Jacob Esaúpa tap køtrømisrik køn

Jeupape Abrahánwanpa Isaacwanpa latawai, Jacobwan chi kalø puraimøntrai purukuik køn. Jacobpe Harán pirausrø køtrømisra, trusrø kasherawa latrø yam urek tøkamisra latrø puaik misrik køn.

Yantø yanapa puraipen Jeupape Jacobwan trentaik køn: “Ñui møskalaim pirausrømay katøle intrø cha”. Treekkutri, Jacobpe nui yaweløpa trusrømay ampup køpen nui karuintik melapeløpe trentaik køn: “Ñui nunek Esaú 400 møkelø pera atrun ñun katøntrap”. Inchawai Jacobwan kørik køpen Jeupawan trencha miaik køn: “Tiusmanta purukutra nai nunek nai yawelan chikucha marmøntrain cha”. Inchen Jacob katø løtsøtø Esaúwayasik upishamera, cabrasmera, waramera, camellosmera, burrosmerapa keta trana ørik køn.

Tru yemtøwai Jacob nøtø køtrømisra kan ángelwan ashen, tru ángelpe nøpa katø løtsøsrønkatik kuayapik køn. Jacobpe nui asrwan køtrintinkucha kullaaramupen ángelpe trentaik køn: “Yantø elacha cha”, inchen Jacobpe trencha løtik køn: “Ñi nan tapikwan tranmupene nape lelachimumøntrun cha”.

Ángelpe Jacobwan tru tapikwan tranen Jeupa nun purukuntrap kui, nui nunek Esau chikucha kalø marmøntrap kui kørewa pasramisrik køn.

Tru løtsøtøwai Jacobpe yapkutri ashipik køn tru nui nunek 400 møkelø pera atrupen, incha nui yawelan wentau køtrømara Jacobpe nømetrik Esaúwan katøntrap lula nui nunekwaim pulu puape siete piejeskatik tømpasrik køn, inchene Esaúpe nun irøntrap lula pailø kisi utøtø tammisra køtrømisrøpelø køn. Jacop øyeek marikpe Jeupawane latrø tap kui asønaik køn.

Treek purayainukkutri, Esaúpe yantø nui yamay ipen Jacobpe nui møskalain pirausrømay ipik køn. Jacobpe 12 nusrkalø tøkakuik køn: Rubén, Simeón, Leví, Judá, Dan, Neftalí, Gad, Aser, Isacar, Zabulón, José incha Benjamín. Yanasrømpe Jacobwai nusrkai tru Joséwainukkutri Jeupape nui misakmeran purukuntrap kuik køn. Maik purayaikwan asimpe.