø murik martrai miaik køn, chi miaikwan asimpe.

Jeupape nun trentaik køn: “Møimbe ñui kandø nusrkai ñi truba undaaraigwan pera, Moriah pirausrømay ya, truyu kweecha, nan keta trannrra” cha. Abrahánpe chintimpa Jeupa øyeek miaikwan nepua ashmuinkucha møra marik køn.

Katø kualøm løtsøchiktø Abrahánpe Isaacwanpa nui pakatø karuintik melapelanpa pera ip mentik køn, inchen yantø pøn kualøm purep ipensrø Moria tun kenamisren nui par karuintik melapelan yu muniratrai taik køn yukutrimpe nøm pailøtø amtrap cha. Abrahánpe cuchillo sruaipen nui nusrkawane trarwan nisrøpen Isaacpe trencha paík køn: “¿Tru ubisha kweecha Jeupawan keta tranamibe chu pasra cha?”. Inchen Abrahánpe trencha løtapik køn: “Nai nusrkai Jeupa truikwane namun keta trantrun”.

Yantø tunsrø puape kan altar mara Abrahánpe Isaacwan srøpmeranpa tasikmeranpa lusra altar pala traatrik køn.

Abrahán cuchillon metrøtrapen tru urastø Jeupawai ángel trenchipik køn: “¡Abrahán! ¡Ñui tasiktrawa ñui nusrkawan chikucha marmøta kakentø møimpe síi ashar Tiuswainuk fe tøkaik kui, kakentø ñui nusrkawanken kuecha Jeupawan trantrap intikkutri!”. Trukutrimpe Abrahán ashen kan carnero tusr srapømerayu illa mekaptinchipik køn. Tru urastø Isaacwane tsikmeran chap picha tru carneron kuetcha Jeupawan keta tranøpik køn Isaacwan kømø.

Tru kualømkutri Jeupape Abrahánwan nui tap linchipik køn taik køn. ¿Chintimpa trentaik kø? Kakentø Abrahánpe Jeupa maik karuikwan møra marik køn, maik kuikwan nepua ashmuinkucha.

Jeupape katøle Abrahánwan trentaik køn: “Latrø nu tapelø utap yam urekmera tøkakøntrai martrumøn”. Øyamay chippe Abrahánwai misakmerainukkutri Jeupawan møra marøpelan latrø tapelø utøntrap kuikwan kenamaran.